ଛତ୍ରପୁର,୨୮।୨(ଡି.ଏନ୍.ଏ.): ମିଶନ ଶକ୍ତି କମ୍ୟୁନିଟି ସପୋର୍ଟ ଷ୍ଟାଫ୍ଙ୍କ ସ୍ଥାୟୀ ଚାକିରି ଓ ଦରମା ବୃଦ୍ଧି ଦାବି ନେଇ ଆମ ଆଦମୀ ପାର୍ଟି ପକ୍ଷରୁ ମଙ୍ଗଳବାର ଗଞ୍ଜାମ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ଏନେଇ ଏକ ଦାବିପତ୍ର ମୁଖ୍ୟ ମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲାପାଳଙ୍କୁ ପ୍ରଦାନ କରାଯାଇଥିଲା । ମିଶନ ଶକ୍ତିରେ ସହାୟକ ଷ୍ଟାଫ ଭାବରେ କାମ କରୁଥିବା ଏମ୍ବିକେ, ସିଆର୍ପି, ପ୍ରାଣୀମିତ୍ର, କୃଷିମିତ୍ର, ବ୍ୟାଙ୍କମିତ୍ର ଦୀର୍ଘ ଦିନ ଧରି କାମ କରୁଛନ୍ତି । ହେଲେ ସେମାନଙ୍କୁ ସ୍ଥାୟୀ କରରାଯାଇ ନାହିଁ । ଏଥିସହ ଦରମା ବୃଦ୍ଧି କରାଯାଉ ନ ଥିବା ପ୍ରତିବାଦରେ ଆମ ଆଦମୀ ପାର୍ଟି ପକ୍ଷରୁ କ୍ଷୋଭ ପ୍ରଦର୍ଶନ କରାଯାଇଛି। ଆଗାମୀ ଦିନରେ ଦାବି ପୂରଣ ନକରା ନ ଗଲେ ଆନ୍ଦୋଳନକୁ ବ୍ୟାପକ କରାଯିବ ବୋଲି ଚେତାବନୀ ଦିଆଯାଇଛି।
ଏଥିସହ ଦିଲ୍ଳୀର ଶିକ୍ଷାମନ୍ତ୍ରୀ ସିସୋଡିଆଙ୍କ ଗିରଫକୁ ନିନ୍ଦା ସହ କେନ୍ଦ୍ର ସରକାରଙ୍କୁ ତୀବ୍ର ସମାଲୋଚନା କରାଯାଇଛି । ଆନ୍ଦୋଳନରେ ଦଳର ଜିଲା ସଭାପତି ସୁବାସ ଚନ୍ଦ୍ର ରାଉସ, ସମ୍ପାଦକ ଆଦିତ୍ୟ କୁମାର ରଥ, ଉପସଭାପତି ସୁଧୀର କୁମାର ପ୍ରଧାନ, ମହିଳା ସଭାନେତ୍ରୀ ନିବେସ୍ମିତା ପ୍ରଧାନ ପ୍ରମୁଖ ସାମିଲ ଥିଲେ ।
