କରୋନା ଭାଇରସ ଯୋଗୁ ବର୍ତ୍ତମାନ ଅଧିକାଂଶ ଲୋକେ ଘରେ ରହି କାମ କରୁଛନ୍ତି। ଏହି ସମୟରେ ସକରାରୀ ଅଧିକାରୀ ଏବଂ ନେତାମାନେ ଜୁମ୍ ଆପ୍ରେ ମିଟିଂ କରୁଛନ୍ତି। ତେବେ ଏହି ଜୁମ୍ ମିଟିଂ ସମୟରେ ଏମିତି ଏକ ଘଟଣା ଘଟିଛି, ଯାହା ଶୁଣିଲେ ଲାଜ ଲାଗିବ।
ଦକ୍ଷିଣ ଆଫ୍ରିକାରେ ଏବେ କରୋନା ସଂକ୍ରମଣ ବଢୁଥିବାରୁ ସରକାରୀ ଅଧିକାରୀ ଏବଂ ନେତାମାନେ ଜୁମ୍ ଆପ୍ରେ ମିଟିଂ କରୁଥିଲେ। ଏହି ସମୟରେ ଜଣେ ନେତାଙ୍କ ସ୍ତ୍ରୀ ଉଲଗ୍ନ ହୋଇ ସ୍ବାମୀଙ୍କ ପଛ ପଟେ ଠିଆ ହୋଇଥିଲେ। ଏହା ଦେଖି ଜୁମ୍ ମିଟିଂରେ ଯୋଡ଼ି ହୋଇଥିବା ଅନ୍ୟ ସଦସ୍ୟମାନେ ସଂପୃକ୍ତ ନେତାଙ୍କୁ ଏ ବିଷୟରେ କହିଥିଲେ କି ତୁମ ପଛରେ ଠିଆ ହୋଇଥିବା ମହିଳା ଜଣକ କିଛି କପଡ଼ା ପିନ୍ଧିନାହାନ୍ତି। ଆପଣ କ’ଣ ତାଙ୍କୁ ଜଣାଇ ନ ଥିଲେ କି ମିଟିଂ ଚାଲିଛି ବୋଲି। ଏହା ଶୁଣିବା ପରେ ନେତା ଜଣକ ଲାଜେଇ ଯାଇଥିଲେ।
ଯୋଲିଲେ ଏନ୍ଭେଡୁ ନାମକ ଏହି ନେତା ଜଣକ ମୁହଁରେ ହାତ ଦେବା ସହ କ୍ଷମା ମାଗିଛନ୍ତି। ସେ କହିଛନ୍ତି, ମୁଁ କ୍ୟାମେରା ପ୍ରତି ଏତେଟା ଧ୍ୟାନ ଦେଇ ନ ଥିଲି। ପଛକୁ ମୁଁ ଆଉ ଚାହିଁ ନ ଥିଲି। ଏଥିରେ ମୁଁ ବହୁ ଲଜ୍ଜିତ।
