ଭୁବନେଶ୍ୱର, ୨୦ା୬, (ବିଜୟ ରଣା): ସେପ୍ଟେମ୍ବର ଚାଇନାରେ ହେବାକୁଥିବା ଏସିଆନ ଗେମ୍ସର ଜି ଜୁତ୍ସୁ ପ୍ରତିଯୋଗିତା ପାଇଁ ହେବାକୁଥିବା ସିଲେକ୍ସନ ଟ୍ରାଏଲରେ ଅଂଶଗ୍ରହଣ କରିବେ ଓଡ଼ିଶାର ଅନ୍ତର୍ଜାତୀୟ ସାମରିକକଳା କ୍ରୀଡ଼ାବିତ୍ ଅନୁପମା ସ୍ବାଇଁ। ସିଲେକ୍ସନ ଟ୍ରାଏଲ୍ ଉତ୍ତରଖଣ୍ଡର ହଲଦ୍ୱାନୀସ୍ଥିତ ଇନ୍ଦିରାଗାନ୍ଧୀ ଇଣ୍ଟରନ୍ୟାଶନାଲ ଷ୍ଟାଡିୟମରେ ହେବ। ଓଡ଼ିଶା ପୋଲିସରେ କାର୍ଯ୍ୟରତ ଅନୁପମା ୫ ବର୍ଷ ଧରି ଜାତୀୟ ଚାମ୍ପିୟନ ରହିଥିବା ବେଳେ ଗତ ୩ ବର୍ଷ ଧରି ଏସୀୟ ଜୁ ଜିତ୍ସୁ ପ୍ରତିଯୋଗିତାରେ ପଦକ ଜିତିଆସୁଛନ୍ତି। ସୂଚନାଯୋଗ୍ୟ, ଏସିଆନ ଗେମ୍ସରେ ଦ୍ୱିତୀୟ ଥର ଜୁ ଜିତ୍ସୁ କ୍ରୀଡ଼ାକୁ ସାମିଲ କରାଯାଇଛି। ଗତଥର ଇଣ୍ଡୋନେସିଆରେ ଅନୁଷ୍ଠିତ ଏସିଆନ ଗେମ୍ସରେ ଜି ଜିତ୍ସୁକୁ ଏକ ପଦକ ଇଭେଣ୍ଟ ଭାବେ ସାମିଲ କରାଯାଇଥିଲେ ମଧ୍ୟ ଭାରତରୁ କୌଣସି ପ୍ରତିଯୋଗୀ ଯୋଗ୍ୟତା ହାସଲ କରିପାରି ନ ଥିଲେ। ଅନୁପମାଙ୍କୁ ରାଜ୍ୟ ଜୁ ଜିତ୍ସୁ ସଂଘ ପକ୍ଷରୁ ଶୁଭେଚ୍ଛା ଜ୍ଞାପନ କରାଯାଇଛି।
