ଭଜନ ଗାୟକରୁ ନିକଟରେ ଅଭିନେତା ସାଜିଥିବା ଅନୁପ ଜାଲୋଟା ୪୬ ବର୍ଷ ପରେ ଲକ୍ଷ୍ନୌ ବିଶ୍ୱବିଦ୍ୟାଳୟରୁ ବିଏ ଡିଗ୍ରୀ ହାସଲ କରିଛନ୍ତି। ୧୯୭୪ରେ ଅନୁପ ଏଠାରୁ ସ୍ନାତକ ଡିଗ୍ରୀ ହାସଲ କରିଥିଲେ। କିନ୍ତୁ ଡିଗ୍ରୀ ସାର୍ଟିଫିକେଟ ନେଇ ନ ଥିଲେ। ଏବେ ତାଙ୍କୁ କୁଳପତିଙ୍କ କାର୍ଯ୍ୟାଳୟରେ କୁଳପତି ଏହି ଡିଗ୍ରୀ ପ୍ରଦାନ କରିଥିଲେ। ଲକ୍ଷ୍ନୌ ବିଶ୍ୱବିଦ୍ୟାଳୟ ପ୍ରତିଷ୍ଠା ହେବାର ୧୦୦ ବର୍ଷ ବିତିଗଲାଣି, ଏଭଳି ପରିସ୍ଥିତିରେ ଏଠାରେ ଏକ ‘ଶତାବ୍ଦୀ ଉତ୍ସବ’ କାର୍ଯ୍ୟକ୍ରମ ଆୟୋଜିତ ହୋଇଛି। ଏହି କାର୍ଯ୍ୟକ୍ରମରେ ଅନୁପ ଜାଲୋଟାଙ୍କୁ ନିମନ୍ତ୍ରଣ କରାଯାଇଥିଲା। ୪୬ ବର୍ଷ ପରେ ବିଏ ଡିଗ୍ରୀ ହାସଲ କରିବା ପରେ ଅନୁପ ଜାଲୋଟା କହିଛନ୍ତି ଯେ, ତାଙ୍କୁ ଦ୍ୱିତୀୟ ଥର ପାଇଁ ପଦ୍ମଶ୍ରୀ ପ୍ରଦାନ କରାଯାଉଥିବା ଭଳି ଲାଗୁଛି। ସୂଚନାଯୋଗ୍ୟ, ଅନୁପ ଜାଲୋଟା ଖୁବଶୀଘ୍ର ୱୋ ମେରି ଷ୍ଟୁଡେଣ୍ଟ ହୈ ଫିଲ୍ମରେ ନଜର ଆସିବେ। ଯାହାର ଶୁଟିଂ ପ୍ରାୟ ସମ୍ପୂର୍ଣ୍ଣ ହୋଇଛି। ଫିଲ୍ମରେ ତାଙ୍କ ଛାତ୍ର ତଥା ତଥାକଥିତ ଜସଲିନ ମଥାରୁଙ୍କ ସହ ଏହି ଫିଲ୍ମରେ ଅଭିନୟ କରୁଛନ୍ତି।
