ସୁନ୍ଦରଗଡ,୧୮।୧: କୋଭିଡ ଟିକା ନେଇ ସୁନ୍ଦରଗଡ଼ ଜିଲା ମୁଖ୍ୟ ଡ଼ାକ୍ତରଖାନାର ୨ଜଣ ପୁରୁଷ ଏବଂ ଜଣେ ମହିଳା ସୁରକ୍ଷା କର୍ମୀ ଅସୁସ୍ଥ ହୋଇପଡିଛନ୍ତି। ସେମାନେ ହେଲେ ଦୁବରାଜ ରଣା, ମାନସ କରାଳୀ ଏବଂ ରାଜକୁମାରୀ ଓରାମ। ଦୁବରାଜଙ୍କ କହିବା ମୁତାବକ, ସେ ୧୬ ତାରିଖରେ କୋଭିଡ ଟିକା ନେଇଥିଲେ। ଟିକା ନେଇ ସେହିଦିନ ଡ୍ୟୁଟି କରି ଘରକୁ ଯାଇଥିଲେ। ୧୭ ତାରିଖରେ ଡ୍ୟୁଟି କଲା ବେଳେ ହଠାତ ଜ୍ବର ହୋଇ ଶରୀରର ବାମପାର୍ଶ୍ୱରେ ପକ୍ଷାଘାତ ଭଳି ଅନୁଭବ କରିଥିଲେ। ସେହିପରି ମାନସଙ୍କୁ ମଧ୍ୟ ଜ୍ବର ହୋଇଥିଲା। ଏପରି କି ରାଜକୁମାରୀ ମଧ୍ୟ ଅସୁସ୍ଥ ଅନୁଭବ କରି୍ଥିଲେ। ପରେ ଡାକ୍ତରଙ୍କ ପରାମର୍ଶ କ୍ରମେ ସେମାନଙ୍କୁ ସୁନ୍ଦରଗଡ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ସମ୍ପର୍କରେ ଜିଲା ମୁଖ୍ୟ ଚିକିତ୍ସା ଅଧିକାରୀ ସରୋଜ କୁମାର ମିଶ୍ରଙ୍କୁ ପଚାରିବାରୁ ଟିକାର କୌଣସି ପାଶର୍ବ ପ୍ରତିକ୍ରିୟା ନାହିଁ। ଟିକା ନେବା ପରେ ଜ୍ବର ହେବା ସାଧାରଣ କଥା। ଅସୁସ୍ଥ କର୍ମଚାରୀ ବର୍ତ୍ତମାନ ସୁସ୍ଥ ଅଛନ୍ତି। ଏଥିରେ ଭୟଭୀତ ନ ହୋଇ ସମସ୍ତେ କୋଭିଡ ଟିକା ନେବାକୁ ସେ ଅନୁରୋଧ କରିଛନ୍ତି।
