କେସିଙ୍ଗା,୧୪।୫(ତୁମେଶ୍ୱର ସାହୁ): କେସିଙ୍ଗାରୁ ଭୁବନେଶ୍ୱରକୁ ନୂତନ ଟ୍ରେନ ପାଇଁ ଦାବି ଜୋର ଧରିଥିଲା। ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ପୁରୀରୁ କୋରାପୁଟ ସିଧା ପଶ୍ଚିମ ଓଡ଼ିଶାରକୁ ସଂଯୋଗ କରୁଥିବା ଏକ ଟ୍ରେନ ଆଶା ପୂରଣ କରିଛନ୍ତି। ପୁଣି ଏକ ନୂତନ ଟ୍ରେନ ପଶ୍ଚିମ ଓଡ଼ିଶାବାସୀଙ୍କୁ ବିଶାଖାପାଟଣାରୁ ନ୍ୟୁ ଦିଲ୍ଲୀକୁ ମଞ୍ଜୁର କରିଥିବାରୁ ମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି। ଏହି ନୂତନ ଟ୍ରେନ ବିଶାଖାପାଟଣା ଭାୟା ବିଜୟ ନଗର ଦେଇ ରାୟଗଡ଼ା, ମୁନିଗୁଡା, କେସିଙ୍ଗା, ଟିଟିଲାଗଡ, ବଲାଙ୍ଗୀର,ବରଗଡ଼, ସମ୍ବଲପୁର, ଝାରସୁଗୁଡା, ବିଳାଶପୁର, କଟନୀ ଦେଇ ପ୍ରସିଦ୍ଧ ତୀର୍ଥସ୍ଥଳ ପ୍ରୟାଗରାଜ ଦେଇ ଦିଲ୍ଲୀକୁ ଆସନ୍ତା ୨୨ରେ ଚଳାଇବା ପାଇଁ ରେଳ ବିଭାଗ ବିଭାଗ ସୂଚନା ଦେଇଛନ୍ତି।
ଏହି ଟ୍ରେନରେ ୧୮ଟି ବଗି ରହିଛି। ଆସନ୍ତା ୨୬ତାରିଖରେ ଏହି ଟ୍ରେନଟି ନ୍ୟୁ ଦିଲ୍ଲୀରୁ ବାହାରି କେସିଙ୍ଗାକୁ ସକାଳ ୭.୨୮ ମିନିଟରେ ପହଞ୍ଚତ୍ବ ଓ ବିଶାଖାପାଟଣାକୁ ଅପରାହ୍ନ ୧ଟା ରେ ପହଂଚିବ। ବିଶାଖାପାଟଣା ନ୍ୟୁ ଦିଲ୍ଲୀ ଟ୍ରେନ (ନ. ୦୮୫୧୭) ନ୍ୟୁ ଦିଲ୍ଲୀ ଟ୍ରେନ (ନ .୮୫୧୮) ଏହି ଟ୍ରେନ ଚଳିତ ମାସ ୨୨ରୁ ବିଶାଖାପାଟଣା ପୂର୍ବାହ୍ନ ୧୦.୧୭ଟାରେ ଛାଡିବ। ନ୍ୟୁ ଦିଲ୍ଲୀରୁ ଏହି ଟ୍ରେନ ଚଳିତମାସ ୨୬ ତାରିଖରୁ ବାହାରିବ ୧ ଟାରେ ଛାଡିବ। ଏହି ଟ୍ରେନ ଚାଲିବା ଦ୍ୱାରା ସମଗ୍ର ଆନ୍ଦ୍ର ପ୍ରଦେଶ, ପଶ୍ଚିମ ଓଡିଶା, ଉତ୍ତରପ୍ରଦେଶ ଲୋକମାନେ ପିଣ୍ଡଦାନ କାର୍ଯ୍ୟକ୍ରମ ସୂଚାରୁ ରୂପେ କରି ପାରିବେ। ଯାତ୍ରୀମାନେ ପ୍ରସିଦ୍ଧ ପ୍ରୟାଗରାଜକୁ ଦର୍ଶନ କରିବାରେ ସୁବିଧା ହୋଇପାରିବ। ତେଣୁ କଳାହାଣ୍ଡି ଏମ୍ପି ମାଳବିକା ଦେବୀ ଓ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ କଳାହାଣ୍ଡି ରେଳ ଯାତ୍ରୀ ସଂଘ ବହୁତ ଧନ୍ୟବାଦ ଦେଇଛନ୍ତି।
Dharitri – Odisha’s No.1 Odia Daily
