ମହେଶ ଭଟ୍ଟ ବଲିଉଡକୁ ଅନେକ ହିଟ୍ ଫିଲ୍ମ ଦେଇଛନ୍ତି । ଫିଲ୍ମ ସହିତ ସେ ଅନେକ କାରଣକୁ ନେଇ ବିବାଦ ଘେରକୁ ଟାଣି ହୋଇ ଆସିଛନ୍ତି। ବୃତ୍ତିଗତ ଜୀବନ ବ୍ୟତୀତ ବ୍ୟକ୍ତିଗତ ଜୀବନରେ ସେ ଅନେକ ଉତ୍ଥାନ-ପତ୍ତନ ଦେଇଗତି କରିଛନ୍ତି। ତେବେ ମହେଶ ଭଟ୍ଟ ୨୦ ସେପ୍ଟେମ୍ବରରେ ତାଙ୍କ ଜନ୍ମଦିନ ପାଳନ କରନ୍ତି । ଜନ୍ମଦିନ ଅବସରରେ ତାଙ୍କ ଜୀବନର ବିବାଦୀୟ କାହାଣୀ ଜାଣନ୍ତୁ….
ମହେଶଙ୍କ ବାପାଙ୍କ ନାମ ନାନାଭାଇ ଭଟ୍ଟ ହୋଇଥିବାବେଳେ ତାଙ୍କ ମା’ ଙ୍କ ନାମ ଶିରିନ ମହମ୍ମଦ ଅଲ୍ଲି। କୁହାଯାଏ ତାଙ୍କ ବାପା ମା’ ବିବାହ କରିନାହାଁନ୍ତି। ଯାହାର ପ୍ରଭାବ ମହେଶଙ୍କ ଜୀବନ ଉପରେ ପକାଇଛି। ସେ ତାଙ୍କ ଜୀବନରେ ବିବାହକୁ ଗୁରୁତ୍ୱ ଦେଇନାହାନ୍ତି।
ମହେଶ କଲେଜ ସମୟରେ ଲୋରିଏନ ବ୍ରାଇଟ ନାମକ ଜଣେ ଝିଅକୁ ଭଲ ପାଉଥିଲେ। ବିବାହ ପରେ ଲୋରିଏନ ନାମ କିରଣ ଭଟ୍ଟ ରଖାଯାଇଥିଲା। କିରଣ ହେଉଛନ୍ତି ପୂଜା ଭଟ ଏବଂ ରାହୁଲ ଭଟଙ୍କ ମା’। ଏହି ସମୟରେ ମହେଶ ଭଟ୍ଟଙ୍କ ପରବିନ ବବିଙ୍କ ସହ ସମ୍ପର୍କ ରଖିଥିଲେ। ଯାହାଦ୍ୱାରା ସେମାନଙ୍କ ବୈବାହିକ ଜୀବନରେ ଝଡ଼ ଆସିଥିଲା। କିଛି ଦିନ ପରେ ପରବିନ ସହ ତାଙ୍କର ସମ୍ପର୍କ ବି ଖରାପ ହୋଇଗଲା।
ପରେ ମହେଶ ଭଟ୍ଟଙ୍କ ଜୀବନରେ ସୋନି ରଜଦାନ ଆସିଥିଲେ ।ସୋନିଙ୍କ ସହ ପ୍ରେମ ସମ୍ପର୍କ ସମୟରେ ମହେଶ ଏବଂ କିରଣ ଏକାଠି ରହୁଥିଲେ। ସେ ଆଇନଗତ ଭାବରେ ଛାଡପତ୍ର କର ିନ ଥିଲେ କିନ୍ତୁ ସୋନି ରଜଦାନଙ୍କୁ ବିବାହ କରିଥିଲେ। ମହେଶ ଭଟ୍ଟ ଏବଂ ସୋନି ରଜଦାନଙ୍କର ଦୁଇ ଝିଅ ଆଲିଆ ଏବଂ ଶାହିନ ଅଛନ୍ତି।
ମହେଶ ମଧ୍ୟ ତାଙ୍କ ଝିଅ ପୂଜା ଭଟ୍ଟଙ୍କୁ ନେଇ ବିବାଦରେ ଥିଲେ। ଷ୍ଟାରଡଷ୍ଟ ପତ୍ରିକା ପାଇଁ ପୂଜା ଭଟଙ୍କୁ ଚୁମ୍ବନ ଦେବାବେଳେ ମହେଶ ଭଟ ଏକ ଫଟୋଶୁଟ କରିଥିଲେ, ଯାହାକୁ ବହୁ ସମାଲୋଚନା କରାଯାଇଥିଲା। ଏକ ସାକ୍ଷାତକାରରେ ମହେଶ ଭଟ୍ଟ ତାଙ୍କ ଝିଅ ବିଷୟରେ କହିଥିଲେ ଯେ, ଯଦି ପୂଜା ଭଟ୍ଟ ତାଙ୍କ ଝିଅ ହୋଇନଥାନ୍ତେ ତେବେ ସେ ତାଙ୍କୁ ବିବାହ କରିଥାନ୍ତେ। ତେବେ ମହେଶ ଭଟ୍ଟ ହୁଏତ ଅନେକ ବିବାଦରେ ଥାଇ ମଧ୍ୟ ସେ ଏହାକୁ ଗୁରୁତର ସହ ନେଇ ନାହାନ୍ତି। ଆଜି ବି ପ୍ରତ୍ୟେକ ପ୍ରସଙ୍ଗରେ ତାଙ୍କର ମତ ରହିଛି।
