ନୂଆଦିଲ୍ଲୀ,୨୭।୧୦: ଟିମ ଇଣ୍ଡିଆକୁ ଟି -୨୦ ବିଶ୍ୱକପ୍ର ପ୍ରଥମ ମ୍ୟାଚ୍ରେ ପାକିସ୍ତାନ ବିପକ୍ଷରେ ୧୦ ଉଇକେଟ୍ରେ ପରାଜୟର ସମ୍ମୁଖୀନ ହେବାକୁ ପଡ଼ିଛି। ଏହି ମ୍ୟାଚରେ ଭାରତୀୟ ଦଳର ଅଧିନାୟକ ବିରାଟ କୋହଲିଙ୍କ ବ୍ୟତୀତ କୌଣସି ବ୍ୟାଟ୍ସମ୍ୟାନ ବିଶେଷ କିଛି କରିପାରି ନ ଥିଲେ। ଏହି ମ୍ୟାଚ୍ରେ ବିରାଟ ୫୭ ରନର ଇନିଂସ ଖେଳିଥିଲେ। କିନ୍ତୁ ଏହି ଉଜ୍ଜ୍ୱଳ ଇନିଂସ ସତ୍ତ୍ୱେ ବିରାଟ କୋହଲି ଏକ ବଡ଼ କ୍ଷତି ସହିଛନ୍ତି।
ଭାରତୀୟ ଅଧିନାୟକ ବିରାଟ କୋହଲି ଟି -୨୦ ବିଶ୍ୱକପରେ ପାକିସ୍ତାନ ବିପକ୍ଷରେ ଅର୍ଦ୍ଧଶତକ ହାସଲ କରିବା ସତ୍ତ୍ୱେ ବୁଧବାର ପ୍ରକାଶିତ ଆଇସିସି ଟି -୨୦ ଅନ୍ତର୍ଜାତୀୟ ବ୍ୟାଟିଂ ମାନ୍ୟତାରେ ପଞ୍ଚମ ସ୍ଥାନକୁ ଖସି ଆସିଥିବାବେଳେ ତାଙ୍କ ସାଥୀ କେ.ଏଲ ରାହୁଲ ଦୁଇଟି ସ୍ଥାନ ହରାଇ ଅଷ୍ଟମ ସ୍ଥାନରେ ରହିଛନ୍ତି।
ପାକିସ୍ତାନ ଓପନର୍ ମହମ୍ମଦ ରିଜୱାନ ଚତୁର୍ଥ ସ୍ଥାନକୁ ଉନ୍ନୀତ ହୋଇଛନ୍ତି, ଯାହା ତାଙ୍କ କ୍ୟାରିୟରର ଶ୍ରେଷ୍ଠ ମାନ୍ୟତା ଅଟେ। ରିଜୱାନଙ୍କ ର଼୍ୟାଙ୍କିଙ୍ଗ ସୁବିଧା ହେଉଛି ଭାରତ ବିପକ୍ଷ ମ୍ୟାଚ୍ରେ ୭୯ ରନ ଏବଂ ମଙ୍ଗଳବାର ନ୍ୟୁଜିଲାଣ୍ଡ ବିପକ୍ଷ ଦଳର ଦ୍ୱିତୀୟ ମ୍ୟାଚ୍ରେ ୩୩ ରନ କରିଥିଲେ। ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ ଏଡେନ ମାର୍କ୍ରାମ ନିଜ କ୍ୟାରିୟରର ଶ୍ରେଷ୍ଠ ମାନ୍ୟତା ହାସଲ ତୃତୀୟ ସ୍ଥାନରେ ଅଛନ୍ତି। ସେ ବର୍ତ୍ତମାନ ଇଂଲଣ୍ଡର ଡେଭିଡ ମାଲାନ ଏବଂ ପାକିସ୍ତାନର ଅଧିନାୟକ ବାବର ଆଜମଙ୍କ ପଛରେ ଅଛନ୍ତି।
