ତୂଳୀରେ ଜୀବନ୍ତ ହେଉ ଅନୁଗୋଳର ଐତିହ୍ୟ

ଅନୁଗୋଳ ଅଫିସ୍‌, ୪।୮

ସରକାରୀ ଅର୍ଥରେ ଅନୁଗୋଳର ବିଭିନ୍ନ ପ୍ରାଚୀରରେ ସାଜସଜ୍ଜା କରାଯାଉଛି। ରଙ୍ଗବେରଙ୍ଗର ଚିତ୍ରକଳାରେ ସହରର ସୌନ୍ଦର୍ଯ୍ୟ ବଢ଼ାଯାଉଛି। ସରକାରୀ ଯୋଜନାର ପ୍ରଚାର ସହ କରୋନା ସଂକ୍ରମଣ ନେଇ ସତର୍କ ସୂଚନା ଦିଆଯାଉଛି। ହେଲେ ଏଥିରେ ସ୍ଥାନ ପାଉନି ଅନୁଗୋଳର କଳା, ସଂସ୍କୃତି, ଯାହାକୁ ନେଇ ମନଉଣା କରିଛନ୍ତି ଅନେକ ସଂସ୍କୃତିପ୍ରେମୀ ସହରବାସୀ। କାରିଗରଙ୍କ ତୂଳୀରେ ଅନୁଗୋଳର ଐତିହ୍ୟକୁ ଜୀବନ୍ତ କରାଯାଇପାରିଲେ ଏହା ଆହୁରି ପ୍ରଶଂସନୀୟ ହୋଇପାରନ୍ତା ବୋଲି ସେମାନେ ମତ ଦେଇଛନ୍ତି।
କରୋନା ଭଳି ମହାମାରୀ ସମୟରେ ଅନୁଗୋଳ ପୌରପାଳିକାକୁ ରାଜ୍ୟ ସରକାରଙ୍କ ପକ୍ଷରୁ ୯୪ ଲକ୍ଷ ଟଙ୍କା ପ୍ରଦାନ କରାଯାଇଛି। ସହରାଞ୍ଚଳ କର୍ମଭିତ୍ତିକ ଯୋଜନାରେ କର୍ମ ନିଯୁକ୍ତି ସୃଷ୍ଟି ଉଦ୍ଦେଶ୍ୟରେ ଏହି ଅର୍ଥ ଦିଆଯାଇଛି। ପୌରପାଳିକା ପକ୍ଷରୁ ହେଉଥିବା ଏହି ପ୍ରାଚୀର କଳା କାର୍ଯ୍ୟ ମହିଳା ସ୍ବୟଂସହାୟକ ଗୋଷ୍ଠୀଙ୍କ ଜରିଆରେ କରାଯାଉଛି। ମେଡିକାଲ ଛକ ପାଖରୁ ଆରମ୍ଭ କରି ଷ୍ଟାଡିୟମ, ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖ, ପିଟିସି ଛକ ଆଦି ସ୍ଥାନରେ ଥିବା ପାଚେରିଗୁଡ଼ିକରେ ସୁନ୍ଦର ଚିତ୍ରକଳାମାନ ସ୍ଥାନ ପାଉଛି। ବିଶେଷକରି ସରକାରୀ ଯୋଜନା ସହ କରୋନା ସମୟରେ ଲୋକଙ୍କୁ କିପରି ସଚେତନ ଓ ସତର୍କ କରିହେବ ତାହା ଉପରେ ଧ୍ୟାନ ଦିଆଯାଉଛି। କିନ୍ତୁ ଅନୁଗୋଳ ଜିଲାର କଳା, ସଂସ୍କୃତି ଓ ଐତିହ୍ୟକୁ ଏଥିରେ ସ୍ଥାନ ଦିଆଯାଉଥିବା ଦେଖାଯାଉ ନାହିଁ। ଜିଲାରେ ସାତକୋଶିଆ ଅଭୟାରଣ୍ୟ, ବ୍ୟାଘ୍ର ପ୍ରକଳ୍ପ, ଟିକରପଡ଼ା କୁମ୍ଭୀର ପ୍ରଜନନ କେନ୍ଦ୍ର, ମହାରାଜା ସୋମନାଥ ସିଂହ ଜଗଦ୍ଦେବ, ତାଳଚେରର ରାଜବାଟୀ ଆଦି ଅନେକ କିଛି ସମ୍ପର୍କରେ କଳାକୃତି ଅଙ୍କନ କରାଯାଇପାରିବ। କିନ୍ତୁ ଚିତ୍ରକରଙ୍କ ତୂଳୀରେ ଏସବୁ ସ୍ଥାନ ଦିଆଯାଉ ନାହିଁ। ଅନେକ କାନ୍ଥରେ କେବଳ ଝୋଟି ଚିତା ପକାଯାଉଥିବା ବେଳେ ସେଥିରେ ଅନୁଗୋଳର ଏସବୁ ଐତିହ୍ୟକୁ ଗୁନ୍ଥାଯାଇ ପାରିଲେ ଏହାକୁ ଆହୁରି ସ୍ବାଗତ କରାଯାଇପାରନ୍ତା। ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ଯେଉଁ ସବୁ ଫଟୋ ଦିଆଯାଉଛି ତାହାକୁ ତୂଳିରେ ଜୀବନ୍ତ ରୂପ ଦେଉଥିବା କେତେଜଣ ଚିତ୍ରକର ପ୍ରକାଶ କରିଛନ୍ତି।
ଆଗାମୀ ଦିନରେ ସ୍ଥାନ ପାଇବ
ଅନୁଗୋଳର ବିଭିନ୍ନ ସରକାରୀ କାର୍ଯ୍ୟାଳୟ ପାଚେରିରେ କଳାକୃତି ଦ୍ୱାରା ଜନସଚେତନତା ସୃଷ୍ଟି କରାଯାଉଛି। ଅନୁଗୋଳର ବିଭିନ୍ନ ଐତିହ୍ୟସ୍ଥଳୀକୁ ଏଥିରେ ସ୍ଥାନ ଦେବାରେ ଅସୁବିଧା ନାହିଁ। ପୂର୍ବରୁ କେହି ଦୃଷ୍ଟି ଆକର୍ଷଣ କରି ନ ଥିଲେ। ଆଗାମୀ ଦିନରେ ତାହାକୁ ସ୍ଥାନ ଦିଆଯିବ।
-ବିନୋଦ ଚନ୍ଦ୍ର ପଣ୍ଡା, ଅନୁଗୋଳ ପୌର ନିର୍ବାହୀ ଅଧିକାରୀ
ସୌନ୍ଦର୍ଯ୍ୟ ବଢ଼ାନ୍ତା ସାତକୋଶିଆ
କାନ୍ଥ କାରୁକାର୍ଯ୍ୟ ପାଇଁ ଅନୁଗୋଳ ସହର ପୂର୍ବାପେକ୍ଷା ସୁନ୍ଦର ଦିଶୁଛି। ଏହା ଏକ ସ୍ବାଗତଯୋଗ୍ୟ ପଦକ୍ଷେପ। ହେଲେ ଅନୁଗୋଳର ବିଭିନ୍ନ ପର୍ଯ୍ୟଟନସ୍ଥଳୀ ବିଶେଷକରି ସାତକୋଶିଆର ଚିତ୍ର ଆହୁରି ସୌନ୍ଦର୍ଯ୍ୟ ବଢ଼ାଇପାରନ୍ତା। -ରଶ୍ମିରଞ୍ଜନ ସାହୁ
ଚିତ୍ରରୁ ଜାଣିହେବ ସଂସ୍କୃତି
ଅନୁଗୋଳର କଳା, ସଂସ୍କୃତି କେତେ ସମୃଦ୍ଧ ତାହା ପୌରପାଳିକା ସମସ୍ତଙ୍କୁ ଏହି ଚିତ୍ରକଳା ମାଧ୍ୟମରେ ଜଣାଇପାରିବ। ବିଶେଷକରି ଆଗନ୍ତୁକମାନେ ବ୍ଲକ ସଦରମହକୁମାରୁ ହିଁ ସେ ନେଇ ବାର୍ତ୍ତା ପାଇପାରିବେ। ପୂର୍ବପୁରୁଷଙ୍କ ମହାନ୍‌ କୀର୍ତ୍ତିକୁ ଲୋକ ଲୋଚନକୁ ଆଣିବାର ଏହା ଉପଯୁକ୍ତ ସମୟ।
-ବିଶ୍ୱଜିତ ବିଶ୍ୱାଳ
ଜନ୍ମମାଟିର ଇତିହାସ ଜଣାଅ
ନିଜ ଜନ୍ମ ମାଟିର ଇତିହାସ ସମ୍ପର୍କରେ ସମସ୍ତେ ଜାଣିବା କଥା। ଅନୁଗୋଳ ଜିଲାର ରେଙ୍ଗାଳି ଡ୍ୟାମ୍‌ ହେଉ କି ତାଳଚେର ରାଜବାଟୀ, ସେ ନେଇ ନୂତନ ପିଢ଼ିଙ୍କୁ କେତେ କ’ଣ ଜଣାଇବାର ଅଛି। ଏ ସମ୍ପର୍କିତ ଚିତ୍ରକଳା କାନ୍ଥରେ ରହିଲେ ନିଶ୍ଚିତ ଭଲ ହେବ।
-ଅଜୟ କୁମାର ସାହୁ


Enter your email to get our daily news in your inbox.

All Right Reserved By Dharitri.Com

ମାଣିଙ୍ଗପଦର ଗାଁ ରାସ୍ତାକଡ଼ରୁ ନବଜାତ ଶିଶୁ କନ୍ୟା ଉଦ୍ଧାର

ଭବାନୀପାଟଣା, ୨୦।୫(ଡି.ଏନ୍‌.ଏ.): କଳାହାଣ୍ଡି ଜିଲା ଭବାନୀପାଟଣା ସଦର ଥାନା ଅନ୍ତର୍ଗତ ମାଣିଙ୍ଗପଦର ଗାଁ ମୁଣ୍ଡ ରାସ୍ତା କଡ଼ରୁ ସୋମବାର ସକାଳେ ଏକ ନବଜାତ ଶିଶୁ କନ୍ୟା...

ମାଟ୍ରିକ ପରୀକ୍ଷା: ମିଳିଲା ଆଡ୍‌ମିଟ୍‌ କାର୍ଡ

କଟକ ଅଫିସ,୭।୨: ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା, ମଧ୍ୟମା ପରୀକ୍ଷା ଓ ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ ପରୀକ୍ଷା ଆସନ୍ତା...

‘ଫନୀ’ କ୍ଷୟକ୍ଷତିଜନିତ ରିପୋର୍ଟ ଉନ୍ମୋଚିତ : ପୁନରୁଦ୍ଧାର ପାଇଁ ଆବଶ୍ୟକ ୨୯,୩୧୫ କୋଟି ଟଙ୍କା

ଭୁବନେଶ୍ୱର,୬।୮(ବ୍ୟୁରୋ)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ମଙ୍ଗଳବାର ସଚିବାଳୟରେ ସାମୁଦ୍ରିକ ଝଡ଼ ଫନୀ ବାତ୍ୟାଜନିତ କ୍ଷୟକ୍ଷତି ଓ ପୁନରୁଦ୍ଧାର ସମ୍ପର୍କିତ ରିପୋର୍ଟ ଉନ୍ମୋଚନ ହୋଇଛି। ଭାରତରେ...

ଭୁବନେଶ୍ୱର ଏମ୍‌ସର ୪ ଡାକ୍ତରଙ୍କୁ କରୋନା

ଭୁବନେଶ୍ୱର,୯।୬(ବ୍ୟୁରୋ): ଭୁବନେଶ୍ୱର ଏମ୍‌ସର ୪ ଡାକ୍ତରଙ୍କୁ କରୋନା ସଂକ୍ରମଣ ହୋଇଥିବା ସୂଚନା ମିଳିଛି। ଆକ୍ରାନ୍ତଙ୍କ ମଧ୍ୟରେ ୩ଜଣ ସିନିୟର ରେସିଡେଣ୍ଟ ଡାକ୍ତର ରହିଛନ୍ତି। ତେବେ ସେମାନେ...

ଘରଭଙ୍ଗା ବିପନ୍ନଙ୍କୁ ସାହାଯ୍ୟର ହାତବଢ଼ାଇଲେ କମ୍ରେଡ

ପୁରୁଣା ଭୁବନେଶ୍ୱର,୨୦ା୭ (ଡି.ଏନ୍‌.ଏ.): ବାତ୍ୟା ଫନୀ ଯିବାର ୨ମାସ ୧୪ଦିନ ପରେ ମଧ୍ୟ ବିପନ୍ନଙ୍କୁ ଏଯାବତ ସହାୟତା ମିଳିପାରି ନାହିଁ। ସମ୍ପୂର୍ଣ୍ଣ ଘର ଭାଙ୍ଗିଥିବା ବିପନ୍ନଙ୍କ...

ଶ୍ରୀଜଗନ୍ନାଥଙ୍କ ଟଙ୍କା ଫେରାଇ ଆଣିବାକୁ ରାଜ୍ୟପାଳଙ୍କୁ ସ୍ମାରକପତ୍ର

ଭୁବନେଶ୍ୱର,୧୪।୩ (ବ୍ୟୁରୋ): ସମସ୍ତ ନୀତି ନିୟମକୁ ଉଲ୍ଲଙ୍ଘନ କରି ଗୁରୁତର ଆର୍ଥତ୍କ ସଙ୍କଟରେ ଥିବା ଜଗନ୍ନାଥଙ୍କ ୫୪୫ କୋଟି ଟଙ୍କା ୟେସ୍‌ ବ୍ୟାଙ୍କରେ ଜମା ରହିଥିବା...

ଆବଶ୍ୟକ ଅନୁଯାୟୀ ପୂରଣ ହେଉନି ଅଣ୍ଡା ଉତ୍ପାଦନ

ଭୁବନେଶ୍ୱର,୧୨।୧୦(ବ୍ୟୁରୋ): ବିଶ୍ୱରେ ଚାଇନା ସର୍ବାଧିକ ଅଣ୍ଡା ଉତ୍ପାଦନ କରୁଥିବାବେଳେ ଭାରତ ତୃତୀୟ ସ୍ଥାନରେ ରହିଛି। ତେବେ ଅଣ୍ଡା ଉତ୍ପାଦନରେ ଆମ ରାଜ୍ୟ ଦେଶରେ ୧୧ତମ ସ୍ଥାନରେ...

ଦୁର୍ଦ୍ଦିନରେ ଗଞ୍ଜାମର କିଆ ଫୁଲ ଚାଷୀ: ଗଛରେ ନଷ୍ଟ ହେଉଛି ଫୁଲ, ଜିଲାପାଳ ଦୃଷ୍ଟି ଦେବାକୁ ଦାବି

ଛତ୍ରପୁର, ୧୨।୪(ଡି.ଏନ୍‌.ଏ.)- ବିଶ୍ୱ ବିଖ୍ୟାତ ଗଞ୍ଜାମ ଜ଼ିଲାର କିଆ ଶିଳ୍ପ କରୋନା ପରିପ୍ରେକ୍ଷୀରେ ସମ୍ପୂର୍ଣ୍ଣ ବନ୍ଦ ହୋଇଯାଇଛି। ଚାଷୀମାନେ ଗଛରୁ କିଆ ଫୁଲ ତୋଳିପାରୁନାହାନ୍ତି। ଫଳରେ...

Coronavirus Update

Archives

Model This Week

Why Dharitri