ଇଣ୍ଡିଆନ ପ୍ରିମିୟର ଲିଗ (ଆଇପିଏଲ)ର ଚଳିତ ସିଜନରେ ସନରାଇଜର୍ସ ହାଇଦ୍ରାବାଦକୁ ପ୍ରଥମ ବିଜୟ ଦେଇଛନ୍ତି ଲେଗ ସ୍ପିନର ରସିଦ ଖାନ। ଏହି ମ୍ୟାଚ୍ରେ ସେ ମ୍ୟାନ୍ ଅଫ୍ ଦ ମ୍ୟାଚ୍ ବିବେଚିତ ହୋଇଥିଲେ। ତାଙ୍କ ମାତାପିତାଙ୍କୁ ସେ ମ୍ୟାନ ଅଫ ଦି ମ୍ୟାଚ ପୁରସ୍କାର ସମର୍ପିତ କରି ଭାବୁକ ହୋଇପଡିଛନ୍ତି। ସନରାଇଜର୍ସ ପ୍ରଥମେ ବ୍ୟାଟିଂ କରି ଚାରି ଉଇକେଟ୍ ପାଇଁ ୧୬୨ ରନ ସଂଗ୍ରହ କରିଥିଲା। ଏହାର ଜବାବରେ ଦିଲ୍ଲୀ ଦଳ ୧୫ରନ ପଛରେ ପଡ଼ିଯାଇଥିଲା। ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଚମତ୍କାର ବୋଲିଂ କରି ରସିଦ ୪ ଓଭରରେ ୧୪ ରନ ପାଇଁ ୩ ଉଇକେଟ ନେଇଥିଲେ।
ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇବା ପରେ ସେ କହିଥିଲେ, ଗତ ଦେଢ ଼ ବର୍ଷ ମୋ ପାଇଁ ବହୁତ କଷ୍ଟସାଧ୍ୟ ଥିଲା। ପ୍ରଥମେ ମୁଁ ମୋ ବାପାଙ୍କୁ ଏବଂ ତିନି ଚାରି ମାସ ପୂର୍ବରୁ ମା’ଙ୍କୁ ହରାଇଥିଲି। ସେ ମୋର ସବୁଠାରୁ ବଡ ପ୍ରଶଂସକ ଥିଲେ। ଏହି ପୁରସ୍କାର ଉଭୟଙ୍କୁ ସମର୍ପିତ କରୁଛି। ଯେବେ ବି ମୁଁ ପୁରସ୍କାର ଜିତେ, ଉଭୟ ରାତିସାରା ମୋ ସହ କଥା ହୁଅନ୍ତି ବୋଲି ସେ କହିଛନ୍ତି। ଭଲ ପ୍ରଦର୍ଶନ କରିବାକୁ ତାଙ୍କ ଉପରେ କୌଣସି ଚାପ ନାହିଁ। ମୁଁ ଭଲ ପ୍ରଦର୍ଶନ କରିବାକୁ ପଡୁଥିବା ଚାପକୁ ମୁଁ କେବେବି ଗ୍ରହଣ କରେ ନାହିଁ। ମୁଁ ଶାନ୍ତ ଭାବେ ଖେଳେ ବୋଲି ସେ କହିଛନ୍ତି।
