ନ୍ୟୁୟର୍କ,୨ା୮: ଆଫଗାନିସ୍ତାନରେ ଆତଙ୍କବାଦ ବିରୋଧୀ ଅପରେଶନରେ ଅଲ-କାଏଦାର ମୁଖ୍ୟ ଆୟମାନ ଅଲ-ଜାୱାହିରି ପ୍ରାଣ ହରାଇଛନ୍ତି। ଆଫଗାନିସ୍ତାନର ରାଜଧାନୀ କାବୁଲରେ ଆମେରିକାର ସେଣ୍ଟ୍ରାଲ ଇଣ୍ଟେଲିଜେନ୍ସ ଏଜେନ୍ସି (ସିଆଇଏ) ଦ୍ୱାରା ଡ୍ରୋନ ଷ୍ଟ୍ରାଇକ୍ରେ ରବିବାର ଜାୱାହିରିଙ୍କ ମୃତ୍ୟୁ ଘଟିଛି। ରାଷ୍ଟ୍ରପତି ଜୋ ବାଇଡେନ ଏହାକୁ ନିଶ୍ଚିତ କରିଛନ୍ତି।
ବାଇଡେନ୍ କହିଛନ୍ତି, ଜାୱାହିରି ଆମେରିକାର ନାଗରିକଙ୍କ ବିରୋଧରେ ହତ୍ୟା ଏବଂ ହିଂସା ରାସ୍ତା ପ୍ରସ୍ତୁତ କରୁଥିଲେ। ବର୍ତ୍ତମାନ ନ୍ୟାୟ ମିଳିଛି ଏବଂ ଏହି ଆତଙ୍କବାଦୀ ନେତା ଆଉ ନାହାଁନ୍ତି।
ଆମେରିକା ଡ୍ରୋନ ସହାୟତାରେ ଦୁଇଟି କ୍ଷେପଣାସ୍ତ୍ର ନିକ୍ଷେପ ବେଳେ ଜାୱାହିରି ଏକ ସୁରକ୍ଷିତ ଘରର ବାଲକୋନୀରେ ଥିଲେ। ଘଟଣାସ୍ଥଳରେ ଅନ୍ୟ ପରିବାର ସଦସ୍ୟ ଉପସ୍ଥିତ ଥିଲେ ମଧ୍ୟ ସେମାନଙ୍କର କାହାର କ୍ଷତି ହୋଇ ନ ଥିଲା ଏବଂ କେବଳ ଜାୱାହିରିଙ୍କ ମୃତ୍ୟୁ ଘଟିଥିଲା।
୨୦୧୧ରେ ଓସାମା ବିନ ଲାଡେନଙ୍କ ମୃତ୍ୟୁ ପରେ ଜାୱାହିରି ଅଲ-କାଏଦାକୁ ନିଜ ଅଧୀନରେ ନେଇଥିଲେ। ସେ ଏବଂ ବିନ ଲାଡେନ ଆମେରିକା ଉପରେ ହୋଇଥିବା ୯/୧୧ ଆକ୍ରମଣର ମାଷ୍ଟରମାଇଣ୍ଡ ଥିଲେ। ଜାୱାହିରି ‘ମୋଷ୍ଟ ୱାଣ୍ଟେଡ ଆତଙ୍କବାଦୀ’ ମଧ୍ୟରୁ ଅନ୍ୟତମ। ୨୦୧୧ରେ ଓସାମା ବିନ ଲାଦେନ ହତ୍ୟା ପରେ ଅଲ କାଏଦା ପାଇଁ ଏହା ସବୁଠାରୁ ବଡ ଝଟକା।
I’m addressing the nation on a successful counterterrorism operation. https://t.co/SgTVaszA3s
— President Biden (@POTUS) August 1, 2022
