ମୁମ୍ବାଇ: ବଲିଉଡ୍ ଖିଲାଡି ବୟ ଅକ୍ଷୟ କୁମାର ଇଣ୍ଡଷ୍ଟ୍ରିରେ ୩୦ ବର୍ଷ ପୂରଣ କରିଛନ୍ତି । ଆଉ ଆଜି ସେ ଜଣେ ସଫଳ ଅଭିନେତା ଭାବେ ବଲିଉଡ୍ରେ ତିଆରି କରିଛନ୍ତି ନିଜ ପାଇଁ ଏକ ସ୍ୱତନ୍ତ୍ର ପରିଚୟ । ନିକଟରେ ସେ ଦେଇଥିବା ଏକ ସାକ୍ଷାତ୍କାରରେ ସେ ତାଙ୍କ ୩୦ କଷ୍ଟକର ବ୍ୟାପାର ହେଲେ ଏଠାରେ ତିଷ୍ଠି ରହିବା ଯେତିକି କଷ୍ଟକର ତା’ଠାରୁ ସହଜ ହେଉଛି ବଲିଉଡ୍ରେ ଏଣ୍ଟ୍ରି କରିବା । ସେ ଆହୁରି ମଧ୍ୟ କହିଛନ୍ତି ଏଠାରେ ଥରେ ପ୍ରବେଶ କରିବା ଓ ସୁଯୋଗ ମିଳିବା ପରେ ଏହା ଲାଗି ରହିବା ବି କଷ୍ଟକର ବ୍ୟାପାର । କାରଣ ଏଠାରେ ୩୦ ବର୍ଷ ପୂରଣ ହୋଇଥିଲେ ବି ଆଜି ମୋତେ ନୂଆ ନୂଆ ଲାଗେ ବୋଲି କହନ୍ତି ଅକ୍ଷୟ । ସେ କୁହନ୍ତି ଆଜିବି ମୋ ପିତାଙ୍କ କଥା ମୋର ମନେପଡେ । ଯେତେବେଳେ ମୁଁ ପ୍ରଥମେ ବଲିଉଡ୍ରେ ଏଣ୍ଟ୍ରି କରିଥିଲି ସେତେବେଳେ ମୋ ପିତା କହିଥିଲେ. ‘କଠିନ ପରିଶ୍ରମ କର, କାଲି କଥା ଚିନ୍ତା କରନି, ଅରାପଣାଛାଏଁ ସବୁକିଛି ଠିକ୍ ହୋଇଯିବ ।’ ପିତାଙ୍କର ସେହି କଥା ପଦକ ଆଜିବି ମୁଁ ମନେ ପକାଏ । ସୂଚନାଯୋଗ୍ୟ, ବଲିଉଡ୍ ଖିଲାଡି ବୟ ଅକ୍ଷୟ କୁମାର କ୍ୟାରିୟର ଆରମ୍ଭରୁ ଏପର୍ଯ୍ୟନ୍ତ ପ୍ରାୟ ସବୁ ପ୍ରକାର ଫିଲ୍ମରେ ଅଭିନୟ କରି ସାରିଲେଣି । ଆକ୍ସନ, ରୋମାଣ୍ଟିକ, କମେଡିଠାରୁ ଆରମ୍ଭ କରି ଦେଶଭକ୍ତି ପର୍ଯ୍ୟନ୍ତ । ଆଉ ତାଙ୍କ ଅଭିନୀତ ପ୍ରାୟ ଅଧିକାଂଶ ଫିଲ୍ମ ବଲିଉଡ୍ରେ ହିଟ୍ ମଧ୍ୟ ହୋଇଛି । ସେହି ସଫଳତାକୁ ବଜାୟ ରଖିଛି କେବଳ ତାଙ୍କର କଠିନ ପରିଶ୍ରମ ବୋଲି କୁହନ୍ତି ଅକ୍ଷୟ ।
