ଭାରତୀୟ କ୍ରିକେଟ୍ ଦଳର କାମଚଳା ଅଧିନାୟକ ଅଜିଙ୍କେ ରାହାନେଙ୍କ ନେତୃତ୍ୱରେ ଭାରତ ଅଷ୍ଟ୍ରେଲିଆରେ ଐତିହାସିକ ଟେଷ୍ଟ ସିରିଜ୍ ବିଜୟ ହାସଲ କରିଥିଲା। ଏହାପରେ ରାହାନେଙ୍କ ନେତୃତ୍ୱକୁ ନେଇ ଚାଲିଆଡେ ପ୍ରଶଂସା କରାଯାଉଛି। ଭାରତୀୟ ଦଳର ଅଧିନାୟକ ବିରାଟ କୋହଲି ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍ ଖେଳି ସ୍ବଦେଶ ଫେରିଥିଲେ। ପ୍ରଥମ ଟେଷ୍ଟରେ ଭାରତ ଅଷ୍ଟ୍ରେଲିଆଠାରୁ ଶୋଚନୀୟ ପରାଜୟ ଘଟିତତ୍ଲା। ଏଭଳି ପରିସ୍ଥିତିରେ ଦଳର ନେତୃତ୍ୱ ନେଇଥିଲେ ଅଜିଙ୍କେ ରାହାନେ ତାଙ୍କ ନେତୃତ୍ୱରେ ଦଳ ଦ୍ୱିତୀୟ ଟେଷ୍ଟ ଜିତିଥିଲା। ପରେ ତୃତୀୟ ଟେଷ୍ଟରେ ଡ୍ର ଏବଂ ଶେଷ ଟେଷ୍ଟ ଜିତି ସିରିଜ୍ ୨-୧ରେ ଜିତିଥିଲା ଭାରତୀୟ ଦଳ। ଏହାପରେ ଅଜିଙ୍କେ ରାହାନେଙ୍କ ନେତୃତ୍ୱକୁ ସମସ୍ତେ ପସନ୍ଦ କରିବା ସହ ବିରାଟ କୋହଲିଙ୍କ ସ୍ଥାନରେ ତାଙ୍କୁ ଭାରତୀୟ ଦଳର ସ୍ଥାନୀୟ ଅଧିନାୟକ କରିବାକୁ ପୂର୍ବତନ କ୍ରିକେଟର୍ ଏବଂ ପ୍ରଶଂସକ ଦାବି କରିଥିଲେ। ଏନେଇ ରାହାନେ ମୁହଁ ଖୋଲିଛନ୍ତି, ସେ କହିଛନ୍ତି ଟେଷ୍ଟ ଅଧିନାୟକତ୍ୱକୁ ନେଇ କୋହଲି ଏବଂ ମୋ ଭିତରେ କୌଣସି ମନୋମାଳିନ୍ୟ କିମ୍ବା ମୁକାବିଲା ନାହିଁ। କୋହଲି ଅଧିନାୟକ ଥିଲେ ମଧ୍ୟ ସେ ଚାହିଁଥାନ୍ତେ ଭାରତ ସିରିଜ୍ ଜିତୁ। ମୁଁ ଅଦବନାୟକ ହେବାପରେ ମଧ୍ୟ ସମାନ ଚିନ୍ତାଧାରାରେ ଖେଳିଥିଲି। ଅଧିନାୟକ ଯିଏ ଥାନ୍ତୁ ନା କାହିଁକି, ସମସ୍ତେ ଚାହାନ୍ତି ନିଜ ଦଳ ଜିତୁ। ତେଣୁ ବିରାଟ କୋହଲି ଏବଂ ମୋ ଭିତରେ କୌଣସି ଟକ୍କର ନାହିଁ ବୋଲି ରାହାନେ ସ୍ପଷ୍ଟ କରିଛନ୍ତି।
