ଅନ୍ତର୍ଜାତୀୟ ଚିତ୍ରଶିଳ୍ପୀ ହେବାର ଲକ୍ଷ୍ୟ

ମାଣବସା ଗୁରୁବାର ଆସିଲେ ଯେବେ ମା’ ଘରେ ଏବଂ ଦୁଆରେ ଝୋଟି ଆଙ୍କୁଥିଲେ, ସେ ତାକୁ ଖୁବ୍‌ ଆଗ୍ରହରେ ଚାହିଁ ରହୁଥିଲେ। ନିଜେ ବି ଝୋଟି ଆଙ୍କିବାକୁ ଅଳି କରି ବସୁଥିଲେ। ଆଉ ତାଙ୍କ କୁନି କୁନି ହାତରେ ଆଙ୍କି ଦେଉଥିଲେ ଖୁବ୍‌ ସୁନ୍ଦର ଝୋଟି; ଯାହାକୁ ଦେଖି ଘରଲୋକଙ୍କଠାରୁ ପଡ଼ୋଶୀଙ୍କ ପର୍ଯ୍ୟନ୍ତ ସମସ୍ତଙ୍କଠାରୁ ମିଳୁଥିଲା ଭୂରି ଭୂରି ପ୍ରଶଂସା। ଧୀରେ ଧୀରେ ବୟସ ବଢ଼ିବା ସହ ସେ ଏ ଦିଗରେ ନିଜ ହାତ ସଳଖି ପାଲଟିଲେ ଓଡ଼ିଶାର ଜଣେ ସଫଳ ଉଦୀୟମାନ ଯୁବଶିଳ୍ପୀ। ସେ ହେଉଛନ୍ତି ଯାଜପୁର ଜିଲା ଦଶରଥପୁର ବ୍ଲକ୍‌ ଅନ୍ତର୍ଗତ ଜଗନ୍ନାଥପୁର ଗ୍ରାମର ମାଆ ଇଲାରାଣୀ ଏବଂ ବାପା ଅଶୋକ କୁମାର ବିଶ୍ୱାଳଙ୍କ ପୁଅ ଶୁଭମୟ। ପିଲାବେଳୁ ତାଙ୍କର ଚିତ୍ରାଙ୍କନ ପ୍ରତି ରୁଚି ରହିଥିବାରୁ ମା’ବାପା ତାଙ୍କୁ ଏ ଦିଗରେ ଆଗକୁ ବଢ଼ିବା ଲାଗି ଚିତ୍ରାଙ୍କନ ଶିଖିବା ଲାଗି ଉତ୍ସାହିତ କରିଥିଲେ। ସ୍କୁଲ୍‌ ପଢ଼ିବା ବେଳେ ସେ ଅଳ୍ପଦିନ ଶିକ୍ଷା ନେବାର ସୁଯୋଗ ପାଇଥିଲେ। ହେଲେ ଗ୍ରାଜୁଏଶନ୍‌ ପରେ ସେ ଭୁବନେଶ୍ୱର ବି. କେ. ଆର୍ଟ କଲେଜରେ ବ୍ୟାଚେଲର ଇନ୍‌ ଫାଇନ୍‌ଆର୍ଟ ପଢ଼ା ସମାପ୍ତ କଲେ। ବର୍ତ୍ତମାନ ସେ ଅଏଲ୍‌ ପେଣ୍ଟିଂ, ଚାର୍କୋଲ ପେଣ୍ଟିଂ ଭଳି ବିଭିନ୍ନ ଆର୍ଟ ଫର୍ମରେ ସିଦ୍ଧହସ୍ତ। ତାଙ୍କ ହାତର ଯାଦୁଗରୀ ସ୍ପର୍ଶରେ ଯେମିତି ଜୀବନ୍ତ ହୋଇଉଠେ ସବୁ ଚିତ୍ର, ଯାହାକି ପ୍ରଦର୍ଶନୀରେ ପାଲଟେ ଦର୍ଶକଙ୍କ ଦୃଷ୍ଟି ଆକର୍ଷଣର କେନ୍ଦ୍ରବିନ୍ଦୁ। ପ୍ରସିଦ୍ଧ ଚିତ୍ରକର ଏମ୍‌ଏଫ୍‌ ହୁସେନଙ୍କୁ ନିଜର ଆଦର୍ଶ ମାନୁଥିବା ଶୁଭମୟ ଅନେକ ସମୟରେ ଇଣ୍ଟରନେଟ୍‌ରୁ ତାଙ୍କ ଚିତ୍ରକଳା ଦେଖି ସେହିପରି ଆଙ୍କିବାର ପ୍ରୟାସ ମଧ୍ୟ କରନ୍ତି। ଏହା ତାଙ୍କ ସୃଜନଶୀଳତାକୁ ଆହୁରି ବୃଦ୍ଧି କରିଥାଏ ବୋଲି ସେ ପ୍ରକାଶ କରନ୍ତି। ବର୍ତ୍ତମାନ ସୁଦ୍ଧା ସେ ୨୦୧୮ରେ ମୋକ୍ଷମ୍‌ ନ୍ୟାଶନାଲ ଆର୍ଟ ଏକ୍ସଲେନ୍ସି ଆଓ୍ବାର୍ଡ ପାଇବା ସହିତ ଇ-ଟିଭି ଦ୍ୱାରା ଆୟୋଜିତ ଜଗନ୍ନାଥ ଆନୁଆଲ୍‌ ଆର୍ଟ ପ୍ରଦର୍ଶନୀ, ଟାଟା ଷ୍ଟିଲ୍‌ ନ୍ୟାଶନାଲ୍‌ ଆର୍ଟ କ୍ୟାମ୍ପ, ଧଉଳି ଚିତ୍ରକଳା ମହୋତ୍ସବରେ ଆୟୋଜିତ ଅନ୍ତର୍ଜାତୀୟ ଚିତ୍ରକଳା ପ୍ରଦର୍ଶନୀ, ଲିଭିଂ କଲର ଏକ୍ସ ପ୍ରୋଜେକ୍ସନ, ଓଡ଼ିଶା ଲଳିତ କଳା ଏକାଡେମୀ କ୍ୟାମ୍ପ ଏବଂ ନ୍ୟାଶନାଲ୍‌ ଆର୍ଟ କ୍ୟାମ୍ପ୍‌, ତୂଳୀରେ ଜଗନ୍ନାଥ ଆଦିରେ ନିଜର ନିଖୁଣ ଚିତ୍ରକଳା ପ୍ରଦର୍ଶନ କରି ପୁରସ୍କୃତ ଓ ପ୍ରଶଂସିତ ହୋଇଛନ୍ତି।
ନାରୀମାନଙ୍କ ଉପରେ ହେଉଥିବା ଅତ୍ୟାଚାରକୁ ବିରୋଧ କରିବା ଲକ୍ଷ୍ୟରେ ସେ ନାରୀ ସଶକ୍ତୀକରଣ ଥିମ୍‌ ରଖି ଅନେକ ପେଣ୍ଟିଂ କରି ଗତବର୍ଷ ଭୁବନେଶ୍ୱରସ୍ଥିତ ଜୟଦେବ ଭବନରେ ଏକ ୪ଦିନିଆ ଏକକ ପ୍ରଦର୍ଶନୀ ଆୟୋଜନ କରିଥିଲେ, ଯାହାକି ଜନସାଧାରଣଙ୍କ ଦ୍ୱାରା ଉଚ୍ଚ ପ୍ରଶଂସିତ ହୋଇଥିଲା। ଏହା ପୂର୍ବରୁ ମଧ୍ୟ ସେ ଭିନ୍ନ ଭିନ୍ନ ଥିମ୍‌ ନେଇ ଦୁଇ ଥର ସୋଲୋ ବା ଏକକ ଚିତ୍ରକଳା ପ୍ରଦର୍ଶନୀ ଏବଂ ବହୁବାର ଗ୍ରୁପ୍‌ ଚିତ୍ରକଳା ପ୍ରଦର୍ଶନୀ କରିସାରିଛନ୍ତି। ସେ କୁହନ୍ତି, ”ଯେକୌଣସି ବିଷୟବସ୍ତୁ ଉପରେ ଚିତ୍ର ଆଙ୍କିବା ଶିଳ୍ପୀ ମନର ଏକ ସୃଜନାତ୍ମକ ସ୍ରୋତ। ଏଣୁ ଶିଳ୍ପୀମାନଙ୍କୁ ଯଦି କୌଣସି ବିଷୟବସ୍ତୁ ସାମୂହିକ ସ୍ତରରେ ଆନ୍ଦୋଳିତ କରେ, ସେ ତାକୁ କାନ୍‌ଭାସରେ ପରିପ୍ରକାଶ କରିଯାଇଥାଏ। ଏହାକୁ ଇଂଲିଶ୍‌ରେ ସିରିଜ୍‌ କୁହାଯାଏ। ସେମିତି ମୋ ମନକୁ ବାସ୍ତୁ କିଛି ସମୟ ପାଇଁ ଆନ୍ଦୋଳିତ କରିଥିଲା ଏବଂ ଏହାକୁ ନେଇ କାନ୍‌ଭାସରେ ବିଭିନ୍ନ ପେଣ୍ଟିଂ କରିଛି, ଯାହାକୁ ନେଇ ଖୁବ୍‌ଶୀଘ୍ର ଆଉ ଏକ ଚିତ୍ରକଳା ପ୍ରଦର୍ଶନୀ ଆୟୋଜନ କରିବାକୁ ଯାଉଛି। ଓଡ଼ିଶାର ଚିତ୍ରପ୍ରେମୀମାନଙ୍କୁ ଏହା ଉତ୍ସାହିତ କରିବ ବୋଲି ଆଶା ରହିଛି।“ ପେଣ୍ଟିଂ ବ୍ୟତୀତ ଗଳ୍ପ, କବିତା ଲେଖିବାରେ ମଧ୍ୟ ସେ ବିଶେଷ ରୁଚି ରଖନ୍ତି। ତାଙ୍କର କେତେକ ଲେଖା ଷ୍ଟେଟ୍‌ ମାଗାଜିନ ସମେତ ଅନେକ ଖବରକାଗଜରେ ପ୍ରକାଶ ପାଇଛି। ତେବେ ନିଜ ସଫଳତା ପଛରେ ମାତାପିତାଙ୍କ ପ୍ରେରଣା ଏବଂ ପ୍ରୋତ୍ସାହନ ରହିଛି ବୋଲି କହୁଥିବା ଶୁଭମୟ ଭବିଷ୍ୟତରେ ଜଣେ ଅନ୍ତର୍ଜାତୀୟ ସ୍ତରୀୟ ପ୍ରତିଷ୍ଠିତ ଚିତ୍ରଶିଳ୍ପୀ ହେବାର ଲକ୍ଷ୍ୟ ରଖିଛନ୍ତି।


Enter your email to get our daily news in your inbox.

All Right Reserved By Dharitri.Com

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?