ନିଲମ୍ବନ ପରେ ସ୍କୁଲରୁ ହଣ୍ଡା, ଡେକ୍‌ଚି ନେଇଗଲେ ଶିକ୍ଷକ

ନବରଙ୍ଗପୁର,୧୩ା୨(ବି.ପ୍ର.):ସରକାର ବିଦ୍ୟାଳୟ ମାନଙ୍କରେ ଗୁଣାତ୍ମକ ଶିକ୍ଷା ପ୍ରଦାନ ଉପରେ ଗୁରୁତ୍ୱ ଦେଉଛନ୍ତି। ପିଲାମାନେ ହଷ୍ଟେଲରେ ରହି କିଭଳି ସୁସ୍ଥ ପରିବେଶରେ ପାଠ ପଢ଼ିବେ ସେ ନେଇ ଚିନ୍ତା କରୁଛନ୍ତି। ଛାତ୍ରୀଛାତ୍ରଙ୍କ ପାଇଁ ମାଗଣା ଖାଦ୍ୟ, ଭତ୍ତା ଓ ସ୍କୁଲ ଫି, କୋଭିଡ୍‌ ସମୟରେ ସହାୟତା ସହ ମାଟ୍ରିକ୍‌ ଫର୍ମ ପୂରଣ ପାଇଁ ମାଗଣା ବ୍ୟବସ୍ଥା କରାଯାଇଛି। ହେଲେ ନବରଙ୍ଗପୁର ଜିଲା କୋଷାଗୁମୁଡ଼ା ବ୍ଲକର ଦୁର୍ଗମ କଟାଗାଁ ବିଦ୍ୟାଳୟରେ ଏଥିରେ ବ୍ୟତିକ୍ରମ ଦେଖିବାକୁ ମିଳିଛି। ଛାତ୍ରୀଛାତ୍ରଙ୍କ ଠାରୁ ବହି ଓ ମାଟ୍ରିକ ଫର୍ମ ପୂରଣ ପାଇଁ ଟଙ୍କା ଆଦାୟ ସହ ହଷ୍ଟେଲକୁ ଯୋଗାଇ ଦିଆଯାଇଥିବା ହଣ୍ଡାହାଣ୍ଡି ଶିକ୍ଷକ ସୃଷ୍ଟିଧର ନାୟକ ନେଇଯାଇଥିବା ଅଭିଯୋଗ ହୋଇଛି। ଫଳରେ ହଷ୍ଟେଲରେ ୧୦୦ ଅନ୍ତେବାସୀ ଛାତ୍ରଙ୍କ ପାଇଁ ରୋଷେଇ କରିବାରେ ସମସ୍ୟ ଦେଖାଦେଇଛି।
ଶିକ୍ଷାର ବିକାଶ ପାଇଁ ଅନେକ ବଦାନ୍ୟ ବ୍ୟକ୍ତିଙ୍କ ଉଦ୍ୟମରେ କଟାଗାଁ ସ୍ଥିତ ଏହି ବ୍ଲକ ଗ୍ରାଣ୍ଟ ହାଇସ୍କୁଲ ୧୯୯୪ରେ ସ୍ଥାପନ କରାଯାଇଥିଲା। ଏବେ ସ୍କୁଲରେ ୨୮୪ ଛାତ୍ରୀଛାତ୍ର ନବମ ଓ ଦଶମ ଶ୍ରେଣୀରେ ନାମ ଲେଖାଇ ଥିବାବେଳେ ୧୦୦ ଛାତ୍ର ହଷ୍ଟେଲରେ ରହୁଛନ୍ତି। ୯୦ ଅନୁସୂଚିତ ଜନଜାତି ଓ ୧୦ ଅନୁସୂଚିତ ଜାତି ବର୍ଗର ଛାତ୍ର ହଷ୍ଟେଲରେ ରହି ପାଠ ପଢ଼ୁଛନ୍ତି। ଏବେ ବିଦ୍ୟାଳୟକୁ ୫-ଟିରେ ରୂପାନ୍ତର କରାଯିବା ସହ ଏକ ସୁନ୍ଦର ପରିବେଶ ସୃଷ୍ଟି କରାଯାଇଛି। ପିଲାଙ୍କୁ ସ୍କୁଲ ପ୍ରତି ଆଗ୍ରହ ସୃଷ୍ଟି କରିବା ପାଇଁ ସରକାର ମାଗଣା ବହି ଯୋଗାଇ ଦେଉଛନ୍ତି। ହେଲେ ତତ୍‌କାଳୀନ ଭାରପ୍ରାପ୍ତ ପ୍ରଧାନ ଶିକ୍ଷକ ସୃଷ୍ଟିଧର ନାୟକ ପିଲାଙ୍କ ଠାରୁ ଟଙ୍କା ଆଦାୟ କରିଥିବା ଅଭିଯୋଗ ହୋଇଥିଲା। କୋଭିଡ୍‌ ସମୟରେ ସରକାର ମାଟ୍ରିକ୍‌ ପିଲାଙ୍କ ଫର୍ମ ପୂରଣ ପାଇଁ ଫି ଛାଡ଼ କରିଥିବାବେଳେ ଏଠାରେ ୫ ଟଙ୍କା ଲେଖାଏ ଆଦାୟ କରିଥିଲେ। ଏହାକୁ ନେଇ ପିଲାମାନେ ଜିଲାପାଳ ଓ ଡିଇଓଙ୍କୁ ଲିଖିତ ଅଭିଯୋଗ କରିଥିଲେ। ଜିଲାପାଳଙ୍କ ନିର୍ଦ୍ଦେଶ କ୍ରମେ ୨୦୨୧ ଫେବୃୟାରୀ ୧୯ରେ ଡିଇଓଙ୍କ ଚିଠି ସଂଖ୍ୟ ୧୪୬୫ରେ ଶିକ୍ଷକ ସୃଷ୍ଟିଧର ନାୟକଙ୍କୁ ନିଲମ୍ବନ କରି ବିଏମ୍‌ ସେମଳା ଗାଁର ବ୍ଲକ ଗ୍ରାଣ୍ଟ ଜେ.ଏମ୍‌. ହାଇସ୍କୁଲକୁ ପଠାଇଥିଲେ। ତେବେ ନିଲମ୍ବନ ପରେ ମଧ୍ୟ ହଷ୍ଟେଲ ଛାତ୍ରୀଛାତ୍ରଙ୍କ ରୋଷେଇ ପାଇଁ ମଙ୍ଗଳ ବିଭାଗ ପକ୍ଷରୁ ଯୋଗାଇ ଦିଆଯାଇଥିବା ହଣ୍ଡା ଡେକ୍‌ଚି, ଚଟୁ ଆଦି ରୋଷେଇ ସାମଗ୍ରୀ ଶିକ୍ଷକ ସୃଷ୍ଟିଧର ନାୟକ ନେଇ ଚାଲିଯାଇଥିଲେ। ଏବେ ଅନ୍ତେବାସୀଙ୍କ ପାଇଁ ରେଷେଇ କରିବାରେ ବହୁ ସମସ୍ୟା ଦେଖାଦେଇଛି। ପୂର୍ବରୁ ମଧ୍ୟାହ୍ନ ଭୋଜନ ପାଇଁ ଥିବା ଛୋଟ ହଣ୍ଡାହାଣ୍ଡିରେ ରୋଷେଇ କରି କାମ ଚଳାଯାଉଛି। ରୋଷେଇରେ ବହୁ ସମସ୍ୟା ଦେଖା ଦେଉଛି ବୋଲି ରୋଷେୟା କହ୍ନେଇ ଭତରା କହିଛନ୍ତି। ସେହିପରି ଗ୍ରାମର ବେଲାରସେନ ଗଣ୍ଡା କହିଛନ୍ତି ଯେ, ଶିକ୍ଷକ ସୃଷ୍ଟିଧର ନାୟକ ଛାତ୍ରୀଛାତ୍ରଙ୍କ ସାଇକଲ ବାବଦକୁ ଆସିଥିବା ଟଙ୍କା, ବହି ଓ ଫର୍ମ ପୂରଣ ପାଇଁ ଟଙ୍କା ଆଦାୟ କରୁଥିଲେ। କୋଭିଡ୍‌ ସମୟରେ ପିଲାଙ୍କୁ ସରକାର ଦେଇଥିବା ୨୨୫୦ ଲେଖାଏ ଟଙ୍କାରୁ ମଧ୍ୟ ଜାଲ ଦସ୍ତଖତ କରି ୭ ଜଣଙ୍କ ଟଙ୍କା ଉଠାଇ ନେଇଥିବା ଅଭିଯୋଗ ହୋଇଛି। ଅତି ଚତୁରତାର ସହ କୋଭିଡ୍‌ ସହାୟତାକୁ ସେ ଉଠାଇ ଦେଇଥିବା ଅଭିଯୋଗ ହୋଇଛି। ହଷ୍ଟେଲରେ ନିଜ ଅଞ୍ଚଳର ପିଲାମାନେ ରହୁ ନ ଥିବାରୁ ସେ ଏହାର ସୁଯୋଗ ନେଇଛନ୍ତି। ହଷ୍ଟେଲରେ ଡାବୁଗାଁ, ଝରିଗାଁ ଓ ରାଇଘର ଭଳି ଦୂରଦୂରାନ୍ତରୁ ପିଲାମାନେ ରହୁଥିବାରୁ ଏହାର ତଦନ୍ତରେ ସମସ୍ୟା ହେବ ବୋଲି ଏକ ପ୍ରକାର ଯୋଜନା କରି ଟଙ୍କା ଉଠାଇ ନେଇଥିବା ଗ୍ରାମବାସୀ ପ୍ରକାଶ କରିଛନ୍ତି। କଟାଗାଁ ହାଇସ୍କୁଲର ଏବେକାର ଭାରପ୍ରାପ୍ତ ପ୍ରଧାନ ଶିକ୍ଷକ ପ୍ରତାପ ଚନ୍ଦ୍ର ସ୍ବାଇଁଙ୍କୁ ପଚାରିବାରୁ, ସୃଷ୍ଟିଧର ହଷ୍ଟେଲ ପରିଚାଳନାର ଆକ୍ୟୁଟାନ୍ସ, କ୍ୟାଶବୁକ୍‌, ପାସ୍‌ବୁକ ଓ ଷ୍ଟକ୍‌ଲିଷ୍ଟ ଏଯାଏ ପ୍ରଦାନ କରିନାହାନ୍ତି ବୋଲି କହିଛନ୍ତି। ଘଟଣାର ତଦନ୍ତ କରାଯିବା ଆବଶ୍ୟକ ବୋଲି ସେ କହିଛନ୍ତି। ଏ ନେଇ ତତ୍କାଳୀନ ପ୍ରଧାନ ଶିକ୍ଷକ ସୃଷ୍ଟିଧର ନାୟକଙ୍କୁ ପଚାରିବାରୁ ସେ କହିଛନ୍ତି, ସବୁ ମିଥ୍ୟା ଅଭିଯୋଗ। ଏହା ମୋ ବିରୋଧରେ ଷଡ଼ଯନ୍ତ୍ର ବୋଲି ସେ କହିଛନ୍ତି। ଉଠାଯାଇଥିବା ସବୁ ଟଙ୍କା ନିଲମ୍ବିତ ହେବା ପୂର୍ବରୁ ଜମା କରିଦେଇଥିବା ସେ ପ୍ରକାଶ କରିଛନ୍ତି। ଏଥିସହ ହଣ୍ଡା, ଡେକ୍‌ଚିର ଚାର୍ଜ ଦେଇ ଦେଇଥିବାବେଳେ ବିଦ୍ୟାଳୟ ପକ୍ଷରୁ ମିଥ୍ୟା ଅଭିଯୋଗ କରାଯାଉଛି ବୋଲି ନାୟକ କହିଛନ୍ତି। ବହି ବାବଦକୁ ଟ୍ରାନ୍ସପୋର୍ଟି ବାବଦକୁ ଟଙ୍କା ମଗାଯାଇଥିଲା। ଫର୍ମ ପୂରଣ ପାଇଁ ଆଦାୟ ଟଙ୍କା ସେହି ସମୟରେ ଅଭିଯୋଗ ପରେ ଫେରାଇ ଦିଆଯାଇଛି ବୋଲି ମଧ୍ୟ କହିଛନ୍ତି। ଅନ୍ୟପକ୍ଷରେ ସୃଷ୍ଟିଧରଙ୍କ ପ୍ରତିକ୍ରିୟା ନେଇ ଫେରିବା ପରେ ପୁଣି ଫୋନ୍‌ କରି ଏହି ଖବର ପ୍ରକାଶ ନ କରିବାକୁ ଆମ ପ୍ରତିନିଧିଙ୍କୁ କହିଥିଲେ। ଏ ନେଇ ଡିଇଓ ପ୍ରଦୀପ କୁମାର ନାଗଙ୍କୁ ପଚାରିବାରୁ ଏହାର ତଦନ୍ତ କରାଯିବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଢାବା ପଛପଟେ ଚାଲିଥିଲା ଜୁଆ କାରବାର: ଅତାବିରା ପୋଲିସର ଅଚାନକ ଚଢ଼ାଉରେ ୨୮ ହଜାରରୁ ଅଧିକ ଟଙ୍କା ଜବତ

ଅତାବିରା/ଗୋଡଭଗା,୧୭।୧୧(ଯୁଧିଷ୍ଠିର ମହାପାତ୍ର/ସୁରେଶ ଦାଶ))- ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ଗୋଡ଼ଭଗା ନିକଟ ଏକ ଢାବା ପଛପଟେ ରୁଟିନ୍ ବାହାରେ ଚାଲିଥିବା ଏକ ଜୁଆ ଆଡ୍ଡା ଉପରେ…

ପୂରଣ ହେଲା ଦୀର୍ଘ ବର୍ଷର ସ୍ୱପ୍ନ: ଗୁଡ଼ାରି ତହସିଲ ଝିଗିଡ଼ିବାଟା ଗ୍ରାମର ୨୦ ପରିବାରକୁ ମିଳିଲା…

ଗୁଡ଼ାରି, ୧୭।୧୧(ପ୍ରମୋଦ କୁମାର ପତି): ରାୟଗଡ଼ା ଜିଲା ଗୁଡ଼ାରି ତହସିଲ ଅନ୍ତର୍ଗତ ଢେପାଗୁଡ଼ା ରାଜସ୍ୱ ଅଞ୍ଚଳର ଝିଗିଡ଼ିବାଟା ଗ୍ରାମର ୨୦ଟି ପରିବାରକୁ ସ୍ଥାୟୀ ଘରବାରି ପଟ୍ଟା ପ୍ରଦାନ…

ଭାତ ଗାଳୁଥିଲେ ମା’, ଗରମ ପେଜରେ ପଡ଼ି ୨ ବର୍ଷୀୟା ଶିଶୁକନ୍ୟା ଗୁରୁତର; ଶରୀରର…

ପାଟଣା, ୧୭।୧୧(ବୀର କିଶୋର ଦାଶ): ଗରମ ପେଜରେ ପଡ଼ି ଜଣେ ଦୁଇ ବର୍ଷର ଶିଶୁକନ୍ୟା ଗୁରୁତର ଭାବେ ପୋଡ଼ିଯାଇ ଆହତ ହୋଇଛନ୍ତି। ଏହି ଅଘଟଣରେ ଶିଶୁକନ୍ୟାଙ୍କ ଶରୀରର…

ସ୍କୁଲ ଯାଇ ନିଖୋଜ ଥିଲେ ୧୦ମ ଶ୍ରେଣୀ ଛାତ୍ରୀ, ଯାତ୍ରୀବାହୀ ବସ୍‌ରୁ ଉଦ୍ଧାର; ୨ ଅଭିଯୁକ୍ତ ଜେଲ…

ଦିଗପହଣ୍ଡି, ୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅଧୀନ ଏକ ଗ୍ରାମର ୧୦ମ ଶ୍ରେଣୀ ଛାତ୍ରୀଙ୍କୁ ଅପହରଣ ଓ ବଳାତ୍କାର ଅଭିଯୋଗରେ ଗିରଫ ହୋଇଥିବା…

ଚୋରା ମଦ ମାଫିଆଙ୍କ ଉପରେ ବଡ଼ କାର୍ଯ୍ୟାନୁଷ୍ଠାନ: ଦିଗପହଣ୍ଡି ସୀମାନ୍ତ ଜଙ୍ଗଲରୁ ୫୨୦ ଲିଟର ଦେଶୀ ମଦ ଜବତ, ୨ ମାମଲା ରୁଜୁ

ଦିଗପହଣ୍ଡି,୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଓ ଗଜପତି ଜିଲା ସୀମାନ୍ତବର୍ତ୍ତୀ ଦୁର୍ଗମ ଜଙ୍ଗଲ ଅଞ୍ଚଳରେ ବେଆଇନ ଦେଶୀ ମଦ କାରବାର ବିରୋଧରେ ଅବକାରୀ ବିଭାଗ ଓ ପୋଲିସ…

ସମାଜରୁ କୁଷ୍ଠ ରୋଗ ସମ୍ପର୍କିତ ବାଛବିଚାର ଦୂର କରିବା ଲକ୍ଷ୍ୟ: ଉଦଯାପିତ ହେଲା ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’, କୃତୀ ଛାତ୍ରଛାତ୍ରୀ…

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଆୟୋଜିତ ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’ ମଙ୍ଗଳବାର ଉଦଯାପିତ…

ହାଇଆଲର୍ଟରେ ଗଞ୍ଜାମ ପ୍ରଶାସନ: ୩ ଦିନ ପାଇଁ ସମସ୍ତ ସମୁଦ୍ର ବେଳାଭୂମି ମନା, ୧୧୩୯ ଆଶ୍ରୟସ୍ଥଳୀ ପ୍ରସ୍ତୁତ, ସୁରକ୍ଷିତ ସ୍ଥାନକୁ…

ଛତ୍ରପୁର, ୧୭।୧୧ (ଦିଲୀପ ସାମଲ): ବାତ୍ୟା ‘ଅକ୍ୱାନ’ ଓ ସମ୍ଭାବ୍ୟ ବନ୍ୟା ପରିସ୍ଥିତିର ମୁକାବିଲା ପାଇଁ ଗଞ୍ଜାମ ଜିଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଓ ସତର୍କତାମୂଳକ…

ଆସାମ ସିଲାବସରେ ସଞ୍ଜୟଙ୍କ ଭୂଗୋଳ ବହି

କୋକସରା,୧୭ା୧୧ (ଦୁଷ୍ମନ୍ତ କୁମାର ପାଟ୍ଟଯୋଷୀ) ଓଡ଼ିଶା ଏବଂ ଜମ୍ମୁ-କଶ୍ମୀର ପରେ ଏବେ ଆସାମ ରାଜ୍ୟର ଦ୍ୱାଦଶ ଶ୍ରେଣୀ ଛାତ୍ରୀଛାତ୍ର କଳାହାଣ୍ଡି ଜିଲାର ସୁନାମଧନ୍ୟ ଅଧ୍ୟାପକ ସଞ୍ଜୟ କୁମାର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?