ନୂଆଦିଲ୍ଲୀ,୫।୧: ୨୦୨୪-୨୫ରେ ବର୍ଡର-ଗାଭାସ୍କର ଟ୍ରଫିରେ ଟିମ ଇଣ୍ଡିଆକୁ ୩-୧ରେ ପରାଜୟର ସମ୍ମୁଖୀନ ହେବାକୁ ପଡିଲା। ସିରିଜର ପଞ୍ଚମ ତଥା ଶେଷ ଟେଷ୍ଟ ସିଡନୀରେ ଖେଳାଯାଇଥିଲା ଯେଉଁଥିରେ ଆୟୋଜକ ଅଷ୍ଟ୍ରେଲିଆ ୬ ୱିକେଟରେ ଜିତିଥିଲା। ଏବେ ସିରିଜରେ ପରାଜୟ ପରେ ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ସାମ୍ବାଦିକ ସମ୍ମିଳନୀରେ ଅଂଶଗ୍ରହଣ କରିଥିଲେ। ତେବେ ଆସନ୍ତୁ ଜାଣିବା ସାମ୍ବାଦିକ ସମ୍ମିଳନୀରେ ଗମ୍ଭୀର କ’ଣ କହିଛନ୍ତି ଏବଂ ପରାଜୟକୁ ସେ କାହା ଉପରେ ଦାୟୀ କରିଛନ୍ତି।
ସୂଚନାଯୋଗ୍ୟ,ପରାଜୟ ପାଇଁ ଗମ୍ଭୀର କୌଣସି ଖେଳାଳିଙ୍କୁ ଦାୟୀ କରିନାହାଁନ୍ତି, କିନ୍ତୁ ଖରାପ ପ୍ରଦର୍ଶନ ହେତୁ ଦଳକୁ ପରାଜୟର ସାମ୍ନା କରିବାକୁ ପଡିବ ବୋଲି ସେ କହିଛନ୍ତି। ଏହା ବ୍ୟତୀତ ସେ ଆଉ କିଛି ପ୍ରଶ୍ନର ଉତ୍ତର ଦେଇଥିଲେ। ଗମ୍ଭୀର ମଧ୍ୟ ଘରୋଇ କ୍ରିକେଟ ଖେଳୁଥିବା ଖେଳାଳିଙ୍କ ବିଷୟରେ କହିଥିଲେ।
ଗମ୍ଭୀର ଯୁବ ଓପନର୍ ଯଶସ୍ବୀ ଜୟସୱାଲ ଏବଂ ଅଲରାଉଣ୍ଡର ନୀତୀଶ କୁମାର ରେଡ୍ଡୀଙ୍କୁ ପ୍ରଶଂସା କରିଥିଲେ। ଗମ୍ଭୀର କହିଛନ୍ତି ଯେ ଦୁହେଁ ଏହି ସିଜନରେ ଚମତ୍କାର ଖେଳିଥିଲେ ଏବଂ ଆଗାମୀ ଦିନରେ ଉଭୟ ଖେଳାଳି ଦଳ ପାଇଁ ଏହି ଅଭିଜ୍ଞତାର ଫାଇଦା ଉଠାଇବେ।
ସୂଚନାଯୋଗ୍ୟ ଯେ ଏହି ସିରିଜରେ ସର୍ବାଧିକ ରନ ସଂଗ୍ରହ କରିଥିବା ଜୟସୱାଲ ଦ୍ୱିତୀୟ ବ୍ୟାଟ୍ସମ୍ୟାନ ଥିଲେ। ସେ ହାରାହାରି ୪୩.୪୪ ରେ ୫ଟି ମ୍ୟାଚର ୧୦ଇନିଂସରେ ୩୯୧ ରନ ସ୍କୋର କରିଥିଲେ। ସିରିଜରେ ସର୍ବାଧିକ ରନ ସଂଗ୍ରହ କରିଥିବା ନୀତୀଶ ରେଡ୍ଡୀ ଚତୁର୍ଥ ବ୍ୟାଟ୍ସମ୍ୟାନ ଥିଲେ। ୫ ଟି ମ୍ୟାଚର ୯ ଇନିଂସରେ ବ୍ୟାଟିଂ କରୁଥିବାବେଳେ ରେଡ୍ଡୀ ହାରାହାରି ୩୭.୨୫ ରେ ୨୯୮ରନ ସଂଗ୍ରହ କରି ବୋଲିଂ ବେଳେ ୫ ୱିକେଟ ନେଇଥିଲେ।
