ନୂଆଦିଲ୍ଲୀ,୨୧।୭: ଭାରତୀୟ କ୍ରିକେଟ ଦଳ ଖୁବ୍ଶୀଘ୍ର ଏକ ନୂତନ ମୁଖ୍ୟ ପ୍ରଶିକ୍ଷକ ପାଇପାରେ। ବର୍ତ୍ତମାନର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡଙ୍କ ଚୁକ୍ତିନାମା ନଭେମ୍ବରରେ ଶେଷ ହେଉଛି ଏବଂ ୨୦୨୩ ବିଶ୍ୱକପ ପରେ ସେ ମୁଖ୍ୟ ପ୍ରଶିକ୍ଷକ ଭାବରେ କାର୍ଯ୍ୟ କରିବେ କି ନାହିଁ ତାହା ସ୍ପଷ୍ଟ ହୋଇନାହିଁ। ତେବେ ବିଶ୍ୱକପ ପର୍ଯ୍ୟନ୍ତ ବିସିସିଆଇ ଅପେକ୍ଷା କରିବ। ଦ୍ରାବିଡଙ୍କ ପରେ ବର୍ତ୍ତମାନର ଏନସିଏ ମୁଖ୍ୟ ବିବିଏସ ଲକ୍ଷ୍ମଣଙ୍କୁ ଏହି ଦାୟିତ୍ୱ ମିଳିପାରେ।
ବିସିସିଆଇର ଜଣେ ଅଧିକାରୀ ‘ଇନସାଇଡ ସ୍ପୋର୍ଟ’ ସହ କଥାବାର୍ତ୍ତା କରି କହିଛନ୍ତି ଯେ. ଯଦି ଭାରତ ବିଶ୍ୱକପ ଜିତେ ତେବେ ରାହୁଲ ଦ୍ରାବିଡ ତାଙ୍କ ଭବିଷ୍ୟତ ବିଷୟରେ ଚିନ୍ତା କରିବେ। ବିସିସିଆଇ ଅଧିକାରୀ କହିଛନ୍ତି, ଏହା ତାଙ୍କ ପାଇଁ ଏକ ପଥର ଯାତ୍ରା। ରାହୁଲ ଏକ ସ୍ଥିର ଜୀବନକୁ ପସନ୍ଦ କରନ୍ତି ଏବଂ ସେଥିପାଇଁ ସେ ପ୍ରଥମେ ଏହି କାମ କରିବାକୁ ଚାହୁଁନଥିଲେ। ତାଙ୍କ ପରିବାରକୁ ସମ୍ଭାଳିବା ସହ ଦଳ ସହିତ ବ୍ୟାକ ଟୁ ବ୍ୟାକ ଲମ୍ବା ଯାତ୍ରା କରିବାକୁ ପଡିଛି। ଯଦିଓ ଭାରତ ବିଶ୍ୱକପ ଜିତେ ତେବେ ସେ ତାଙ୍କ ଭବିଷ୍ୟତ ସ୍ଥିର କରିବେ।
