ନୂଆଦିଲ୍ଲୀ,୩।୨: ଟି୨୦ ବିଶ୍ୱକପ ୨୦୨୬କୁ ନେଇ ଚର୍ଚ୍ଚା ଜୋର ଧରିଛି। ଏଥର ୨୦ଟି ଦଳ ଅଂଶଗ୍ରହଣ କରିବେ। ଟି୨୦ ବିଶ୍ୱକପ ଇତିହାସରେ ପ୍ରଥମ ଥର ପାଇଁ ଏତେ ଦଳ ଗୋଟିଏ ସଂସ୍କରଣରେ ଖେଳୁଛନ୍ତି। ଏହି ୨୦ଟି ଦଳ ମଧ୍ୟରୁ ଜଣେ ଅଧିନାୟକ ପୂର୍ବରୁ ପୂର୍ବରୁ ହକି ଖେଳିଛନ୍ତି। କୌଣସି ଦେଶର କ୍ରିକେଟ ଦଳର ଅଧିନାୟକ ହେବା ପୂର୍ବରୁ ସେ ଅନ୍ୟ ଏକ ଦେଶ ପାଇଁ ହକି ବିଶ୍ୱକପ ଖେଳିଥିଲେ। ୱେନ ମ୍ୟାଡସେନ, ୨୦ ବର୍ଷ ପୂର୍ବେ ଦକ୍ଷିଣ ଆଫ୍ରିକା ପାଇଁ ହକି ବିଶ୍ୱକପ ଖେଳିଥିଲେ ଏବଂ ବର୍ତ୍ତମାନ ଚଳିତ ଟି୨୦ ବିଶ୍ୱକପ ରେ ଇଟାଲୀୟ କ୍ରିକେଟ ଦଳର ନେତୃତ୍ୱ ନେଉଛନ୍ତି।
୪୨ ବର୍ଷୀୟ ଟି୨୦ ବିଶ୍ୱକପରେ ଇଟାଲୀର ଆଶା ୱାନ ମ୍ୟାଡସେନ ଉପରେ ରହିଛି। ସେ ଜଣେ ଅଭିଜ୍ଞ ବ୍ୟାଟ୍ସମ୍ୟାନ ଏବଂ ବିଶ୍ୱର ଅନେକ ବଡ଼ ଏବଂ ଛୋଟ ଟି୨୦ ଲିଗ ଖେଳିବାର ଅଭିଜ୍ଞତା ତାଙ୍କର ଅଛି।
ଇଟାଲୀୟ ଦଳ ଫେବୃଆରୀ ୯ରେ ସ୍କଟଲାଣ୍ଡ ବିପକ୍ଷରେ ୨୦୨୬ ଟି୨୦ ବିଶ୍ୱକପ ରେ ତା’ର ଅଭିଯାନ ଆରମ୍ଭ କରିବ। ଇଟାଲୀ ଫେବୃଆରୀ ୨ରେ କାନାଡା ବିପକ୍ଷରେ ହୋଇଥିବା ମ୍ୟାଚରେ ଟୁର୍ନାମେଣ୍ଟ ପାଇଁ ସେମାନଙ୍କର ପ୍ରସ୍ତୁତିର ଏକ ଝଲକ ଦେଖାଇଥିଲା। ଚେନ୍ନାଇରେ ଅନୁଷ୍ଠିତ ପ୍ରଥମ ଅଭ୍ୟାସ ମ୍ୟାଚ୍ରେ ଇଟାଲୀ କାନାଡାକୁ ୧୦ ରନରେ ପରାସ୍ତ କରିଥିଲା।
ପ୍ରଥମେ ବ୍ୟାଟିଂ କରି ଇଟାଲୀ ୨୦ ଓଭରରେ ୪ ଉଇକେଟ ହରାଇ ୧୫୬ ରନ କରିଥିଲା। ଜେଜେ ସ୍ମୁଟ ସର୍ବାଧିକ ୪୯ ରନ କରିଥିଲେ। ଅଧିନାୟକ ୱେନ ମ୍ୟାଡସେନ ୧୧ ବଲରୁ ଗୋଟିଏ ଚୌକା ସହ ମାତ୍ର ୧୦ ରନ କରିଥିଲେ। ୨୦ ଓଭରରେ ୧୫୭ ରନର ଲକ୍ଷ୍ୟ ଧାର୍ଯ୍ୟ କରି କାନାଡା ୧୪୬ ରନରେ ଅଲଆଉଟ ହୋଇଥିଲା। ଏହିପରି, ୱେନ ମ୍ୟାଡସେନଙ୍କ ଅଧିନାୟକତ୍ୱରେ ଇଟାଲୀ ପ୍ରଥମ ଅଭ୍ୟାସ ମ୍ୟାଚ ଜିତିଥିଲା।
୪୨ ବର୍ଷୀୟ ୱେନ ମ୍ୟାଡସେନ ୨୦ ବର୍ଷ ପୂର୍ବେ ଦକ୍ଷିଣ ଆଫ୍ରିକା ପାଇଁ ହକି ବିଶ୍ୱକପ ଖେଳିଥିଲେ ଏବଂ ବର୍ତ୍ତମାନ ଇଟାଲୀୟ କ୍ରିକେଟ ଦଳର ଅଧିନାୟକ ଅଛନ୍ତି। ତାଙ୍କର ୭ଟି ଅନ୍ତର୍ଜାତୀୟ ମ୍ୟାଚ୍ର ଅଭିଜ୍ଞତା ଅଛି। ସେହି ୭ଟି ମ୍ୟାଚ୍ରେ ସେ ଦୁଇଟି ଅର୍ଦ୍ଧଶତକ ସହିତ ୨୦୫ ରନ କରିଛନ୍ତି। ତାଙ୍କର ଅନ୍ତର୍ଜାତୀୟ କ୍ୟାରିଅର ଜୁଲାଇ ୨୦୨୩ରେ ଆରମ୍ଭ ହୋଇଥିଲା।
ମ୍ୟାଡସନଙ୍କର ମୋଟ ୨୧୯ ଟି ଟି୨୦ ମ୍ୟାଚ ଖେଳିଛନ୍ତି, ସେ ୨୧୧ ଇନିଂସରେ ଦୁଇଟି ଶତକ ଏବଂ ୨୫ ଅର୍ଦ୍ଧଶତକ ସହିତ ୬୬୧୬ ରନ କରିଛନ୍ତି ଏବଂ ୨୨ ଉଇକେଟ ନେଇଛନ୍ତି।
Dharitri – Odisha’s No.1 Odia Daily
