ସିନେମା ଜଗତରେ ଏପରି ଅନେକ କଳାକାର ଅଛନ୍ତି, ଯାହାର ଅଭିନୟକୁ ଦର୍ଶକ ଆଜିବି ମନେ ରଖିଛନ୍ତି। ଆଜିର ପିଢ଼ି ଅତୀତର ଅଭିନେତା ଏବଂ ଅଭିନେତ୍ରୀମାନଙ୍କ ବିଷୟରେ ଖୁବ କମ ଜାଣିଥିବେ। ଆଜି ଆମେ ଆପଣଙ୍କୁ ଏପରି ଜଣେ ଶ୍ରେଷ୍ଠ ଅଭିନେତା ବିଷୟରେ କହିବାକୁ ଯାଉଛୁ, ଯାହାଙ୍କ ଅଭିନୟ ଆଜିବି ସ୍ବତନ୍ତ୍ର। ସେ ରୁପେଲି ପରଦାରେ ପ୍ରତ୍ୟେକ ଚରିତ୍ରରେ ଅଭିନୟ କରି ଦର୍ଶକଙ୍କ ହୃଦୟ ଜିତିଛନ୍ତି। ଅଭିନେତା ଏ.କେ ହଙ୍ଗଲଙ୍କ ଅନେକ ହିଟ୍ ଫିଲ୍ମ ଦେଇଛନ୍ତି। ଜାଣନ୍ତୁ ତାଙ୍କ ବ୍ୟକ୍ତିଗତ ଜୀବନ ସହ ଜଡିତ କିଛି କଥା। ‘ଶୋଲେ’ଫିଲ୍ମରେ ଅଭିନେତା ଏ.କେ ରହିମ ଚାଚା ଭୂମିକାରେ କହିଥିଲେ। ତାଙ୍କ ପୂରା ନାମ ଅବତାର କିଶାନ ହଙ୍ଗଲ ଥିଲା। ସେ କଶ୍ମୀରୀ ପଣ୍ଡିତ ପରିବାରରେ ଜନ୍ମଗ୍ରହଣ କରିଥିଲେ ।ତାଙ୍କର ପିଲାଦିନ ପାକିସ୍ତାନର ପେଶଓ୍ବାରରେ ଅତିବାହିତ ହୋଇଥିଲା।
ଏ.କେ ଫିଲ୍ମରେ ଅଭିନୟ କରିବା ପୂର୍ବରୁ ଜଣେ ସ୍ବାଧୀନତା ସଂଗ୍ରାମୀ ଥିଲେ। ୧୯୨୯ ରୁ ୧୯୪୭ ପର୍ଯ୍ୟନ୍ତ, ସେ ସ୍ବାଧୀନତା ପାଇଁ ଲଢ଼େଇ କରିଥିଲେ। ଜଣେ ମାର୍କ୍ସବାଦୀ ହୋଇଥିବାରୁ ସେ ତିନି ବର୍ଷ ଧରି କରାଚିରେ ବନ୍ଦୀ ହୋଇଥିଲେ। ୧୯୪୯ ମସିହାରେ ଜେଲରୁ ମୁକୁଳିବା ପରେ ତାଙ୍କ ପରିବାର ସହିତ ମୁମ୍ବାଇ ଆସିଥିଲେ। ଏହି ଅଭିନେତା ପେଶୱାରରେ ଥିଏଟର କରୁଥିଲେ, ସେ ଅଭିନୟକୁ ଭଲ ପାଉଥିଲେ। ମୁମ୍ବାଇ ଆସିବା ପରେ ସେ ଫିଲ୍ମରେ କାମ କରିବାକୁ ଚିନ୍ତା କରିଥିଲେ।
ଏ.କେ ୫୦ ବର୍ଷ ବୟସରେ ତାଙ୍କର ଚଳଚ୍ଚିତ୍ର ଜୀବନ ଆରମ୍ଭ କରିଥିଲେ। ୧୯୬୬ ମସିହାରେ ମୁକ୍ତିଲାଭ କରିଥିବା ବାସୁ ଭଟ୍ଟାଚାର୍ଯ୍ୟଙ୍କ ଚଳଚ୍ଚିତ୍ର ‘ତିସ୍ରୀ କସମ’ ତାଙ୍କର ପ୍ରଥମ ଚଳଚ୍ଚିତ୍ର ଥିଲା। ସେ ୭୦, ୮୦ ଏବଂ ୯୦ ଦଶକରେ ଅନେକ ଚଳଚ୍ଚିତ୍ର କରିଥିଲେ। ଏ କେ ସୁପରଷ୍ଟାର ରାଜେଶ ଖାନ୍ନାଙ୍କ ସହ ୧୬ ଟି ଫିଲ୍ମରେ ଅଭିନୟ କରିଥିଲେ । ଏହା ବ୍ୟତୀତ ସେ ଅନେକ ବଡ କଳାକାରଙ୍କ ସହ ଫିଲ୍ମରେ ମଧ୍ୟ କାମ କରିଥିଲେ।
କୁହାଯାଏ ଯେ, ଶିବସେନା ମୁଖ୍ୟ ବାଲ ଠାକରେ ୧୯୯୩ ମସିହାରେ ଏ.କେଙ୍କ ଚଳଚ୍ଚିତ୍ର ଉପରେ ପ୍ରତିବନ୍ଧକ ଲଗାଇଥିଲେ। ପାକିସ୍ତାନର ଜାତୀୟ ଦିବସରେ ଭାଗ ନେବାକୁ ବାଲ ଠାକରେ ଏକେଙ୍କଚୁ ପସନ୍ଦ କରୁ ନ ଥିଲେ। ଏହି କାରଣରୁ ତାଙ୍କ ଚଳଚ୍ଚିତ୍ର ରିଲିଜ ଉପରେ ପ୍ରତିବନ୍ଧକ ଲଗାଯାଇଥିଲା।
