ବଲିଉଡ ଅଭିନେତା ଅଭିଷେକ ବଚ୍ଚନ କାନ୍ସ ଫିଲ୍ମ ଫେଷ୍ଟିଭାଲ ୨୦୨୨ରେ ଯୋଗଦେବା ପରେ ସ୍ତ୍ରୀ ଐଶ୍ୱର୍ଯ୍ୟା ଏବଂ ଝିଅ ଆରାଧ୍ୟାଙ୍କ ସହ ମୁମ୍ବାଇ ଫେରି ଆସିଛନ୍ତି। ଘରକୁ ଫେରିବା ମାତ୍ରେ ତାଙ୍କୁ ଏକ ଦୁଃଖ ଖବର ମିଳିଛି। ଅଭିଷେକ ତାଙ୍କ ଇନଷ୍ଟାଗ୍ରାମରେ ଏକ ପୋଷ୍ଟ ଶେୟାର କରିଛନ୍ତି।
ଅଭିଷେକ ତାଙ୍କ ପୋଷ୍ଟରେ ଲେଖିଛନ୍ତି, ମୁଁ ଘରକୁ ଫେରିବା ପରେ ଏକ ଦୁଃଖ ଖବର ମିଳିଛି। ଫିଲ୍ମ ଜଗତର କିମ୍ବଦନ୍ତୀ ଆକବର ଶାହପୁରୱାଲାଙ୍କର ଦେହାନ୍ତ ହୋଇଛି। ମୁଁ ତାଙ୍କୁ ଅକି ଅଙ୍କଲ ନାମରେ ଜାଣିଥିଲି। ମୋର ଯେତେ ମନେ ଅଛି, ମୋ ବାପାଙ୍କ ଅଧିକାଂଶ ପୋଷାକ ଏବଂ ଶୁଟ୍ ତାଙ୍କ ଦ୍ୱାରା ନିର୍ମିତ ହୋଇଥିଲା। ସେ ମୋର ଅନେକ ଫିଲ୍ମ ପାଇଁ ମଧ୍ୟ ଶୁଟ୍ ମଧ୍ୟ ପ୍ରସ୍ତୁତ କରିଥିଲେ। ମୋର ପ୍ରଥମ ଫିଲ୍ମ ପାଇଁ ଡ୍ରେସ୍ ସେ ପ୍ରସ୍ତୁତ କରିଥିଲେ। ସେ ମୋତେ ସବୁବେଳେ କହିଥିଲେ ଯେ ‘ଏକ ଶୁଟ୍ ପାଇଁ କପଡ଼ା କାଟିବା କେବଳ ସିଲେଇ ନୁହେଁ, ଏହା ଏକ ଅନୁଭବ। ଯେତେବେଳେ ତୁମେ ମୋର ଶୁଟ ପିନ୍ଧିବ, ସେଥିରେ ମୋ ଭଲ ପାଇବା ସହ ଆଶୀର୍ବାଦ ସେଥିରେ ଥିବ।
ମୋ ପାଇଁ ସେ ଦୁନିଆର ସର୍ବଶ୍ରେଷ୍ଠ ଶୁଟ ପ୍ରସ୍ତୁତକର୍ତ୍ତା ଥିଲେ। ଅକି ଅଙ୍କଲ, ତୁମେ ମୋ ପାଇଁ ପ୍ରସ୍ତୁତ କରିଥିବା ଶୁଟ୍ ମଧ୍ୟରୁ ଆଜି ରାତିରେ ଗୋଟିଏ ପିନ୍ଧିବି ଏବଂ ଆଶୀର୍ବାଦ ଅନୁଭବ କରିବି! ଅମର ଆତ୍ମାର ସଦ୍ଗତି କାମନା କରୁଛି।
