ନୂଆଦିଲ୍ଲୀ,୧୧।୩: ବିସିସିଆଇ ପକ୍ଷରୁ ଆଇପିଏଲ୍-୨୦୨୧ର କାର୍ଯ୍ୟସୂଚି ଜାରି କରାଯାଇଛି। ଏହାପରଠାରୁ ଖେଳାଳିମାନେ ଟି-୨୦ ପାଇଁ ପ୍ରସ୍ତୁତି ଆରମ୍ଭ କରିସାରିଲେଣି। ଚେନ୍ନାଇରେ ମହେନ୍ଦ୍ର ସିଂହ ଧୋନୀ ଅନ୍ୟ ଖେଳାଳିଙ୍କ ସହ ଅଭ୍ୟାସ କରୁଥିବା ବେଳେ କିଛି ବିଦେଶୀ ଖେଳାଳି ନିଜ ନିଜ ଦେଶରେ ରହି ଏଥିପାଇଁ ପ୍ରସ୍ତୁତି ଚଳାଇଛନ୍ତି। ସେଥିରୁ ଜରେ ହେଲେ ଆର୍ସିବିର ଅଭିଜ୍ଞ ବ୍ୟାଟ୍ସମ୍ୟାନ୍ ଏବି ଡିଭିଲିୟର୍ସ।
ଦକ୍ଷିଣ ଆଫ୍ରିକାର ପ୍ରିଟେରିଆରେ ଅଭ୍ୟାସ କରୁଛନ୍ତି ଡିଭିଲିୟର୍ସ। ଏବେ ଇନ୍ଡୋରରେ ରହି ସେ ନେଟ ପ୍ରାକ୍ଟିସ୍ କରୁଥିବା ଦେଖାଯାଇଛି। ଏହାର ଏକ ଭିଡିଓ ସେ ନିଜ ସୋସିଆଲ ପୃଷ୍ଠାରେ ଶେୟାର କରିଛନ୍ତି। ଏହା ଏବେ ବେଶ୍ ଭାଇରାଲ ହେଉଛି। ଭିଡିଓରେ କ୍ରିକେଟର ବ୍ୟାଟିଂ କରୁଥିବା ବେଳେ ଷ୍ଟ୍ରେଟ ଡ୍ରାଇଭ୍ ମାରୁଛନ୍ତି। ଫଳରେ ବଲ୍ଟି ସିଧା ଯାଇ କ୍ୟାମେରାରେ ବାଜୁଛି। ଭିଡିଓ ବନ୍ଦ ହୋଇଯାଉଛି। ଶେଷରେ ଆପଲ୍ ଆଇଫୋନ୍ରେ ସେ ଭିଡିଓ କରୁଥିବା ବେଳେ ଏହା ତାଙ୍କ ଯୋଗୁ ଭାଙ୍ଗି ଯାଇଥିବା ସ୍ପଷ୍ଟ ହେଉଛି।
ମିଷ୍ଟର-୩୬୦ ନିଜର ଇନ୍ଷ୍ଟ୍ରାଗ୍ରାମରେ ଭିଡିଓ ପୋଷ୍ଟ କରି ‘ଆଇଫୋନ୍ ଆଉଟ୍। କ୍ରିକେଟ ଗୁରୁ ବେନି ବେଷ୍ଟର ଏବଂ କ୍ରୁଗର ବେନଙ୍କ ସହ ଆଇପିଏଲ୍ ପ୍ରସ୍ତୁତି ବୋଲି ଲେଖିଛନ୍ତି।
