ନୂଆଦିଲ୍ଲୀ,୧୧।୩: : ଲୋକ ସଭା ନିର୍ବାଚନ ୨୦୨୪ ଠିକ୍ ପୂର୍ବରୁ ଅନେକ ବଡ ନିଷ୍ପତ୍ତି ନିଆଯାଉଛି। ଏହି କ୍ରମରେ ସୋମବାର ନାଗରିକତା ସଂଶୋଧନ ନିୟମ (ସିଏଏ) ଲାଗୁ କରିବା ପାଇଁ କେନ୍ଦ୍ର ସରକାର ବିଜ୍ଞପ୍ତି ଜାରି କରିଛନ୍ତି ।
ଏଭଳି ପରିସ୍ଥିତିରେ ଲୋକଙ୍କ ମନରେ ଅନେକ ପ୍ରକାରର ପ୍ରଶ୍ନ ଆସୁଛି । ରିପୋର୍ଟ ଅନୁଯାୟୀ, ୩୧ ଡିସେମ୍ବର୨୦୧୪ ପୂର୍ବରୁ ୁ ଭାରତ ଆସିଥିବା ଲୋକଙ୍କୁ ସିଏଏ ନାଗରିକତ୍ୱ ପ୍ରଦାନ କରାଯିବ। ସିଏଏ ଅଧୀନରେ ନାଗରିକତା ପାଇବାକୁ ହେଲେ ସେ ଭାରତରେ କେତେ ଦିନ ରହିଆସିଛନ୍ତି ତାହା ପ୍ରମାଣ କରିବା ଆବଶ୍ୟକ । ସିଏଏ ଲାଗୁ ହେବା ପରେ ଅନ୍ୟ ଦେଶରୁ ଆସୁଥିବା ଲୋକଙ୍କ ପାଇଁ କୌଣସି ନୂତନ ପରିଚୟ ପତ୍ର ତିଆରି କରାଯିବ ନାହିଁ । ଏହା ଅଧୀନରେ ନାଗରିକତା ପ୍ରାପ୍ତ କରିଥିବା ଲୋକଙ୍କୁ ଭାରତର ନାଗରିକତା ପ୍ରମାଣପତ୍ର ପ୍ରଦାନ କରାଯିବ। ଏହି ସାର୍ଟିଫିକେଟ ଭାରତରେ ସେମାନଙ୍କର ନାଗରିକତ୍ୱର ପ୍ରମାଣ ହେବ ।
