କାନବେରା: ପ୍ରେମ ପାଇଁ କୌଣସି ସ୍ଥାନ, କାଳ ନ ଥାଏ। ତାହା କାହା ସହ କେଉଁଠି ବି ହୋଇପାରେ। ନିକଟରେ ଏପରି ଏକ ଭଲପାଇବା ବିଷୟରେ ଜଣାପଡିଛି, ଯାହା ସମସ୍ତଙ୍କୁ ଅଧିକ ଆଶ୍ଚର୍ଯ୍ୟ ଲାଗିବ। ୨୯ ବର୍ଷୀୟା ସବାନା ପିଫର ଏବଂ ୩୧ ବର୍ଷୀୟ ଏଲେକ୍ସ ଦୁହେଁ ଦୁହିଁଙ୍କୁ ଭଲ ପାଆନ୍ତି। ସବାନା ପଶ୍ଚିମ ଅଷ୍ଟ୍ରେଲିଆର ଅସ୍ଥାୟୀ କର୍ମଚାରୀ ଭାବେ କାମ କରୁଥିବାବେଳେ କେହି କାହାରିକୁ ଦେଖି ନାହାନ୍ତି। ସବାନାଙ୍କ କହିବା କଥା ତାଙ୍କୁ ଯେପରି ପୁଅ ଆବଶ୍ୟକ ତାହା ଏଲେକ୍ସଙ୍କ ପାଖରେ ଅଛି। ହେଲେ ଏଠାରେ ଆଶ୍ଚର୍ଯ୍ୟର କଥା ଯେ ସବାନାଙ୍କଠୁ ଏଲେକ୍ସ ୧୫ ହଜାର କିମି ଦୂର ଆମେରିକାର ନେଭଦା ଜେଲରେ ଅଛନ୍ତି। ‘ରାଇଟ୍ ଏ ପ୍ରିଜନର୍’ ସେବା ମାଧ୍ୟମରେ ଦୁହେଁ କଥା ହୁଅନ୍ତି। ଏହା ଏକ ପ୍ରକାରର ସେବା, ଯେଉଁଥିରେ ଲୋକେ ଆମେରିକାର ବନ୍ଧୀମାନଙ୍କ ସହ ଚିଠି ଜରିଆରେ କଥା ହୋଇପାରିବେ। ସବାନା ସେହି ଜେଲ୍ରେ ଥିବା ଅନେକ କଏଦୀଙ୍କୁ ମଧ୍ୟ ଏପରି ଚିଠି ଲେଖିଥିଲେ। ହେଲେ କେହି ତାଙ୍କ ଚିଠିର ଉତ୍ତର ଦେଇ ନ ଥିଲେ। ହେଲେ ଏଲେକ୍ସ ତାଙ୍କ ଚିଠିର ଉତ୍ତର ଦେଇଥିଲେ। ଏହା ପରଠାରୁ ଦୁହେଁ ଦୁହିଁଙ୍କୁ ଚିଠି ଲେଖିବା ଜାରି ରଖିଲେ। ଫଳରେ ଏଲେକ୍ସଙ୍କ ସହ ପ୍ରେମ ହୋଇଯାଇଥିବା ସବାନା କହିଛନ୍ତି। ପରେ ସେମାନେ ଚିଠିରୁ ଫୋନ ମାଧ୍ୟମରେ କଥା ହେବା ଆରମ୍ଭ କଲେ। ଉଭୟ ଉଭୟଙ୍କ କଣ୍ଠସ୍ବର ଶୁଣିବା ପରେ ସେମାନଙ୍କ ଭଲ ପାଇବା ଅଧିକ ବଢିଯାଇଥିଲା ବୋଲି ସେ କହିଛନ୍ତି। ଡିସେମ୍ବର ୨୦୨୨ ବେଳକୁ ସେମାନଙ୍କ ପ୍ରେମ ଆରମ୍ଭ ହୋଇଥିଲା। ହେଲେ ସେମାନେ କେହି କାହାକୁ ଦେଖି ନାହାନ୍ତି। ସେଥିପାଇଁ ସେ ତାଙ୍କର ଏହି ସମ୍ପର୍କକୁ ସାର୍ବଜନୀନ କରିଦେଇଥିବା ସବାନା କହିଛନ୍ତି। ଏଲେକ୍ସ ଜେଲରେ ମିଳିଥିବା ଟାବଲେଟ୍ ଜରିଆରେ ସବାନାଙ୍କୁ ଇ-ମେଲ କରିଥାନ୍ତି। ସବାନା କହିଛନ୍ତି, ସେ ଏହାଠାରୁ କେବେ ଭଲ ସମ୍ପର୍କରେ ରହିନାହାନ୍ତି। ଏଥିପାଇଁ ସେ ବହୁତ ଖୁସି ଅଛନ୍ତି। ସେ ଏବେ କେବଳ ଏଲେକ୍ସଙ୍କ ଜେଲରୁ ମୁକୁଳିବାକୁ ଅପେକ୍ଷା କରିଛନ୍ତି।
