ନ୍ୟୁୟର୍କ,୧୮।୫:ଆମେରିକାର ଦକ୍ଷିଣ କାରୋଲିନାରେ ଏକ ଅଜବ ଘଟଣା ଘଟିଛି। ଏଠାରେ ଜଣେ ବ୍ୟକ୍ତି ପ୍ରଥମେ ତାଙ୍କ ଗର୍ଲଫ୍ରେଣ୍ଡକୁ ହତ୍ୟା କରି କବର ଦେଉଥିବାବେଳେ ନିଜେ ହୃଦଘାତରେ ମୃତ୍ୟୁବରଣ କରିଛନ୍ତି।
ଦକ୍ଷିଣ କାରୋଲିନାର ୬୦ ବର୍ଷିୟ ଜୋସେଫ ମ୍ୟାକକିନନ୍ ତାଙ୍କର ୬୫ ବର୍ଷିୟା ଗର୍ଲଫ୍ରେଣ୍ଡ ପାଟ୍ରିସିଆ ଡେଣ୍ଟକୁ ଗଳା କାଟି ହତ୍ୟା କରିଥିଲେ। ବ୍ୟକ୍ତି ଜଣକ ଗର୍ଲଫ୍ରେଣ୍ଡଙ୍କ ଘରେ ତାଙ୍କୁ ହତ୍ୟା କରିଥିଲେ। ପରେ ତାଙ୍କୁ କବର ଦେବାକୁ ନେଇଥିଲେ। ଏହି ସମୟରେ ତାଙ୍କର ହୃଦ୍ଘାତ ହୋଇଥିଲା। ସେ ଘଟଣାସ୍ଥଳରେ ହିଁ ଟଳିପଡିଥିଲେ।
ଏଜଫିଲ୍ଡ କାଉଣ୍ଟି ସରିଫ ଅଧିକାରୀ କହିଛନ୍ତି, ଜଣେ ବ୍ୟକ୍ତି ଚେତାଶୂନ୍ୟ ଅବସ୍ଥାରେ ପଡ଼ିଥିବାର ସ୍ଥାନୀୟ ଲୋକ ତାଙ୍କୁ ସୂଚନା ଦେଇଥିଲେ। ସୂଚନା ପାଇବା ପରେ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ସେଠାରେ ଜୋସେଫଙ୍କ ମୃତଦେହ ପାଇଥିଲେ। ଏହା ପରେ ସେମାନେ ଏକ ଗର୍ତ୍ତରେ ଅନ୍ୟ ଏକ ମୃତଦେହ ପାଇଥିଲେ। ଏହା ତାଙ୍କ ଗର୍ଲଫ୍ରେଣ୍ଡ ପାଟ୍ରିକିଆ ଡେଣ୍ଟ ବୋଲି ଚିହ୍ନଟ କରାଯାଇଥିଲା। ଦୁହେଁ ଏକାଠି ରହୁଥିଲେ।
ପୋଷ୍ଟମର୍ଟମ ରିପୋର୍ଟରେ ପାଟ୍ରିସିଆଙ୍କୁ ହତ୍ୟା କରାଯାଇଥିବା ଏବଂ ମ୍ୟାକ୍କିନନ୍ଙ୍କ ହୃଦଘାତରେ ମୃତ୍ୟୁବରଣ କରିଥିବା ଜଣାପଡିଥିଲା।
