ଲଣ୍ଡନ,୧୫ା୯: ରାଣୀ ଏଲିଜାବେଥ ଦ୍ୱିତୀୟଙ୍କ ମୃତ୍ୟୁ ପରେ ବୁଧବାର ଲଣ୍ଡନର ବକିଂହାମ୍ ପ୍ୟାଲେସରୁ ଶେଷ ଦର୍ଶନ ପରେ ରାଣୀଙ୍କ କଫିନ ଓ୍ବେଷ୍ଟମିନିଷ୍ଟର ହଲ୍କୁ ଅଣାଯାଇଥିଲା। ଅନ୍ତିମ ସଂସ୍କାର ପୂର୍ବରୁ ସୋମବାର ପର୍ଯ୍ୟନ୍ତ ଏଲିଜାବେଥ୍ଙ୍କ କଫିନ ଏଠାରେ ରହିବ।
ରାଣୀଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ଅନେକ ଲୋକ ଓ୍ବେଷ୍ଟମିନଷ୍ଟର ହଲ୍ରେ ପହଞ୍ଚିଛନ୍ତି। ଏହି ସମୟରେ ସୋସିଆଲ ମିଡିଆରେ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି, ଯେଉଁଥିରେ ଦେଖିବାକୁ ମିଳିଛି ଏଲିଜାବେଥଙ୍କ କଫିନ ନିକଟରେ ଥିବା ଜଣେ ଅଙ୍ଗରକ୍ଷୀ ବେହୋସ ହୋଇ ତଳେ ପଡ଼ିଯାଉଛନ୍ତି। ଏହା ପରେ ଆଉ ୨ ଜଣ ଅଙ୍ଗରକ୍ଷୀ ତାଙ୍କୁ ଉଠାଇବାରେ ସହଯୋଗ କରୁଛନ୍ତି।
One of the Queen’s guards has dramatically fainted in Westminster Hall, where Her Majesty is lying in state.
Shifts on the 24-hour vigil generally rotate every 20 minutes. #9News
MORE: https://t.co/SBZi2Pxwil pic.twitter.com/arMR38WlGo
— 9News Sydney (@9NewsSyd) September 15, 2022
ଏହି ସମୟରେ ବ୍ରିଟେନର ନୂତନ ରାଜା ଚାଲର୍ସ ତୃତୀୟ ଏବଂ ତାଙ୍କ ପୁତ୍ର ପ୍ରିନ୍ସ ଓ୍ବିଲିୟମ ଏବଂ ପ୍ରିନ୍ସ ହ୍ୟାରୀ ମଧ୍ୟ ଉପସ୍ଥିତ ଥିଲେ। ଏହି କଫିନ ଲଣ୍ଡନରେ ରାଣୀଙ୍କ ସରକାରୀ ବାସଭବନ ବକିଂହାମ୍ ପ୍ୟାଲେସ ଠାରୁ ପାର୍ଲାମେଣ୍ଟ ହାଉସର ଓ୍ବେଷ୍ଟମିନଷ୍ଟର ହଲରେ ରଖାଯାଇଛି। ସୋମବାର ରାଣୀଙ୍କ ଅନ୍ତିମ ସଂସ୍କାର କରାଯିବ।
ଅନ୍ତିମ ସଂସ୍କାରରେ ଭାରତର ରାଷ୍ଟ୍ରପତି ମଧ୍ୟ ଯୋଗଦେବେ। ରାଣୀ ଏଲିଜାବେଥ୍ ଦ୍ୱିତୀୟଙ୍କ ସ୍କଟଲ୍ୟାଣ୍ଡର ବାଲମୋରାଲ କ୍ୟାଷ୍ଟ୍ରଲ ସମର ରେସିଡେନ୍ସରେ ୮ ସେପ୍ଟେମ୍ବରରେ ୯୬ ବର୍ଷ ବୟସରେ ପରଲୋକ ହୋଇଥିଲା।
