ଲୋଇସିଂହା,୨୫।୯(ଡି.ଏନ.ଏ.): ବଲାଙ୍ଗୀର ଜିଲା ଲୋଇସିଂହା ଡେଲିମାର୍କେଟର ଅବସରପ୍ରାପ୍ତ ଶିକ୍ଷକ ଗୌରୀଶଙ୍କର ବେଜ(୬୫)। ସୁବର୍ଣ୍ଣପୁର ଜିଲା ନାରାୟଣପୁରର ମୂଳ ବାସିନ୍ଦା ଗୌରୀଶଙ୍କର ୨୦୧୪ମସିହାରେ ଅବସର ଗ୍ରହଣ ପରେ ମଧ୍ୟ ସେ ଚଳଚଞ୍ଚଳ ରହିଛନ୍ତି। ବିଭିନ୍ନ ପ୍ରକାର ଚିତ୍ର ଆଙ୍କି ପ୍ରଶାଂସା ସାଉଁଟୁଛନ୍ତି। ଦେବାଦେବୀ, ପଶୁପକ୍ଷୀ ଓ ଆଦିବାସୀଙ୍କ ଚିତ୍ରଚରିତ୍ରକୁ ସେ କଳାକୃତିରେ ଜୀବନ୍ତ କରୁଛନ୍ତି। କୋଭିଡ ଲକ୍ଡାଉନ ସମୟରେ ପାଳ(ଗୋରୁଖାଦ୍ୟ)ରେ ଜଗନ୍ନାଥ, ଗଣେଶ ଏବଂ ଆଦିବାସୀଙ୍କ ଚିତ୍ର ପ୍ରସ୍ତୁତ କରିବାକୁ ଆରମ୍ଭ କରିଥିଲେ। ଏଥିରେ ରଙ୍ଗୀନ କାଗଜ ଓ ଫେବିକଲ ଅଠା ବ୍ୟବହାର କରି ୧୮ପ୍ରକାର ଗଣେଶ, ୧୨ପ୍ରକାର ଜଗନ୍ନାଥ ଚିତ୍ର ଏବଂ ବିଭିନ୍ନ ପଶୁପକ୍ଷୀ, ଫୁଲଫଳ ପ୍ରସ୍ତୁତି କରିଥିଲେ। ଏହି ସବୁ କଳାକୃତିକୁ ବିଭିନ୍ନ ପ୍ରଦର୍ଶନୀ ମେଳାରେ ପ୍ରଦର୍ଶନ କରିବା ବେଳେ ଲୋକେ ପସନ୍ଦ କରିଥିଲେ ା ପାଳର ଉପଯୋଗ କରି କିପରି କଳାକୃତି କରାଯାଇପାରେ ତାହା ସେ କରି ଦେଖାଉଛନ୍ତି ବୋଲି କହିଛନ୍ତି ଗୌରୀଶଙ୍କର।
ଏସବୁ ସହ ଗୌରୀଶଙ୍କର ଜଣେ କଳାକାର ଭାବେ ନିଜକୁ ପ୍ରମାଣିତ କରିଛନ୍ତି। ବିଭିନ୍ନ ସମ୍ବଲପୁରୀ ଚଳଚ୍ଚିତ୍ରରେ ସେ ଅଭିନୟ କରିଛନ୍ତି। ସମ୍ବଲପୁରୀ ଫିଲ୍ମ ଶଳାବୁଢା, ଝରଣ ଭଲି ଚଳଚ୍ଚିତ୍ରରେ ସେ କଳା ନିର୍ଦ୍ଦେଶକ ଭାବେ କାମ କରିଛନ୍ତି। ଏହାବ୍ୟତୀତ ସେ ଜଣେ ମଞ୍ଚ ପ୍ରସ୍ତୁତି କଳାକାର ା ବଲାଙ୍ଗୀର, ସୁବର୍ଣ୍ଣପୁର, ବୌଦ୍ଧ ଜିଲାର ବିଭିନ୍ନ ସାଂସ୍କୃତିକ, ମନୋରଞ୍ଜନ କାର୍ଯ୍ୟକ୍ରମରେ ମଞ୍ଚ ପ୍ରସ୍ତୁତ କରନ୍ତି। ୨୦୦୮ରେ ବଲାଙ୍ଗୀର କୋଶଳ କଳାମଣ୍ଡରେ ହେଉଥିବା ଲୋକଉସତ୍ବ ଚମତ୍କାର ମଞ୍ଚ ସଜାଇ ପ୍ରଶଂସିତ ହୋଇଥିଲେ ା
