ନୂଆଦିଲ୍ଲୀ,୧୩।୨: ୧୭୯ ବର୍ଷ ପୂର୍ବେ ଆଜିର ଦିନରେ ଜନ୍ମ ନେଇଥିଲେ ନିଜ ସମୟର ସର୍ବଶ୍ରେଷ୍ଠ ଉଇକେଟକିପର ତଥା ଇଂଲଣ୍ଡର ଟେଡ୍ ପୁଲି। ତାଙ୍କର କ୍ୟାରିୟର ସହ ବ୍ୟକ୍ତିଗତ ଜୀବନ ଅଜବ ଥିଲା। ଉଇକେଟ ପଛରେ ସେ ଭଲ ପ୍ରଦର୍ଶନ କରୁଥିଲେ। ହେଲେ ନିଜର ଖରାପ ଅଭ୍ୟାସ ପାଇଁ ତାଙ୍କର କ୍ୟାରିୟର ବରବାଦ୍ ହୋଇଯାଇଥିଲା।
୧୮୪୨ ଫେବୃୟାରୀ ୧୩ରେ ପୁଲି ଚେପ୍ସଟୋରେ ଜନ୍ମଗ୍ରହଣ କରିଥିଲେ। ସେ ୨୩ ବର୍ଷ ବୟସରେ କୋଲ୍ଟ କ୍ଲବ ପକ୍ଷରୁ ପ୍ରଥମ ଥର କ୍ରିକେଟ ଖେଳିଥିଲେ। ଧିରେ ଧିରେ ସେ ଭଲ ଉଇକେଟକିପର ଭାବେ ନାମ କମାଇଥିଲେ। ହେଲେ ଏକ ମ୍ୟାଚ୍ରେ ପ୍ରଦର୍ଶନ ନ କରିବାକୁ ନେଇ ୧୮୭୩ରେ ତାଙ୍କୁ ନିଲମ୍ବିତ କରାଯାଇଥିଲା। ଏହାପରେ ଇଂଲଣ୍ଡ-ଅଷ୍ଟ୍ରେଲିଆ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ରେ ସେ ଖେଳିବାର ଥିଲା। ହେଲେ ସେ ଜୁଆ ଖେଳୁଥିବା ଯୋଗୁ ଗିରଫ ହୋଇ ସୁଯୋଗ ହରାଇଥିଲେ।
ପୁଲି ଶ୍ରେଷ୍ଠ ଉଇକେଟକିପର ବ୍ୟାଟ୍ସମ୍ୟାନ୍ ଥିଲେ। ହେଲେ ତାଙ୍କର କୁଅଭ୍ୟାସ ଯୋଗୁ ନିତିଦିନ ସେ ବିବାଦରେ ଫସୁଥିଲେ। ଫଳରେ ନାମ ଏବଂ ଟଙ୍କା ବଦଳରେ ସେ ଦରିଦ୍ର ହୋଇଯାଇଥିଲେ। ୧୯୦୭ରେ ଲଣ୍ଡନର ଏକ ଷ୍ଟୋର୍ ରୁମ୍ରେ ୬୫ ବର୍ଷ ବୟସରେ ତାଙ୍କର ମୃତ୍ୟୁ ହୋଇଯାଇଥିଲା।
ପ୍ରଥମ ଶ୍ରେଣୀ କ୍ରିକେଟରେ କ୍ୟାରିୟର:
ମ୍ୟାଚ୍-୩୭୦
ରନ୍-୯୩୪୫
ଶତକ-୧
ସର୍ବାଧିକ ସ୍କୋର-୧୨୫ ରନ୍
କ୍ୟାଚ୍-୪୯୬
ଷ୍ଟମ୍ପିଂ-୩୫୮
