ତେଲ ଦର ବୃଦ୍ଧିରେ ବିରତି;୨୧ ଦିନ ଧରି ବଢି ଚାଲିଥିଲା

ନୂଆଦିଲ୍ଲୀ,୨୯।୬ : ଗତ ୨୧ ଦିନ ଧରି ତେଲ ଦର ବୃଦ୍ଧି ଖାଉଟିଙ୍କ ଚିନ୍ତାକୁ ବଢାଇଛି। କରୋନା ସଙ୍କଟରେ ଏଭଳି ଲଗାତର ଦର ବୃଦ୍ଧିକୁ ନେଇ ସାରା ଦେଶରେ ଖାଉଟିଙ୍କ ମଧ୍ୟରେ ଗଭୀର ଅସନ୍ତୋଷ ପ୍ରକାଶ ପାଇଛି। ଜୁନ ୭ ପରଠାରୁ ବଢିଚାଲିଥିବା ତେଲ ଦରରେ ରବିବାର ବିରତି ଲାଗିଛି। ତୈଳ ବିପଣନ କମ୍ପାନୀଗୁଡିକ ୨୧ ଦିନ ପରେ ପ୍ରଥମ ଥର ଲାଗି ଦର ବୃଦ୍ଧି ଉପରେ ରୋକ ଲଗାଇଛନ୍ତି। ରବିବାର ଭୁବନେଶ୍ୱରରେ ପେଟ୍ରୋଲ ଲିଟର ପିଛା ଦର ୮୦.୯୪ ଟଙ୍କା ରହିଥିବା ବେଳେ ଡିଜେଲ ୭୮.୫୫ ଟଙ୍କା ରହିଛି। ତୈଳ କମ୍ପାନୀ ଶନିବାର ତେଲ ବଢାଇ ଥିବାରୁ ଦିଲ୍ଲୀରେ ପେଟ୍ରୋଲ ୮୦.୩୮ ଟଙ୍କା ଏବଂ ଡିଜେଲ ଦର ୮୦.୮୪ ଟଙ୍କା ଛୁଇଁଛି। ଜୁନ ୨୭ରେ ପେଟ୍ରୋଲ ଲିଟର ପିଛା ୦.୨୫ ପଇସା ବଢିଥିବା ବେଳେ ଡିଜେଲ ୨୧ ପଇସା ବଢିଥିଲା।
ରାଜ୍ୟଗୁଡିକ ସ୍ତରରେ ଲାଗୁଥିବା ଭାଲ୍ୟୁ ଆଡେଡ୍‌ ଟ୍ୟାକ୍ସ(ଭାଟ୍‌) ଆଧାରରେ ଦେଶ ମଧ୍ୟରେ ପେଟ୍ରୋଲ ଡିଜେଲ ଦରରେ ଭିନ୍ନତା ରହୁଛି। ରାଜ୍ୟଗୁଡିକ ପେଟ୍ରୋଲ ଉପରେ ଭ୍ୟାଟ୍‌ ୧୬.୭୫%ରୁ ୩୦% ଏବଂ ଡିଜେଲରେ ୨୭%ରୁ ୩୦%କୁ ବୃଦ୍ଧି କରିଛନ୍ତି। ଜୁନ୍‌ ୭ ପରଠାରୁ ତେଲ କମ୍ପାନୀଗୁଡିକ ଇନ୍ଧନ ଦରରେ ବୃଦ୍ଧି କରିବା ଫଳରେ ଲୋକଙ୍କୁ ପେଟ୍ରୋଲ ଉପରେ ଅତିରିକ୍ତ ୯.୧୨ ଟଙ୍କା ଏବଂ ଡିଜେଲ ଉପରେ ୧୧.୦୧ ଟଙ୍କା ଦେବାକୁ ପଡୁଛି। ଶନିବାର ଦେଶର ଅନ୍ୟ ପ୍ରମୁଖ ମେଟ୍ରୋ ସହର ଯଥା-ଚେନ୍ନାଇ, ମୁମ୍ବାଇ ଏବଂ କଲିକତାରେ ତେଲ ଦର ଅପରିବର୍ତ୍ତିତ ରହିଛି। ଶନିବାର ମୁମ୍ବାଇରେ ପେଟ୍ରୋଲ ଲିଟର ୮୭.୧୯ ଟଙ୍କା ଥିବା ବେଳେ ଡିଜେଲ ଦର ୭୮.୭୧ ଟଙ୍କା ଥିଲା। କଲିକତାରେ ଏହା ଯଥାକ୍ରମେ ୮୨.୦୫ ଟଙ୍କା ଏବଂ ୭୫.୫୨ ଟଙ୍କା, ଚେନ୍ନାଇରେ ୮୩.୫୯ ଟଙ୍କା ଏବଂ ୭୭.୬୧ ଟଙ୍କା ରହିଛି।
ଲକ୍‌ଡାଉନ୍‌ ଯୋଗୁ ୮୨ ଦିନ ତେଲ ଦରରେ ତୈଳ ବିପଣନ କମ୍ପାନୀଗୁଡିକ କୌଣସି ପରିବର୍ତ୍ତନ କରି ନ ଥିଲେ। ଜୁନ ୭ରେ ପ୍ରଥମ କରି କମ୍ପାନୀ ଦରରେ ପରିବର୍ତ୍ତନ କରିବା ଆରମ୍ଭ କଲେ। ଅନ୍ତର୍ଜାତୀୟ ବଜାରରେ କରୋନା ଯୋଗୁ ଅଶୋଧିତ ତେଲ ଦର ରେକର୍ଡ ସ୍ତରକୁ ଖସିବା ଦେଖି ସରକାର ଉତ୍ପାଦ ଟିକସ ବଢାଇଥିଲେ। ଏହା ଦ୍ୱାରା ଅଧିକ ଟିକସ ସଂଗ୍ରହ କରିବାକୁ ସରକାର ଲକ୍ଷ୍ୟ ରଖିଛନ୍ତି। ଅଶୋଧିତ ତେଳ ଦର କମିବା ଯୋଗୁ ଇନ୍ଧନର ରିଟେଲ ଦରରେ କୌଣସି ପରିବର୍ତ୍ତନ ନ କରି କମ୍ପାନୀ ଟିକସ ବଢିବା ସତ୍ତ୍ୱେ ମଧ୍ୟ ଦରକୁ ନିଜ ମଧ୍ୟରେ ବ୍ୟବସ୍ଥିତ କଲେ। ମାତ୍ର ଗତ କିଛିଦିନ ତଳେ ଅନ୍ତର୍ଜାତୀୟ ବଜାରରେ ଅଶୋଧିତ ତେଲ ଦର ପୁଣି ବଢିବା ଯୋଗୁ କମ୍ପାନୀ ପୁଣି ଥରେ ଲଗାତର ଭାବେ ଦରକୁ ବଢାଉଥିବା କହିଛନ୍ତି। ଦର ବୃଦ୍ଧିକୁ ନେଇ ସୋମବାର କଂଗ୍ରେସ ବିରୋଧ ପ୍ରଦର୍ଶନ କରିବା ସହ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଦାବିପତ୍ର ପ୍ରଦାନ କରିବ। ଦରବୃଦ୍ଧି ପ୍ରତ୍ୟାହାର କରିବା ଲାଗି ଦାବି କରାଯିବ। କୋଭିଡ୍‌ ସମୟରେ ସରକାରଙ୍କ ମନମୁଖି ଏବଂ ଲୁଟ ମନୋଭାବ ବିରୋଧରେ ଦଳ ପକ୍ଷରୁ ତାଲୁକ, ତହସିଲ ଏବଂ ବ୍ଲକ ସ୍ତରରେ ବିରୋଧ ପ୍ରଦର୍ଶନ କରାଯିବ ବୋଲି କଂଗ୍ରେସର ଜେନେରାଲ ସେକ୍ରେଟାରୀ କେ.ସି. ଭେନୁଗୋପାଳ କହିଛନ୍ତି। ଜୁନ ମାସରେ ରନ୍ଧନ ଗ୍ୟାସ ଦର ଦିଲ୍ଲୀରେ ସିଲିଣ୍ଡର ପିଛା ୧୧.୫୦ ଟଙ୍କା ବୃଦ୍ଧି ଘଟିଛି। ଚଳିତବର୍ଷ ମେ ମାସରେ ଗତବର୍ଷ ତୁଳନାରେ ଏଲପିଜି ବ୍ୟବହାର ୧୨.୮% ବୃଦ୍ଧି ଘଟିଛି।


Enter your email to get our daily news in your inbox.

All Right Reserved By Dharitri.Com

ଧିମେଇବ ଅର୍ଥ ବ୍ୟବସ୍ଥା

ନୂଆଦିଲ୍ଲୀ୨୮। ୩: କରୋନା ପ୍ରଭାବକୁ କମାଇବା ଲାଗି ସରକାର ଦେଶରେ ୨୧ ଦିନିଆ ଲକ୍‌ଡାଉନ ଘୋଷଣା କରିଛନ୍ତି। ଏହି ସମୟରେ ଦେଶର ଆର୍ଥିକ କାର୍ଯ୍ୟକଳାପ ଗଭୀର...

୫୧ ହଜାର ପଏଣ୍ଟ ଟପିଲା ସେନ୍‌ସେକ୍ସ

ମୁମ୍ବାଇ: ବୁଧବାର ଦେଶର ପୁଞ୍ଜିବଜାର କାରବାର ବେଶ୍‌ ଉନ୍ନତ ରହିଛି। ଏସିଆ ବଜାରର ସ୍ଥିତି ଭଲ ରହିବା ଯୋଗୁ ବମ୍ବେ ଷ୍ଟକ୍‌ ଏକ୍ସଚେଞ୍ଜ କାରବାର ଊର୍ଦ୍ଧ୍ୱଗାମୀ ରହିଛି।...

କୋଭିଡ୍‌-୧୯ ଯୋଦ୍ଧାଙ୍କ ପିଲାଙ୍କୁ ଏଲ୍‌ପିୟୁର ଛାତ୍ରବୃତ୍ତି

ଜଳନ୍ଧର,୧୧।୫: କୋଭିଡ୍‌-୧୯ ମହାମାରୀ ବିରୋଧରେ ବର୍ତ୍ତମାନ ସାରା ଦେଶ ଲଢ଼େଇ ଜାରି ରଖିଛି। ଡାକ୍ତର, ନର୍ସ, ପାରାମେଡିକାଲ ଷ୍ଟାଫ୍‌, ପୋଲିସ ପର୍ସୋନେଲଙ୍କ ସମେତ ଅନ୍ୟ କିଛି...

ଡବ୍ଲ୍ୟୁଇର ଚତୁର୍ଥ ସଂସ୍କରଣ ଘୋଷଣା

ନୂଆଦିଲ୍ଲୀ : ଅନ୍ତଃରାଷ୍ଟ୍ରୀୟ ସ୍ତରର ଏଡ୍‌ଟେକ କମ୍ପାନୀ ଏବଂ ଟ୍ୟାଲେଣ୍ଟ ସ୍ପିରିଟ ତାହାର ଓମେନ ଇଞ୍ଜିନିୟର୍ସ (ଡବ୍ଲ୍ୟୁଇ) କାର୍ଯ୍ୟକ୍ରମର ଚତୁର୍ଥ ସଂସ୍କରଣ ସମ୍ପର୍କରେ ଘୋଷଣା କରିଛି।...

ଓଡ଼ିଶାର ବିକାଶ ପାଇଁ ତ୍ରିସ୍ତରୀୟ ବୁଝାମଣାପତ୍ର

ଭୁବନେଶ୍ୱର,୯।୧୨: ରାଜ୍ୟର ସଡ଼କ, ରେଳପଥ, ଆଭ୍ୟନ୍ତରୀଣ ଜଳପଥ, ସ୍ଲରି ପରିବହନ, ସାଧାରଣ ପରିବହନ, ବନ୍ଦର ଏବଂ ବିମାନ ଯୋଗାଯୋଗ ଭଳି ସମସ୍ତ ପ୍ରକାର ଲଜିଷ୍ଟିକ୍ସ ଭିତ୍ତିଭୂମିକୁ ନେଇ...

୧୦.୭% ଖସିବ ଜିଡିପି:ଏସ୍‌ବିଆଇ ରିପୋର୍ଟ

ମୁମ୍ବାଇ: ଚଳିତ ଆର୍ଥତ୍କ ବର୍ଷ ଦ୍ୱିତୀୟ ତ୍ରୈମାସରେ ଭାରତର ମୋଟ ଘରୋଇ ଉତ୍ପାଦ(ଜିଡିପି) ୧୦.୭% ଖସିବ ବୋଲି ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ (ଏସ୍‌ବିଆଇ) ପକ୍ଷରୁ...

ମହଙ୍ଗା ହୋଇପାରେ ଜେନେରାଲ ଇନସ୍ୟୁରାନ୍ସ

ନୂଆଦିଲ୍ଲୀ,୩-୧: ଜେନେରାଲ ଇନସ୍ୟୁରାନ୍ସ ବା ସାଧାରଣ ବିମା ନେଉଥିବା ବ୍ୟକ୍ତି ବିଶେଷଙ୍କ ପାଇଁ ଏହା ମହଙ୍ଗା ହୋଇପାରେ। ୨୦୨୦ରେ ଜେନେରାଲ ଇନସ୍ୟୁରାନ୍ସ ପ୍ରିମିୟମ ୧୦ରୁ ୧୫%...

ବିବାଦୀୟ ନିୟମ ପ୍ରତ୍ୟାହାର କଲା ଏସ୍‌ବିଆଇ

ନୂଆଦିଲ୍ଲୀ,୩୦।୧: ଦେଶର ସର୍ବବୃହତ୍‌ ରାଷ୍ଟ୍ରାୟତ୍ତ ବ୍ୟାଙ୍କ ଏସ୍‌ବିଆଇ ଆଣିଥିବା ନୂଆ ନିଯୁକ୍ତି ନିୟମକୁ ନେଇ ବିବାଦ ଦେଖାଦେବା ପରେ ଶନିବାର ଏହାକୁ ପ୍ରତ୍ୟାହାର କରିନିଆଯାଇଛି। ନୂଆ...

Advertisement
Archives

Model This Week