ସିନିୟାହ ଆଇଲାଣ୍ଡ, ୨୧ା୩:ୟୁନାଇଟେଡ୍ ଆରବ ଏମିରାଟ୍ସ (ୟୁଏଇ)ର ଭୂତତ୍ତ୍ୱବିଦ୍ମାନେ ନର୍ଦ୍ଦର୍ନ ଶେଖଡୋମ୍ସର ଦ୍ୱୀପରୁ ଷଷ୍ଠ ଶତାବ୍ଦୀର ଏକ ସହର ଠାବ କରିଛନ୍ତି। ଉମ ଅଲ-କୁଓ୍ବେନର ସିନିୟାହ ଦ୍ୱୀପରେ ଅବସ୍ଥିତ ଏହି ସହରରେ ଅନେକ ହଜାର ଲୋକ ବାସ କରୁଥିବାବେଳେ ଏଠାରେ ଶତାଧିକ ଘର ଥିଲା। ପ୍ରଥମ ଥର ଲାଗି ଆରବିଆନ୍ ଗଲ୍ଫରୁ ବହୁ ପୁରାତନ ସହରର ସନ୍ଧାନ ମିଳିଥିବା ଭୂତତ୍ତ୍ୱବିଦ୍ମାନେ ଦାବି କରିଛନ୍ତି। ୟୁନାଇଟେଡ୍ ଆରବ ଏମିରାଟ୍ସର ସବୁଠୁ ପୁରୁଣା ଖଇଲଜି ପଲିଙ୍ଗ ଟାଉନ୍ର ଏହା ଏକ ନମୁନା ବୋଲି ଭୂତତ୍ତ୍ୱବିଦ୍ ପ୍ରଫେସର୍ ଟିମୋଥି ପାଓ୍ବାର କହିଛନ୍ତି।
ଏହି ପୁରାତନ ସହରରେ ଦେଖିବାକୁ ମିଳିଥିବା ଘରର କାନ୍ଥ ସବୁ ଇଟା ଓ ପଥରକୁ ଯୋଡ଼ି ନିର୍ମାଣ କରାଯାଇଛି। ୧୨ ହେକ୍ଟର ପରିମିତ ସ୍ଥାନରେ ସହରଟି ଅବସ୍ଥିତ। ଘରୁ ମାଳି ପରି କିଛି ସାମଗ୍ରୀ ସହ ଡାଇଭିଂ ଓ୍ବେଟ୍ (ସମୁଦ୍ର ବୁଡ଼ାଳିମାନେ ବ୍ୟବହାର କରୁଥିବା ଏକ ବସ୍ତୁ) ଗବେଷକମାନଙ୍କର ହସ୍ତଗତ ହୋଇଛି। ସହରର ଚାରିଆଡ଼େ ଘରସବୁ ଖେଳାଇ ହୋଇ ତିଆରି ହୋଇଥିବା ଦେଖିବାକୁ ମିଳିଛି। ଉଭୟ ମୁସଲମାନ ଏବଂ ଖ୍ରୀଷ୍ଟଧର୍ମାବଲମ୍ବୀ ଏହି ସହରରେ ବାସ କରୁଥିଲେ। ପୁରାତନ ସହର ସମ୍ପର୍କରେ ଉମ ଅଲ-କୁଓ୍ବେନ ପର୍ଯ୍ୟଟନ ବିଭାଗ, ୟୁଏଇ ୟୁନିଭର୍ସିଟିର ଭୂତତ୍ତ୍ୱ ବିଭାଗ ଏବଂ ନ୍ୟୁୟର୍କ ୟୁନିଭର୍ସିଟି ପକ୍ଷରୁ ମିଳିତ ଅଧ୍ୟୟନ କରାଯାଇଛି। ୟୁଏଇର ଅନ୍ୟ ଅଞ୍ଚଳ ତୁଳନାରେ ଉମ ଅଲ୍-କୁଓ୍ବେନରେ କମ୍ ସଂଖ୍ୟକ ଲୋକ ବାସ କରୁଥିବାବେଳେ ଏଠାରେ ଏକ ପର୍ଯ୍ୟଟନ କେନ୍ଦ୍ର ନିର୍ମାଣ ପାଇଁ ସରକାର ଯୋଜନା ପ୍ରସ୍ତୁତ କରିଛନ୍ତି। ଭୂତତ୍ତ୍ୱବିଦ୍ଙ୍କ ମତରେ ପ୍ରଥମ ବିଶ୍ୱଯୁଦ୍ଧ ପରି ୟୁଏଇରେ ଥିବା ପଲିଙ୍ଗ୍ ସହରଗୁଡ଼ିକ ଧ୍ୱସ୍ତ ହୋଇଯାଇଥିଲା। ଷଷ୍ଠ ଶତାବ୍ଦୀର ଏହି ପୁରାତନ ସହର ସମ୍ପର୍କରେ ଅଧିକ ତଥ୍ୟ ଖୋଜିବାରେ ଭୂତତ୍ତ୍ୱବିଦ୍ଙ୍କର ଏକ ଦଳ କାର୍ଯ୍ୟ କରୁଛନ୍ତି।
