ମୁମ୍ବାଇ, ୧୧।୯ : ଆର୍ଥତ୍କ ବର୍ଷ ୨୦୨୦-୨୧ରେ ଭାରତୀୟ ଅର୍ଥ ବ୍ୟବସ୍ଥାର ମୋଟ ଘରୋଇ ଉତ୍ପାଦ(ଜିଡିପି) ୯% ହ୍ରାସ ଘଟିବ। କରୋନା ସଂକ୍ରମରଣ ବର୍ତ୍ତମାନ ବଢିଚାଲିଛି। ଏଭଳି ସ୍ଥିତିରେ ସରକାର ପ୍ରତ୍ୟକ୍ଷ ଭାବେ ବିତ୍ତୀୟ ସହାୟତା ପ୍ରଦାନ କରିବାର ଆବଶ୍ୟକତା ରହିଛି ବୋଲି ରେଟିଂ ଏଜେନ୍ସି କ୍ରିସିଲ ଗୁରୁବାର ପରାମର୍ଶ ଦେଇଛି। ଚଳିତ ବର୍ଷ ମେ ମାସରେ କ୍ରିସିଲ ପକ୍ଷରୁ କରାଯାଇଥିବା ଅନୁମାନରେ କୁହାଯାଇଥିଲା, ଭାରତୀୟ ଅର୍ଥ ବ୍ୟବସ୍ଥା ୫% ଖସିଯିବ। ଏପ୍ରିଲ ଜୁନ ତ୍ରୈମାସରେ ଦେଶର ଜିଡିପି -୨୩.୯% ଖସିଯାଇଛି। ୯% ବିକାଶ ହାର ଖସିବା ୧୯୫୦ ଠାରୁ ସବୁଠୁ ଖରାପ ଅବସ୍ଥା ବୋଲି କ୍ରିସିଲ ଏହାର ରିପୋର୍ଟରେ କହିଛି।
ଭାରତ ସରକାର ଆତ୍ମ ନିର୍ଭର ପ୍ୟାକେଜ ଭାବେ ପ୍ରାୟ ୨୦ ଲକ୍ଷ କୋଟି ଟଙ୍କା ସମ୍ପର୍କରେ ଘୋଷଣା କରିଥିଲେ। ଏହା ଜିଡିପିର ପ୍ରାୟ ୧୦% ବୋଲି କୁହାଯାଇଥିଲେ ମଧ୍ୟ ପ୍ରକୃତ ପକ୍ଷେ ବିତ୍ତୀୟ ସହାୟତା ଭାବେ ସରକାର ୨%ରୁ କମ୍ ଖର୍ଚ୍ଚ କରିଛନ୍ତି। ପୂର୍ବରୁ ହୋଇଥିବା ଆକଳନ ଅନୁସାରେ ଚଳିତ ଆର୍ଥତ୍କ ବର୍ଷରେ ଜିଡିପି ବେଶି କ୍ଷତିଗ୍ରସ୍ତ ହେବାର ଆଶଙ୍କା କରାଯାଉଛି। ମାତ୍ର ସରକାର ପ୍ରକୃତ ବିତ୍ତିୟ ପଦକ୍ଷେପ ଏ ଯାଏ ନେଇ ନ ଥିବା ଏଜେନ୍ସି ଏହାର ରିପୋର୍ଟରେ ପ୍ରକାଶ କରିଛି। ଅର୍ଥ ବ୍ୟବସ୍ଥାକୁ ସହାୟତା କରିବା ଲାଗି ସରକାର ଅଧିକ ଖର୍ଚ୍ଚ କରିବାର ଆବଶ୍ୟକତା ରହିଛି।
ମଧ୍ୟବର୍ତ୍ତୀକାଳୀନ ସମୟ ଲାଗି ଭାରତର ଅର୍ଥ ବ୍ୟବସ୍ଥା ୧୩% କ୍ଷତି ସହିପାରେ। ମୋଟ ଭାଲ୍ୟୁ ଦେଖିଲେ ଏହା ପ୍ରାୟ ୩୦ ଲକ୍ଷ କୋଟି ଟଙ୍କା ହେବ। କୋଭିଡ ପୂର୍ବବର୍ତ୍ତୀ ସ୍ଥିତିକୁ ବଜାର ଫେରିବାକୁ ହେଲେ ଆଗାମୀ ୩ ଆର୍ଥତ୍କ ବର୍ଷରେ ବାର୍ଷିକ ୧୩ ରିୟଲ ଜିଡିପି ଅଭିବୃଦ୍ଧି ଲୋଡା ରହିଛି। କ୍ରିସିଲ ପକ୍ଷରୁ କୁହାଯାଇଛି ଯେ, ଦେଶର ଜିଡିପି ଚଳିତ ଆର୍ଥତ୍କ ବର୍ଷରେ ୨.୫% ଖସିବ। ଏହାବାଦ ୨୦୨୧-୨୨ରେ ଜିଡିପି ଉନ୍ନତ ହୋଇ ୧୦% ଛୁଇଁବା ନେଇ ଏହା ଆଶାପ୍ରକଟ କରିଛି। ଅର୍ଥ ବ୍ୟବସ୍ଥାର ପ୍ରକୃତ ସମସ୍ୟାକୁ ବୁଝି ସରକାର ପଦକ୍ଷେପ ନେବାର ଆବଶ୍ୟକତା ରହିଛି। କରୋନା ମହାମାରୀ ଦ୍ୱାରା ପ୍ରଭାବିତ ହେଉଥିବା ବ୍ୟକ୍ତି ବିଶେଷ ଏବଂ ବାଣିଜ୍ୟକୁ ସହାୟତା ପ୍ରଦାନ ନେଇ ଏହା ସରକାରଙ୍କୁ ପରାମର୍ଶ ଦେଇଛି।
