Advertisement

୮ ଇନ୍‌ଷ୍ଟ୍ରିମ୍‌ ଷ୍ଟୋରେଜ ପ୍ରୋଜେକ୍ଟ କାର୍ଯ୍ୟକାରୀ ହେବ

ଭୁବନେଶ୍ୱର,୨୬।୨(ବ୍ୟୁରୋ): ସମୁଦ୍ରକୁ ବୋହି ଯାଉଥିବା ଜଳକୁ ସଂରକ୍ଷଣ କରାଯିବ। ମହାନଦୀର ତଳମୁଣ୍ଡରେ ଚଳିତ ବର୍ଷ ୮ଟି ଇନ୍‌ଷ୍ଟ୍ରିମ ଷ୍ଟୋରେଜ ପ୍ରୋଜେକ୍ଟ କାର୍ଯ୍ୟକାରୀ ହେବ। ଆସନ୍ତା ୫ ବର୍ଷ ପର୍ଯ୍ୟନ୍ତ ଏହା ଚାଲିବ। ଏଥିରେ ପ୍ରାୟ ୧୧,୭୦୦ କୋଟି ଟଙ୍କା ବ୍ୟୟବରାଦ କରାଯାଇଛି। ଚଳିତ ବର୍ଷ ବଜେଟରେ ଏଥିପାଇଁ ୧୦୯୨ କୋଟି ଟଙ୍କାର ବ୍ୟୟବରାଦ କରାଯାଇଛି। ଜଳସମ୍ପଦ ମନ୍ତ୍ରୀ ରଘୁନନ୍ଦନ ଦାସ ଗୁରୁବାର ବିଧାନସଭା ପ୍ରଶ୍ନକାଳରେ ଏହି ସୂଚନା ଦେଇଛନ୍ତି। ମନ୍ତ୍ରୀ କହିଛନ୍ତିି ଯେ ମହାନଦୀର ବିଭିନ୍ନ ଶାଖା ନଦୀରେ ହେବାକୁ ଥିବା ଷ୍ଟୋରେଜ ପ୍ରକଳ୍ପ ପାଇଁ କେନ୍ଦ୍ରୀୟ ଜଳ ଆୟୋଗ( ସିଡବ୍ଲ୍ୟୁସି)ଙ୍କ ଅନୁମତି ଦରକାର ନାହିଁ। ସେହି ପ୍ରକଳ୍ପଗୁଡ଼ିକ ଯାଜପୁର ଜିଲାର ଖରସ୍ରୋତା, ସମ୍ବଲପୁର ଜିଲାର ଭେଡେନ, ସୁନ୍ଦରଗଡ଼ ଜିଲାର ସପାଇ, ବରଗଡ଼ ଜିଲାର ଅଙ୍ଗ, କଳାହାଣ୍ଡି ଜିଲାର ରେତ, ଗଞ୍ଜାମ ଜିଲାର ବଡ଼ନଦୀ ଓ ରାମ ନଦୀ ଏବଂ ବଲାଙ୍ଗୀର ଜିଲାର ସୁକତେଲ ନଦୀରେ ନିର୍ମାଣ କରାଯିିବ।
ମହାନଦୀ ଜଳ ବିବାଦ ମାମଲାକୁ ନେଇ ସିଡବ୍ଲ୍ୟୁସି ଓଡ଼ିଶାର ବହୁ ପ୍ରକଳ୍ପକୁ ଅଟକାଇ ରଖିଛି। ମହାନଦୀ ଟ୍ରିବ୍ୟୁନାଲ ରାୟ କେବେ ଆସିବ ଏହା ପରେ ସେ ସବୁ ପ୍ରକଳ୍ପ କାର୍ଯ୍ୟ ହେବ। ଏହାକୁ ନେଇ ବିଜେଡି ସଭ୍ୟ ଭୂପିନ୍ଦର ସିଂ ଉଦ୍‌ବେଗ ପ୍ରକାଶ କରିଥିଲେ। ମୂଳ ପ୍ରଶ୍ନରେ ସେ ମନ୍ତ୍ରୀଙ୍କଠାରୁ ଜାଣିବାକୁ ଚାହିଁଥିଲେ ଯେ କେଉଁ ବୃହତ୍‌ ଓ ମଧ୍ୟମ ଜଳସେଚନ ପ୍ରକଳ୍ପ ସିଡବ୍ଲ୍ୟୁସିଠାରେ ପଡି ରହିଛି। ରାଉଲ, ଉତେଇ ଓ ଉଦନ୍ତୀ ନଦୀର ଟେଣ୍ଡର କାର୍ଯ୍ୟ କେବେ ଡାକିବାକୁ ସ୍ଥିର ହୋଇଛି। ମନ୍ତ୍ରୀ କହିଥିଲେ ଯେ ଅପର ଉଦନ୍ତୀ, ମିଡ୍‌ଲ କୋଲାବ, ଖଇରିବନ୍ଧନ, ଅପର ବଂଶଧାରା, ଲୋୟର ବଂଶଧାରା, ତେଲ-ଇଣ୍ଟିଗ୍ରେଟେଡ୍‌, ଲକ୍ଷ୍ମୀପଥର ଓ ନବରଙ୍ଗପୁର ଆଦି ୮ଟି ପ୍ରକଳ୍ପର ଡିପିଆର ସିଡବ୍ଲ୍ୟୁସିକୁ ପଠାଯାଇଥିବା ବେଳେ ଅପର ସମାକୋଇ, ଚନ୍ଦ୍ରିିନଳା, କଟାଙ୍ଗି, ତେଲିଯୋର, ଖଡଗୋ, ଲୋୟର ଉଦନ୍ତୀ ଓ ସତୀଘାଟ ଅନୁମୋଦନ ପାଇଁ ପଠାଯାଇଛି। ତେବେ ସେଥିରୁ ସିଡବ୍ଲ୍ୟୁସି ତେଲ-ଇଣ୍ଟିଗ୍ରେଟେଡ୍‌, ଲକ୍ଷ୍ମୀପଥର, ତେଲିଯୋର, ଖଡଗୋ ଓ ସତୀଘାଟ ପ୍ରକଳ୍ପଗୁଡିକୁ ମହାନଦୀ ଜଳ ବିବାଦ ମାମଲା ଚୂଡ଼ାନ୍ତ ନିଷ୍ପତ୍ତି ଯାଏ ଅନୁମୋଦନ ପ୍ରକ୍ରିିୟାକୁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛି। ସେହିପରି କଟାଙ୍ଗି, ଲୋୟର ଉଦନ୍ତୀ ଓ ଅପର ଉଦନ୍ତୀ ପ୍ରକଳ୍ପର ଅନୁମୋଦନ ପ୍ରକ୍ରିୟାକୁ ସ୍ଥଗିତ ରଖିଛନ୍ତି। ମହାନଦୀ ଟ୍ରିବ୍ୟୁନାଲର ଚୂଡ଼ାନ୍ତ ରାୟ ପରେ ଏଗୁଡ଼ିକୁ ପୁଣି ପଠାଇବାକୁ ସିଡବ୍ଲ୍ୟୁସି କହିଛି। ଅନ୍ୟ ପ୍ରକଳ୍ପଗୁଡ଼ିକର ଡିପିଆର ଓ ଫିଜିବିଲିଟି ରିପୋର୍ଟ ବିଭିନ୍ନ କାରଣ ପାଇଁ ସିଡବ୍ଲ୍ୟୁସିଠାରେ ପଡି ରହିଛି। ରାଉଲ, ଉତେଇ ପ୍ରକଳ୍ପର ସର୍ଭେ କାର୍ଯ୍ୟ ଚାଲୁଥିବାରୁ ଏବଂ ଅପର ଉଦନ୍ତୀ ପ୍ରକଳ୍ପ ସିଡବ୍ଲ୍ୟୁସିର ଅନୁମୋଦନ ପାଇ ନ ଥିବାରୁ ଏବେ ଏହାର ଟେଣ୍ଡର ହୋଇପାରିବ ନାହିଁ ବୋଲି ମନ୍ତ୍ରୀ କହିଛନ୍ତି। ସିଡବ୍ଲ୍ୟୁସି ପ୍ରକଳ୍ପ କାର୍ଯ୍ୟ ଅଟକାଉଥିବାରୁ ଲୋୟର ସୁକତେଲ କାର୍ଯ୍ୟ ହୋଇପାରିବ କି ନାହିଁ ବୋଲି କଂଗ୍ରେସ ସଦସ୍ୟ ନରସିଂହ ମିିଶ୍ର ମନ୍ତ୍ରୀଙ୍କଠାରୁ ଜାଣିବାକୁ ଚାହିଁଥିଲେ। ମନ୍ତ୍ରୀ କହିଥିଲେ, ଲୋୟର ସୁକତେଲ କାର୍ଯ୍ୟ ଚାଲୁ ରହିବ। ୨୦୧୬ରେ ଏହି ପ୍ରୋଜେକ୍ଟ ପାଇଁ ସଂଶୋଧିତ ମୂଲ୍ୟ ଧାର୍ଯ୍ୟ କରାଯାଇ ପଠାଯାଇଥିଲା। ତାହାକୁ ସିଡବ୍ଲ୍ୟୁସି ଫେରାଇ ଦେଇଛି। ବିଜେଡି ସଭ୍ୟ ପ୍ରଦୀପ ଅମାତ ମହାନଦୀ ଜଳ ବିବାଦକୁ ନେଇ ସିଡବ୍ଲ୍ୟୁସି ଜଳସେଚନ ପ୍ରୋଜେକ୍ଟଗୁଡ଼ିକୁ ଫେରାଇ ଦେବାକୁ ବିରୋଧ କରିଥିଲେ। ଏହା କେନ୍ଦ୍ରୀୟ ଅବହେଳାର ଆଉ ଏକ ନମୁନା ବୋଲି କହିଥିଲେ। କଂଗ୍ରେସ ବିଧାୟକ ସୁରେଶ ରାଉତରାୟ କହିଥିଲେ, ମହାନଦୀ ଜଳକୁ ଛତିଶଗଡ଼ ଅଟକାଇଲା। ଯେଉଁ ପାଣି ସମୁଦ୍ରକୁ ବୋହି ଯାଉଛି ସେଗୁଡ଼ିକୁ ସଂରକ୍ଷଣ ପାଇଁ ମହାନଦୀର ତଳମୁଣ୍ଡରେ ବ୍ୟାରେଜ ନିର୍ମାଣ କରାଯାଉ। ନଚେତ ମଣିଷ, ପଶୁପକ୍ଷୀ ପାଣି ଟୋପାଏ ପାଇବେ ନାହିଁ। ମନ୍ତ୍ରୀ କହିଥିଲେ, ସରକାର ବିଭିନ୍ନ ନଦୀରେ ଜଳକୁ ସଂରକ୍ଷଣ କରିବା ପାଇଁ ଆସନ୍ତା ୫ ବର୍ଷ ମଧ୍ୟରେ ଇନ୍‌ଷ୍ଟ୍ରିମ ଷ୍ଟୋରେଜ ପ୍ରୋଜେକ୍ଟ କାର୍ଯ୍ୟକାରୀ କରିବେ।


Enter your email to get our daily news in your inbox.

All Right Reserved By Dharitri.Com

ଆଠଗଡ଼ ବନାଞ୍ଚଳ ଅଧିକାରୀ ନିଲମ୍ବିତ

ଭୁବନେଶ୍ୱର, ୧୬।୧୧(ବ୍ୟୁରୋ)/ ଆଠଗଡ଼(ସ୍ବ.ପ୍ର): ଆଠଗଡ଼ ବନଖଣ୍ଡ ଅଧୀନ ସୁବାସୀ ସଂରକ୍ଷିତ ଜଙ୍ଗଲରେ ଶିକାରୀ ଗୁଳିରେ ମୃତ ଦନ୍ତା ହାତୀକୁ ତରବରିଆ ଭାବେ ପୋତିଦିଆଯିବା ଘଟଣାରେ ବିଭାଗୀୟ...

ପୁରୀ ମେନ୍‌ କେନାଲରେ କୁମ୍ଭୀର

ବାରଙ୍ଗ,୨୬।୨(ଡି.ଏନ୍‌.ଏ.): ବାରଙ୍ଗ-ପୁରୀ ମେନ୍‌ କେନାଲରେ ବୁଲୁଛି କୁମ୍ଭୀର। ଶୁକ୍ରବାର ଅପରାହ୍ନରେ କେତେଜଣ ଯୁବକ ବାରଙ୍ଗ ବ୍ଲକ ନିକଟ ହନୁମାନ ବାଟିକା ପାଖ ପୁରୀ ମେନ୍‌ କେନାଲକୁ...

୬ରେ ଲଘୁଚାପ ସମ୍ଭାବନା

ଭୁବନେଶ୍ୱର, ୪।୪(ବ୍ୟୁରୋ): ଆସୁଛି ଆଉଏକ ଲଘୁଚାପ। ଦକ୍ଷିଣ ଆଣ୍ଡାମାନ ସାଗର ଓ ତାହାର ପାର୍ଶ୍ୱବର୍ତ୍ତୀ ଅଞ୍ଚଳରେ ବାୟୁମଣ୍ଡଳର ଉପରି ଭାଗରେ ଆସନ୍ତା ୬ ତାରିଖ ବେଳକୁ...

ଆଜି ରାଜ୍ୟରୁ ୧୭୧ ଆକ୍ରାନ୍ତ ଚିହ୍ନଟ, ଏମାନଙ୍କ ମଧ୍ୟରେ ଅଛନ୍ତି ୩୪ ପିଲା

ଭୁବନେଶ୍ୱର,୨୨ା୧୧(ବ୍ୟୁରୋ): ସୋମବାର ରାଜ୍ୟରୁ ୧୭୧ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୧୦,୪୭,୧୭୪ରେ ପହଞ୍ଚିଥିବା ରାଜ୍ୟ ସୂଚନା...

ଜାନୁୟାରୀରୁ କଡ଼ାକଡ଼ି ହେବ ଟ୍ରାଫିକ୍‌ ନିୟମ

ଭୁବନେଶ୍ୱର,୧୨।୧୦(ବ୍ୟୁରୋ): ଆସନ୍ତା ଜାନୁୟାରୀ ପହିଲାରୁ ଟ୍ରାଫିକ୍‌ ନିୟମ କଡ଼ାକଡ଼ି କରାଯିବ। ୩ ମାସ ଅବଧି ପରେ ଏହି ନିୟମକୁ ଆହୁରି କଠୋର ଭାବେ ଲାଗୁ କରାଯିବ।...

କନିଷ୍ଠ ପ୍ରଶାସନରେ ସାମାନ୍ୟ ଅଦଳବଦଳ

ଭୁବନେଶ୍ୱର,୬-୯(ବ୍ୟୁରୋ):ରାଜ୍ୟ ସରକାର ଓଏଏସ୍‌ ଅଫିସର ସ୍ତରରେ ସାମାନ୍ୟ ଅଦଳବଦଳ କରିଛନ୍ତି। ଶିଳ୍ପ ବିଭାଗ ଅତିରିକ୍ତ ସଚିବ ମନୋଜ କୁମାର ପଟ୍ଟନାୟକଙ୍କୁ ଓଡ଼ିଶା କମ୍ପ୍ୟୁଟର ଆପ୍ଲିକେଶନ୍‌ ସେଣ୍ଟର...

ସଂଖ୍ୟା ବୃଦ୍ଧିରୁ ସମସ୍ୟା

ରତନ ନାୟାର ଢେଙ୍କାନାଳ ଅଫିସ, ୨୧।୧୦: ଢେଙ୍କାନାଳ ଜିଲା କପିଳାସ ପ୍ରାଣୀ ଉଦ୍ୟାନରେ ହରିଣଙ୍କ ସଂଖ୍ୟା ବୃଦ୍ଧି ଯଦିଓ ସକାରାତ୍ମକ ବାର୍ତ୍ତା ଦେଉଛି, ତେବେ ସୀମିତ...

ଫେବୃଆରୀ ମାସ ପାଇଁ ଗାଇଡ୍‌ଲାଇନ୍‌ ଜାରି: ୧ରୁ ଖୋଲିବ ଅଙ୍ଗନଓ୍ବାଡି

ଭୁବନେଶ୍ୱର, ୩୦।୧(ବ୍ୟୁରୋ): କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ପ୍ରତି ମାସରେ ଗାଇଡ୍‌ଲାଇନ ଜାରି କରୁଛନ୍ତି। ଏହି ପରିପ୍ରେକ୍ଷୀରେ ଶନିବାର ରାଜ୍ୟ ସରକାର ଫେବୃଆରୀ...

Advertisement
Archives

Model This Week