କେସିଙ୍ଗା,୧୦।୮(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ଅଧିନସ୍ଥ ପଥର୍ଲା ଗ୍ରାମ ପଞ୍ଚାୟତ ଅନ୍ତର୍ଗତ ବାହାଦୁରପଦର ଗାଁସ୍ଥିତ ତେଳନଦୀ ଜମି ପାର୍ଶ୍ୱରୁ ସୋମବାର ୮ ଫୁଟ ଲମ୍ବର ଏକ ଅଜଗର ବନ ବିଭାଗ ପକ୍ଷରୁ ଉଦ୍ଧାର କରାଯାଇଛି। ସୂଚନା ଅନୁଯାୟୀ, ବାହାଦୁର ପଦର ଗାଁ କଲୋନୀ ପଡାର ମକରନ୍ଦ ମାଝୀ ଏବଂ ତାଙ୍କ ସ୍ତ୍ରୀ ତେଳନଦୀ ନିକଟରେ ଥିବା ତାଙ୍କ ଜମିରେ ଚାଷ କାମ କରୁଥିବାବେଳେ ଏକ ଅଜଗର ଦେଖିବାକୁ ପାଇଥିଲେ। ପରେ କେସିଙ୍ଗା ବନ ବିଭାଗକୁ ଖବର ଦେଇଥିଲେ। ଖବର ପାଇ କେସିଙ୍ଗା ଏସିଫ ଅଶୀତ କୁମାର ଦାଶଙ୍କ ନିର୍ଦ୍ଦେଶକ୍ରମେ ବନପାଳ ଯଶୋବନ୍ତ ନାଏକଙ୍କ ନେତୃତ୍ୱରେ ଭବାନୀପାଟଣାରୁ ବନ୍ୟପ୍ରାଣୀ ସରଂକ୍ଷକ ଟିମ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚି ଅଜଗରକୁ ଉଦ୍ଧାର କରିଥିଲେ। ଅଜଗରକୁ ଦେଖିବା ପାଇଁ ଗାଁର ଶତାଧିକ ଲୋକ ରୁଣ୍ଡ ହୋଇଥିଲେ। ଉଦ୍ଧାର ପରେ ବନ ବିଭାଗ କାର୍ଯ୍ୟାଳୟ ନିଆଯାଇଥିଲା। ଶ୍ରୀ ଦାଶଙ୍କ ନିର୍ଦ୍ଦେଶ କ୍ରମେ ସୁରକ୍ଷିତ ଭବେ ବଜ୍ରଗଡ଼ ଜଙ୍ଗଲକୁ ନେଇ ଛାଡି ଦିଆଯାଇଥିଲା। ଏହି ଉଦ୍ଧାର କାର୍ଯ୍ୟ ବେଳେ କେସିଙ୍ଗା ବନପାଳ ଯଶୋବନ୍ତ ନାଏକ, ବନ୍ୟପ୍ରାଣୀ ସରଂକ୍ଷକ ବିକିଜି ନାଗ ବନ୍ୟପ୍ରାଣୀ ଉଦାରକ ଶଙ୍କର ନାଗ ଆଜଗରକୁ ଉଦ୍ଧାର କରିଥିଲେ। ଉଦ୍ଧାର ଅଜଗରକୁ କେସିଙ୍ଗାସ୍ଥିତ ବଜ୍ରଗଡ଼ ଜଙ୍ଗଲରେ ସୁରକ୍ଷିତ ଭାବେ ଛାଡି ଦିଆଯାଇଥିବା ବନପାଳ ଯଶୋବନ୍ତ ନାଏକ ପ୍ରକାଶ କରିଥିଲେ।
Dharitri – Odisha’s No.1 Odia Daily
