ପାଟଣା,୬।୫(ବୀର କିଶୋର ଦାଶ):କେନ୍ଦୁଝର ଜିଲା ପାଟଣା ବ୍ଲକ ସୁଆମ ଶାସନରେ ଶୁକ୍ରବାରଠାରୁ ଆରମ୍ଭ ହୋଇଥିବା ୭୧ତମ ବାଦି ପାଲା ମହୋତ୍ସବ ଉଦଯାପିତ ହୋଇଛି। ଆୟୋଜିତ ସମ୍ବର୍ଦ୍ଧନା ସଭା ସତ୍ୟନାରାୟଣ ପାଲା ଅନୁଷ୍ଠାନ ସୁଆମ ଶାସନର ସଭାପତି ଭାଗିରଥି ଦାଶଙ୍କ ସଭାପତିତ୍ୱରେ ଅନୁଷ୍ଠିତ ହେଉଛି।
ଏଥିରେ ମୁଖ୍ୟ ଅତିଥିଭାବେ ପାଟଣା ପଞ୍ଚାୟତ ସମିତି ଅଧ୍ୟକ୍ଷା ବୀଣାପାଣି ନାୟକ, ମୁଖ୍ୟବକ୍ତା ଭାବେ ବଡ ପାଟଣା ସରପଞ୍ଚ ବିନତୀ ବାନାରା, ସମ୍ମାନୀତ ଅତିଥି ଭାବେ ୨୩ ନମ୍ବର ଜୋନ ଜିଲା ପରିଷଦ ସଦସ୍ୟା ରୁନୁ ମହାନ୍ତ, ସାମାଜିକ କର୍ମୀ ଅଜିତ କୁମାର ଦାଶ, ଏବିଇଓ ଦୀଲ୍ଲିପ କୁମାର ବେହେରା, ପର୍ଶୁରାମ ପଣ୍ଡା ପ୍ରମୁଖ ଯୋଗ ଦେଇଥିଲେ। ମୁଖ୍ୟ ଅତିଥି ଶ୍ରୀମତୀ ନାୟକ ଚଳିତବର୍ଷ ବାଦିପାଲା ପରିବେଷଣ କରିଥିବା ଗାୟକ ଶିଶିର ପାଢ଼ୀଙ୍କୁ, ପୁଷ୍ପଗୁଚ୍ଛ ଉତ୍ତରୀୟ, ମାନପତ୍ର ସହ (ଗାୟକ କଲ୍ଲୋଳ ଉପାଧି ପ୍ରଦାନ କରା ଯାଇଥିଲା) ସେହି ଭଳି ଗାୟକ କୈଳାସ ଚନ୍ଦ୍ର ପାଣିଙ୍କୁ ପୁଷ୍ପଗୁଚ୍ଛ, ଅଙ୍ଗବସ୍ତ୍ର ସହ ମାନ ପତ୍ର (ଗାୟକ ବେଦାନ୍ତ ଦର୍ଶୀ ଉପାଧି) ପ୍ରଦାନ କରାଯାଇଥିଲା। ସେହିଭଳି ପାଲା ଅନୁଷ୍ଠାନ ପ୍ରତି ଥିବା ଅବଦାନ ପାଇଁ ମରଣୋତ୍ତର ଭାବେ ସ୍ବର୍ଗତ ବାସୁଦେବ ଦାଶଙ୍କ ପାଇଁ ତାଙ୍କ ପୁଅ ଜଗବନ୍ଧୁ ଓ ଅଭିମନ୍ୟୁ ତ୍ରିପାଠୀଙ୍କ ଗ୍ରାମର ପାଲା ଓ ସାଂସ୍କୃତିକ ଅନୁଷ୍ଠାନ ଗଠନରେ ଅବଦାନ ପାଇଁ ସମ୍ବର୍ଦ୍ଧିତ କରାଯାଇଥିଲା।
ଉଭୟ ଗାୟକଙ୍କ ବାୟକ ଓ ପାଳିଆଙ୍କୁ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା। ଅତିଥି ପରିଚୟ ଅନୁଷ୍ଠାନର ଉପସଭାପତି ଶ୍ରୀନିବାସ ଶତପଥୀ କରିଥିବାବେଳେ ସମ୍ପାଦକ ବୀର କିଶୋର ଦାଶ ମାନପତ୍ର ପାଠ ଓ ପରିଚଳନା କରିଥିଲେ। କୋଷାଧ୍ୟକ୍ଷ କଳ୍ପତରୁ କର ଧନ୍ୟବାଦ ଦେଇଥିଲେ।
ସଂଯୋଜକ ସୁମିତ ପତି, ସନ୍ତୋଷ ତ୍ରିପାଠୀ, ସୌମ୍ୟ ରଂଜନ ଦାଶ, ଚିରଞ୍ଜିବି ଦାଶ, ପରାମର୍ଶ ଦାତା ଅଜିତ କୁମାର ଦାଶ, ଜ୍ୟୋର୍ତିମୟ ତ୍ରିପାଠୀ,ଅମୂଲ୍ୟ ଧନ କର, ଗୌରୀ ରଞ୍ଜନ ମିଶ୍ର,ଲୋକ ନାଥ ମିଶ୍ର, ଜ୍ଞାନେନ୍ଦ୍ର ମିଶ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପାଲାକୁ ଶୃଙ୍ଖଳିତ ଭାବେ ପରିବେଷଣ କରାଇବା ସହ ପ୍ରତ୍ୟହ ଶ୍ରୋତାଙ୍କ ପାଇଁ ପ୍ରସାଦ ସେବନ ବ୍ୟବସ୍ଥା କରାଯାଉଥିଲା। କାର୍ଯ୍ୟକ୍ରମକୁ ଭବତୋଶ ଶତପଥୀ, ସିଦ୍ଧାର୍ଥ ଦାଶ, ପବନ କର ଆର୍ଯ୍ୟ ପ୍ରସାଦ ଦାଶ,ପ୍ରକାଶ ଦାଶ,ଲଲା ତେନ୍ଦୁ ମିଶ୍ର, ପ୍ରମୁଖ କାର୍ଯ୍ୟକ୍ରମ ପରିଚାନା କରିଥଲେ।
Dharitri – Odisha’s No.1 Odia Daily
