ବାଘପଟ, ୯ା୫ : ଉତ୍ତର ପ୍ରଦେଶର ପୂର୍ବାଞ୍ଚଳ ବାଘପଟର ଶବଦାହ ଗୃହରୁ ମୃତଦେହର ପୋଷାକ ଚୋରି କରୁଥିବା ୭ ଜଣ ଗିରଫ ହୋଇଛନ୍ତି। ଏ ନେଇ ରବିବାର ପୋଲିସ ପକ୍ଷରୁ କୁହାଯାଇଛି। ରାଜ୍ୟରେ କରୋନା ଆକ୍ରାନ୍ତ ଓ ମୃତକଙ୍କ ସଂଖ୍ୟା ବୃଦ୍ଧି ପାଉୁଥିବାବେଳେ ସାମ୍ନାକୁ ଆସିଛି ଏଭଳି ଘଟଣା।
ମୃତଦେହକୁ ଘୋଡ଼ାଇବା ଲାଗି ବ୍ୟବହୃତ ହେଉଥିବା କଭର, ସେମାନଙ୍କ ପୋଷାକକୁ ଚୋରାଇ ନେଉଥିଲେ ଅଭିଯୁକ୍ତମାନେ। ପଚରାଉଚୁରାବେଳେ ସେମାନେ ମୃତଦେହର ସାଢ଼ୀ, ଚାଦର, ବେଡଶିଟ୍ ଚୋରାଇ ନେଉଥିବା ସ୍ବୀକାର କରି ନେଇଛନ୍ତି। ସେମାନଙ୍କ ଠାରୁ ୫୨୦ ବେଡ୍ଶିଟ, ୧୨୭ କୁର୍ତା, ୫୨ ଧଳା ସାଢ଼ୀ ଓ ଅନ୍ୟ ପୋଷାକ ଜବତ ହୋଇଥିବା ସର୍କଲ ଅଫିସର ଆଲୋକ ସିଂ କହିଛନ୍ତି।
ଚୋରି ସାମଗ୍ରୀକୁ ଧୋଇଲା ପରେ ଆଇରନ ଦେଇ ଗ୍ବାଲିୟର ଏକ କମ୍ପାନୀର ଲେଭଲ ଲଗାଇ ପୁଣି ଥରେ ମାର୍କେଟରେ ବିକି ଦେଉଥିଲେ।
ଗିରଫ ହୋଇଥିବା ୭ ଜଣ ଗୋଟିଏ ପରିବାରର। ସେମାନେ ୧୦ ବର୍ଷ ହେଲା ଏହି ଚୋରି କରୁଥିଲେ। ମହାମାରୀ ସମୟରେ ଗିରଫ କରାଯାଇଥିବାରୁ ସେମାନଙ୍କ ବିରୋଧରେ ଇପିଡେମିକ୍ ଆଇନରେ ଗିରଫ କରାଯାଇଛି ବୋଲି ସିଂ କହିଛନ୍ତି।
