ଢେଙ୍କାନାଳ ଅଫିସ, ୧୨।୧
ଢେଙ୍କାନାଳରେ ପକ୍ଷୀଗଣନା ଶେଷ ହୋଇଛି। ଜିଲାର ବିଭିନ୍ନ ବନଖଣ୍ଡ, ସଂରକ୍ଷିତ ଜଙ୍ଗଲ, ଜଳାଶୟରେ ହୋଇଥିବା ଏହି ଗଣନାରୁ ୬,୩୫୫ ପକ୍ଷୀ ରହିଥିବା ଜଣାପଡ଼ିଛି। ତନ୍ମଧ୍ୟରେ କେତେକ ଅତିଥି ପକ୍ଷୀ ମଧ୍ୟ ଅଛନ୍ତି। ମୋଟ ୨୮ ପ୍ରଜାତିର ପକ୍ଷୀ ଠାବ କରାଯାଇଥିବା ବନ ବିଭାଗ ପକ୍ଷରୁ ସୂଚନା ଦିଆଯାଇଛି।
ପୂର୍ବ ନିର୍ଦ୍ଧାରିତ ନିଷ୍ପତ୍ତି ଅନୁଯାୟୀ ଗତ ୩ ତାରିଖରେ ପକ୍ଷୀ ଗଣନା ଅନୁଷ୍ଠିତ ହୋଇଥିଲା। ଏଥିଲାଗି ବିଭିନ୍ନ ବନାଞ୍ଚଳ ଲାଗି ସ୍ବତନ୍ତ୍ର ଟିମ୍ ଗଠନ କରାଯାଇଥିଲା। ପରଜଙ୍ଗ ବ୍ଲକର ଦଦରାଘାଟି, କଙ୍କଡ଼ାହାଡ଼ ବ୍ଲକର ଦଣ୍ଡାଧର, ହିନ୍ଦୋଳ ବ୍ଲକର ସାପୁଆ ଜଳଭଣ୍ଡାର, ବ୍ରାହ୍ମଣୀ ନଦୀ, ରାମିଆଳ ନଦୀ ଅବବାହିକା ସମେତ ବିଦେଶୀ ପକ୍ଷୀ ଆସୁଥିବା ଜଳାଶୟରେ ଗଣନା କାର୍ଯ୍ୟ ହୋଇଥିଲା। ଚଳିତବର୍ଷ ଜିଲାକୁ ପାଣିକୁଆ, ଖଞ୍ଜନବଗ, ବଗ, ଗେଣ୍ଡାଳିଆ, ବିଦେଶୀ ପକ୍ଷୀ, ମାଛରଙ୍କା, ସ୍କିମର, ପାତିହଂସ, ଆଦି ପ୍ରଜାତିର ବହୁ ପକ୍ଷୀଙ୍କ ସମାଗମ ହୋଇଛି। ସେମାନଙ୍କ ମଧ୍ୟରେ ଗ୍ରେଟ୍ କର୍ମୋରାଣ୍ଟ ଫାଲାକ୍ରୋ କ୍ରୋକ୍ରାକ୍ସ କାର୍ବୋ ୭୩, ଇଣ୍ଡିଆନ୍ ସାଗ୍ ପି ଫୁସିକଲିସ୍ ୫୪୮, ଇଣ୍ଡିଆନ କଟନଟେଲ ୪୧, ଲିଟିଲ କର୍ମୋରାଣ୍ଟ ପି. ନାଇଜର ୫୦୫, ଇଣ୍ଡିଆ ପଣ୍ଡ୍ ହେରନ ଆର୍ଡେଓଲା ଗ୍ରାଇଲ ୩୬୯, କ୍ୟାଟେଲ ଇଗ୍ରେଟ୍ ବୁବୁଲକସ୍ ଇବିସ୍ ୭୦, ଲିଟିଲ ଇଗ୍ରେଟ୍ ଇ ଗାର୍ଜେଟା ୧୨୦, ଗ୍ରେଟ୍ ଇଗ୍ରେଟ୍ ଇ ଆଲବା ୬୭୯, ଗ୍ରେ ହେରନ ଏ ଚିନେରିଆ ୭୦, ୱାଇଟ୍ ବେଲିଡ୍ ହେରନ ଏ-ଇମ୍ପେରିଆଲିସ ୬୯, ଚେଷ୍ଟନଟ୍ ବିଟର୍ନ ଆଇ ସିନାମୋମସ ୨୯୬, ଆସିଆନ ଓପନବିଲ ଆନାଷ୍ଟୋମସ ଓଷ୍ଟିଆନ୍ସ ୨୪୩, ୱାଇଡ୍ ଷ୍ଟର୍କ ସି ସିକୋନିଆ ୪୩, ବ୍ଲାକ ଷ୍ଟର୍କ ସିକୋନିଆ ନିଗ୍ରା ୨, ବ୍ଲାକ ଇବିସ୍ ପେସେଡିବିସ୍ ପାପିଲୋସା ୬୦, ବ୍ରାହ୍ମିନ ରୁଡିସ୍ ସିଡଲକ୍ ପାଡୋରନା ଫିଜୁନିୟସ ୧୫୬, କମନ ସେଲଡକ୍ ଟି ଟଡୋର୍ନା ୮, କମନ ପୋଚାର୍ଡ ଆୟାଥା ଫେରିନା ୧୬୮, ଟପଟେଡ୍ ଡକ୍ ଏ ଫୁଲିଗୁଲା ୨୦୦୦, ରିଭର ଲାପୁଇଙ୍ଗ୍ ୭୦, ୟଲୋ ୱାଟଲ୍ଡ ଲାପଉଇଙ୍ଗ୍ ୭, ଗ୍ରେ ହେଡେଡ୍ ଲାପୁଇଙ୍ଗ୍ ୮୭, ଉଡ୍ ସାଣ୍ଡିପର ୧, ଲିଟିଲ ଷ୍ଟିଣ୍ଟ ୨, କିଙ୍ଗଫିଶର ୫୦୮, ୱିସକେଡ୍ ଟେମ୍ ଚାଇଲଡୋନିଆସ୍ ହାଇବ୍ରିଡା ୯, ୱାଟର ହେନ୍ ୧୦୮ ଏବଂ ବ୍ଲାକ କାଇଟ୍ ୪୩ ରହିଥିବା ଜିଲା ବନଖଣ୍ଡ ଅଧିକାରୀ ଡ. ପ୍ରକାଶଚାନ୍ଦ ଗୋଗିନେନି ସୂଚନା ଦେଇଛନ୍ତି।
