ଭୁବନେଶ୍ୱର,୨୨।୧(ବ୍ୟୁରୋ): ଚଳିତ ବର୍ଷ ଆଇପିଏଲ୍ ପାଇଁ ପ୍ରସ୍ତୁତି ଆରମ୍ଭ ହୋଇଯାଉଛି। ଏହା ପୂର୍ବରୁ ଏବେ ବିଭିନ୍ନ ଦଳ ପକ୍ଷରୁ ଖେଳାଳିଙ୍କୁ ଛାଡିବା ଏବଂ ରଖିବା ପ୍ରକ୍ରିୟା ଚାଲିଛି। ଏଥର ଆଇପିଏଲ୍ରେ ନିଲାମ ପାଇଁ ୬ ଓଡ଼ିଆ କ୍ରିକେଟର୍ ମନୋନୀତ ହୋଇଥିବା ନେଇ ଓଡ଼ିଶା କ୍ରିକେଟ ଆସୋସିଏସନ୍ ପକ୍ଷରୁ ଏକ ପ୍ରେସ ବିଜ୍ଞପ୍ତିରେ କୁହାଯାଇଛି। ନିଲାମରେ ସାମିଲ ଖେଳାଳିମାନେ ହେଲେ ଶୁଭ୍ରାଂଶୁ ସେନାପତି, ରାଜେଶ ଧୁପର, ରାଜେଶ ମହାନ୍ତି, ପପୁ ରାୟ, ଗୌରବ ଚୌଧୁରୀ ଏବଂ ତାରିଣୀ ଶ’। ତେଣୁ ଏଥର ଆଇପିଏଲ୍ରେ ଓଡ଼ିଶାର କିଛି ଖେଳାଳି ସ୍ଥାନ ପାଇବାର ଆଶା କରାଯାଉଛି। ସୂଚନାଯୋଗ୍ୟ, କରୋନା ଯୋଗୁ ଗତବର୍ଷ ଆଇପିଏଲ୍ ଯୁଏଇରେ ଆୟୋଜନ କରାଯାଇଥିଲା। ଚଳିତବର୍ଷ କିନ୍ତୁ ଭାରତରେ ଆୟୋଜନ କରାଯିବ ବୋଲି ବିସିସିଆଇ ପକ୍ଷରୁ ଯୋଜନା କରାଯାଉଛି।
