୬ କୋଟି ଟଙ୍କାର ହିସାବ ମିଳୁନି

ଯାଜପୁର,୩୧ା୭(ହର୍ଷବର୍ଦ୍ଧନ ବେହେରା):ଶିକ୍ଷାର ଅଭିବୃଦ୍ଧି ହେବ। ପାଠପଢ଼ି ପିଲାମାନେ ନିଜ ଅଞ୍ଚଳ ପାଇଁ ଗୌରବ ଆଣିବେ। ଏହିସବୁ ଉଦ୍ଦେଶ୍ୟକୁ ସଫଳ କରିବା ପାଇଁ ସରକାର ଶିକ୍ଷା ବ୍ୟବସ୍ଥାକୁ ଅଧିକ କ୍ରିୟାଶୀଳ କରିଛନ୍ତି। ଏହିକ୍ରମରେ ସମଗ୍ର ଶିକ୍ଷା ଯୋଜନାରେ ବିପୁଳ ଅର୍ଥ ବ୍ୟୟ କରି ଅନେକ ପ୍ରକଳ୍ପ ନିର୍ମାଣ ହେଉଛି। ଲାଇବ୍ରେରି, କ୍ରୀଡ଼ା, ଅତିରିକ୍ତ ଶ୍ରେଣୀଗୃହ, ବିଜ୍ଞାନାଗାର, ତାଲିମ, ସ୍କୁଲ ସେଫ୍ଟି ଇତ୍ୟାଦି ପାଇଁ ୨୦୧୮-୧୯ ବର୍ଷରୁ ବିପୁଳ ଅର୍ଥ ମଞ୍ଜୁର ହୋଇଛି। ହେଲେ ଏଯାଏ ୬ କୋଟିରୁ ଊର୍ଦ୍ଧ୍ୱ ଟଙ୍କାର ବିନିଯୋଗ ପତ୍ର(ୟୁସି) ଦାଖଲ ହୋଇପାରିନାହିଁ। ସ୍କୁଲ ପରିଚାଳନା କମିଟିଗୁଡ଼ିକୁ ଦିଆଯାଇଥିବା ତାଲିମରେ ଉପସ୍ଥିତ ସଭ୍ୟାସଭ୍ୟଙ୍କ ସଂଖ୍ୟା ଅସ୍ପଷ୍ଟ ରହିଥିବାରୁ ୟୁସି ବ୍ୟବସ୍ଥିତ ହୋଇ ପାରୁନାହିଁ ବୋଲି ରିପୋର୍ଟରେ ଦର୍ଶାଯାଇଛି। ଏଥିରୁ ଶିକ୍ଷା କ୍ଷେତ୍ରରେ ଭିତ୍ତିଭୂମିର ବିକାଶ ସାଙ୍ଗକୁ ଗୁଣାତ୍ମକ ଶିକ୍ଷା ପାଇଁ ମଞ୍ଜୁର ହେଉଥିବା ଅନୁଦାନରେ ବ୍ୟାପକ ହେରଫେର ହେଉଥିବା ସନ୍ଦେହ କରାଯାଉଛି। ଏଥିଯୋଗୁ ଯାଜପୁର ଜିଲା ଶିକ୍ଷାଧିକାରୀ(ଡିଇଓ) ୟୁସି ଏବଂ ଅଗ୍ରଗତି ରିପୋର୍ଟ ଦେଇ ନ ପାରି ଉଚ୍ଚ କର୍ତ୍ତୃପକ୍ଷଙ୍କ ନିକଟରେ ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ନିଜେ ଦର୍ଶାଇଛନ୍ତି। ତେଣୁ ସମ୍ପୃକ୍ତ ବ୍ଲକ ଶିକ୍ଷାଧିକାରୀ(ବିଇଓ)ମାନଙ୍କୁ ଯଥାଶୀଘ୍ର ୟୁସି ଦାଖଲ କରିବା ସହ ଓସେପାର ପ୍ରକଳ୍ପ ନିର୍ଦ୍ଦେଶକଙ୍କ ସମୀକ୍ଷା ବୈଠକରେ ଉପସ୍ଥିତ ରହି କୈଫିୟତ ଦେବାକୁ ନିର୍ଦ୍ଦେଶ ଜାରି କରିଛନ୍ତି।
ଯାଜପୁର ଜିଲାର ୧୦ ବ୍ଲକର ୧୮୧୭ ପ୍ରାଥମିକ ସ୍କୁଲରେ କ୍ରୀଡ଼ା କ୍ଷେତ୍ରରେ ବିକାଶ ପାଇଁ ୨୦୧୮-୧୯ ବର୍ଷରେ ୧ କୋଟି ୨୦ ଲକ୍ଷ ୫୦ ହଜାର ଟଙ୍କା ଅନୁଦାନ ମଞ୍ଜୁର ହୋଇଥିଲା। ହେଲେ ସେଥିରୁ ଏଯାଏ ୨୪ ଲକ୍ଷ ୩୪ ହଜାର ୯୦୦ ଟଙ୍କାର ୟୁସି ଦାଖଲ ବାକି ରହିଛି। ସେହିପରି ୨୦୧୯-୨୦ରେ ଆବଣ୍ଟିତ ୧ କୋଟି ୨୧ ଲକ୍ଷ ୧୦ ହଜାର ଟଙ୍କାରୁ ୪୧ ଲକ୍ଷ ୭୯ ହଜାର ଟଙ୍କା, ୨୦୨୦-୨୧ରେ ଆବଣ୍ଟିତ ୧ କୋଟି ୫ ଲକ୍ଷ ୬୦ ହଜାର ଟଙ୍କା ମଧ୍ୟରୁ ୧୨ ଲକ୍ଷ ୮୫ ହଜାର ଟଙ୍କା, ୨୦୨୧-୨୨ରେ ଆବଣ୍ଟିତ ୧ କୋଟି ୫ ଲକ୍ଷ ୭୦ ହଜାର ମଧ୍ୟରୁ ୯୬ ଲକ୍ଷ ୩୫ ହଜାର ଟଙ୍କା, ୨୦୨୨-୨୩ରେ ୧୭୩୦ଟି ପ୍ରାଥମିକ ଓ ମାଧ୍ୟମିକ ସ୍କୁଲକୁ ଆବଣ୍ଟିତ ୧ କୋଟି ୬୦ ଲକ୍ଷ ୩୦ ହଜାର ଟଙ୍କା ମଧ୍ୟରୁ ୧ କୋଟି ୨୭ ଲକ୍ଷ ୮୦ ହଜାର ଟଙ୍କା, ୨୦୨୦-୨୧ରେ ମାଧ୍ୟମିକ ସ୍କୁଲ ପାଇଁ ଆସିଥିବା ୫୪ ଲକ୍ଷ ୨୫ ହଜାର ମଧ୍ୟରୁ ୨୮ ଲକ୍ଷ ୪୦ ହଜାର ଓ ୨୦୨୧-୨୨ରେ ୫୬ ଲକ୍ଷ ୨୫ ହଜାର ଟଙ୍କା ମଧ୍ୟରୁ ୫୪ ଲକ୍ଷ ୨୫ ହଜାର ଟଙ୍କା ଏବଂ ଉଚ୍ଚ ମାଧ୍ୟମିକ ସ୍କୁଲରେ ୨୦୨୦-୨୧ରେ ୩ ଲକ୍ଷ ୨୫ ହଜାର, ୨୦୨୧-୨୨ରେ ୩ ଲକ୍ଷ ୨୫ ହଜାର ଓ ୨୦୨୨-୨୩ରେ ୨ ଲକ୍ଷ ୫୦ ହଜାର ଟଙ୍କାର ୟୁସି ବାକି ପଡିଛି। ଏଥିରୁ ବିଦ୍ୟାଳୟଗୁଡିକରେ କିଭଳି କ୍ରୀଡ଼ା କ୍ଷେତ୍ରର ବିକାଶ ହୋଇଥିବ ତାହା ସହଜେ ଅନୁମେୟ। କେତେକ ସ୍କୁଲରେ ମିଥ୍ୟା ବିଲ୍‌ଭାଉଚର କରି ଅନୁଦାନ ଅର୍ଥ ଚଳୁ କରାଯାଇଛି ବୋଲି ଚର୍ଚ୍ଚା ହେଉଛି।
ସ୍କୁଲ ସେଫ୍ଟି ପାଇଁ ଆସିଥିବା ଅନୁଦାନକୁ ଦେଖିଲେ, ୨୦୧୯-୨୦ରେ ୫ ଲକ୍ଷ ୧ ହଜାର ୩୦୦ ଟଙ୍କା, ୨୦୨୦-୨୧ରେ ୩ ଲକ୍ଷ ୩୭ ହଜାର ୫୦୦ ଟଙ୍କା, ୨୦୨୧-୨୨ରେ ୩୦ ଲକ୍ଷ ୫୨ ହଜାର ୫୦୦ ଟଙ୍କା, ଉଭୟ ପ୍ରାଥମିକ ଓ ମାଧ୍ୟମିକ ସ୍କୁଲଗୁଡିକର ସୁରକ୍ଷା ପାଇଁ ଆସିଥିବା ଅନୁଦାନ ମଧ୍ୟରୁ ୧୭ ଲକ୍ଷ ୯୭ ହଜାର ୬୫୦ ଟଙ୍କା ଏବଂ ଶିକ୍ଷକମାନଙ୍କୁ ସେଫ୍‌ଟି ପାଇଁ ତାଲିମ ଖର୍ଚ୍ଚ ବାବଦକୁ ଆସିଥିବା ଅନୁଦାନର ୨୦୨୦-୨୧ରେ ୭ ଲକ୍ଷ ୨୦ ହଜାର, ୨୦୨୧-୨୨ରେ ୩୩ ଲକ୍ଷ ୨୮ ହଜାର ୫୦୦, ୨୦୨୧-୨୨ରେ ୧୨ ଲକ୍ଷ ୪ ହଜାର ୫୦୦ ଟଙ୍କା ଓ ୨୦୨୨-୨୩ରେ ୩୯ ଲକ୍ଷ ୩୨ ହଜାର ୫୦୦ ଟଙ୍କାର ୟୁସି ଦାଖଲ ବାକି ପଡିଛି। ଗୁରୁତ୍ୱପୂର୍ଣ୍ଣ ବିଷୟ ଯେ, ଅଧାରୁ ପାଠ ଛାଡିଥିବା ଛାତ୍ରୀଛାତ୍ରଙ୍କୁ ମୁଖ୍ୟସ୍ରୋତରେ ସାମିଲ କରିବା ଉଦ୍ଦେଶ୍ୟ ରଖି ୨୦୨୧-୧୧ରେ ସର୍ଭେ ପାଇଁ ଆସିଥିବା ୩ ଲକ୍ଷ ୧୧ ହଜାର ଟଙ୍କା ମଧ୍ୟରୁ ୮୯ ହଜାର ଟଙ୍କା ୟୁସି ଦାଖଲ ହୋଇ ପାରିନାହିଁ। ଏଭଳି ଏକାଧିକ କାର୍ଯ୍ୟକ୍ରମ ପାଇଁ ଆସୁଥିବା ଅର୍ଥର ଠିକ୍‌ ବିନିଯୋଗ ହୋଇ ପାରୁ ନ ଥିବାରୁ ଯାଜପୁର ଜିଲାର ପ୍ରାଥମିକ ଓ ମାଧ୍ୟମିକ ଶିକ୍ଷା ରସାତଲଗାମୀ ହେଉଥିବା ମତପ୍ରକାଶ ପାଇଛି। ଏହିସବୁ ଅର୍ଥର ବିନିଯୋଗ ଉପରେ ଏକ ଉଚ୍ଚସ୍ତରୀୟ ନିରପେକ୍ଷ ତଦନ୍ତ କରାଗଲେ ବାସ୍ତବ କଥା ସାମ୍ନାକୁ ଆସିପାରନ୍ତା ବୋଲି ମତପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?