ଶ୍ୱେତପତ୍ରରେ ନାହିଁ ତୁଳନାତ୍ମକ ଚିତ୍ର: ନରସିଂହ

ଭୁବନେଶ୍ୱର, ୩୦।୭(ବ୍ୟୁରୋ): ବିଧାନସଭାରେ ସୋମବାର ଗୃହ ଏବଂ ସାଧାରଣ ପ୍ରଶାସନ ବିଭାଗ ଖର୍ଚ୍ଚ ଦାବି ଉପରେ ଆଲୋଚନା କରାଯାଇଛି। ଏହି ଅବସରରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି, ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ଶାନ୍ତିପୂର୍ଣ୍ଣ ଥିବା ସରକାର କହୁଛନ୍ତି। ହେଲେ କେଉଁ ଆଧାରରେ ଏହା କହୁଛନ୍ତି ତାହା କହିବା ଗୃହ ବିଭାଗ ପକ୍ଷରୁ ଗତବର୍ଷ ଶ୍ୱେତପତ୍ରରେ କିଛି ଅଲଗା ଚିତ୍ର ରଖିଥିଲେ। ଏକ ତୁଳନାତ୍ମକ ଚିତ୍ର ଦିଆଯାଇଥିଲା, ଯେଉଁଥିରୁ ରାଜ୍ୟର କେଉଁ ଅପରାଧ ବୃଦ୍ଧି ପାଉଛି ଏବଂ ହ୍ରାସ ପାଉଛି ତାହା ଜଣାପଡୁଥିଲା। ହେଲେ ଏଥର ଶ୍ୱେତପତ୍ରରେ କିଛି ଅଲଗା ଅଛି। ଏଥର କୌଣସି ଅପରାଧର ତୁଳନାତ୍ମକ ଚିତ୍ର ଦର୍ଶାଯାଇନାହିଁ। ଫଳରେ ସେଥିରୁ ସ୍ପଷ୍ଟ କିଛି ବୁଝାପଡୁ ନାହିଁ, ଏଥିରେ କିଛି ଲୁଚାଇବାକୁ ଚେଷ୍ଟା କରାଯାଇଛି। ନାବାଳିକା ବଳାତ୍କାର ସମ୍ପର୍କରେ ଆଲୋଚନା ବେଳେ ଏହା ହ୍ରାସ ପାଇଥିବା ମୁଖ୍ୟମନ୍ତ୍ରୀ ଏବଂ ସଂସଦୀୟ ବ୍ୟାପାର ମନ୍ତ୍ରୀ କହିଥିଲେ। ମାତ୍ର ଏହା କେଉଁଠାରେ କମିଲା ତାହା ଜଣାପଡୁନାହିଁ ବୋଲି ନରସିଂହ କହିଛନ୍ତି। ଅନ୍ୟପଟେ ରାଜ୍ୟରେ ସାଇବର କ୍ରାଇମ ବଢିବାରେ ଲାଗୁଛି। ତେଣୁ ସବୁ ଜିଲାରେ ସାଇବର ପୋଲିସ ଷ୍ଟେଶନ କରାଯିବା ଆବଶ୍ୟକ। ବହୁ ଜାଗାରେ ଗଣବଳାତ୍କାର କରାଯାଉଛି ଏବଂ ଏହାପରେ ତାକୁ ଭାଇରାଲ କରାଯାଉଛି। ରାଜ୍ୟରେ ଯେତେସବୁ ପୋଲିସ ପଦବୀ ଖାଲି ରହିଛି ତାହାକୁ ତୁରନ୍ତ ପୂରଣ କରାଯାଉ। ଯଦି ସରକାର କାଳିଆ ପାଇଁ ସବୁକିଛି କରିପାରୁଛନ୍ତି ତେବେ ମଣିଷର ଜୀବନ ରକ୍ଷା କରିବାକୁ ଯାହା ଆବଶ୍ୟକ ତାହା କାହିଁକି କରିବେ ନାହିଁ ବୋଲି ସେ କହିଛନ୍ତି। ୨୦୦୯ ମସିହାରୁ ଖଣି ଦୁର୍ନୀତି ସମ୍ପର୍କରେ ବହୁ ଆଲୋଚନା ହେଲା। ଏନେଇ ହାଇକୋର୍ଟରେ ପିଆଇଏଲ୍‌ ମଧ୍ୟ ଦାଖଲ କରାଗଲା ଏବଂ ଏହି ଦୁର୍ନୀତିର ସିବିଆଇ ତଦନ୍ତ କରିବା ଲାଗି ଦାବି ହୋଇଥିଲା। ମାତ୍ର ଏହାପରେ ଦିଲ୍ଲୀରୁ ଓକିଲ ଆଣି ଲିଜଧାରୀଙ୍କୁ ବଞ୍ଚାଇବାକୁ ଉଦ୍ୟମ ଚାଲିଲା। ଏଥିପାଇଁ ସେହି ଓକିଲଙ୍କୁ ଦୈନିକ ୨୫ଲକ୍ଷ ଟଙ୍କା ପର୍ଯ୍ୟନ୍ତ ଅର୍ଥ ପ୍ରଦାନ କରାଗଲା। ମାତ୍ର ଏ ପର୍ଯ୍ୟନ୍ତ ରାୟ ପ୍ରକାଶ କରାଗଲାନାହିଁ ବୋଲି ସେ କହିଛନ୍ତି। ଭୁବନେଶ୍ୱରରେ ଏକ ବଡ ଧରଣର ଜମି ଦୁର୍ନୀତି ହୋଇଛି। ଜଣେ ୫ ଏକର ଜମି ସରକାରଙ୍କଠାରୁ ହୋଟେଲ କରିବା ନାଁରେ ନେଇଥିଲେ। ହେଲେ ସେହି ସ୍ଥାନରେ ଏ ପର୍ଯ୍ୟନ୍ତ ହୋଟେଲ କରାଯାଇନାହିଁ। ମୁଖ୍ୟମନ୍ତ୍ରୀ ଏକ ଉତ୍ତରରେ କହିଥିଲେ, ଯଦି କେହି ସରକାରଙ୍କଠାରୁ ହୋଟେଲ କରିବା ପାଇଁ ଜମି ନେଇ ତାହା ନ କରିବେ, ତେବେ ସେହି ଜମି ସରକାରଙ୍କ ନିକଟକୁ ଫେରିଆସିବ। ହେଲେ ତାହା କରାଯାଉ ନାହିଁ। ଜମି ନେଇଥିବା ଲୋକ ହୋଟେଲ ନାଁରେ ସେହି ସ୍ଥାନରେ ଆଉ କିଛି କରିବାକୁ ଚେଷ୍ଟା କରୁଛନ୍ତି, ତେଣୁ ଏଥିରୁ ଭିଜିଲାନ୍ସ କେମିତି କାର୍ଯ୍ୟ କରୁଛି ତାହା ସ୍ପଷ୍ଟ ହୋଇଯାଇଛି ବୋଲି ନରସିଂହ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

୭ ବର୍ଷରେ ୨୪.୬୧ % ଦାରିଦ୍ର୍ୟ କମିଛି: ମନ୍ତ୍ରୀ

ଭୁବନେଶ୍ୱର,୨୧।୨(ବ୍ୟୁରୋ): ଗତ ୨୦ ବର୍ଷ ମଧ୍ୟରେ ଓଡିଶା ସାମଗ୍ରିକ ଅର୍ଥନୈତିକ ପ୍ରଗତି, ଦାରିଦ୍ର୍ୟ ଦୂରୀକରଣ ଓ ସାମାଜିକ ସୁରକ୍ଷା କ୍ଷେତ୍ରରେ ପ୍ରଶଂସନୀୟ ଅଗ୍ରଗତି ହାସଲ କରିଛି।...

ଭୁବନେଶ୍ୱରରେ ହୋମ୍‌ ଡେଲିଭରି କରିବେ ୨୮ ଷ୍ଟୋର୍‌

ଭୁବନେଶ୍ୱର,୨୭ା୩(ବ୍ୟୁରୋ)ଭୁବନେଶ୍ୱରର ଲୋକଙ୍କ ଘରେ ପହଞ୍ଚତ୍ବ ଅତ୍ୟାବଶ୍ୟକ ସାମଗ୍ରୀ। ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ଏହି ବ୍ୟବସ୍ଥ ହୋଇଥିବାବେଳେ ରିଲାଏନ୍ସ ଫ୍ରେଶ, ବିଗ୍‌ ବଜାର, ବିଶାଲ...

ହାତ ମିଳାଅନି, ଆଲିଙ୍ଗନ କରନି

ଭୁବନେଶ୍ୱର,୪।୩(ବ୍ୟୁରୋ): କରୋନା ମୁକାବିଲା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟାଳୟ ପକ୍ଷରୁ ସମୀକ୍ଷା କରାଯାଇଛି। ଏନେଇ ସୂଚନା ଦେଇ ସ୍ବାସ୍ଥ୍ୟ ସଚିବ କହିଛନ୍ତି, ରାଜ୍ୟରେ କରୋନା...

ଯାତ୍ରୀବାହୀ ବସ୍‌ ଅକାମୀ ଘୋଷଣା ପ୍ରସଙ୍ଗ : କିଲୋମିଟର ଭିତ୍ତିରେ ହୋଇପାରିବନି ଅକାମୀ

ଭୁବନେଶ୍ୱର,୨୯ା୭(ବ୍ୟୁରୋ) : ରାଜ୍ୟରେ ଚାଲୁଥିବା ଯାତ୍ରୀବାହୀ ବସ୍‌ର କିଲୋମିଟର ଭିତ୍ତିରେ ଏହାକୁ ଅକାମୀ କରାଯିବାର ମୋଟରଯାନ ନିୟମ-୧୯୮୮ରେ କୌଣସି ଆଇନଗତ ବ୍ୟବସ୍ଥା ନାହିଁ। ଖୋଦ୍‌ ବାଣିଜ୍ୟ...

ବେଆଇନ ଶ୍ରମିକ ଚାଲାଣ: ଗୋଟିଏ ଦିନରେ ୪୧ ମଧ୍ୟସ୍ଥି, ଦଲାଲ ଗିରଫ

କଟକ ଅଫିସ,୧୨ା୧୦- ବେଆଇନ ଶ୍ରମିକ ଚାଲାଣ କରୁଥିବା ୪୧ ଜଣ ମଧ୍ୟସ୍ଥି ଓ ଦଲାଲଙ୍କୁ ବଲାଙ୍ଗୀର, ନୂଆପଡ଼ା ଜିଲା ପୋଲିସ ଗିରଫ କରି ଶନିବାର କୋର୍ଟଚାଲାଣ...

ପ୍ରବାସୀ ଶ୍ରମିକଙ୍କୁ ନେଇ ଯାଉଥିବା ବସ୍‌କୁ ପଛରୁ ପିଟିଲା ଟ୍ରଲର, ୭ ଗୁରୁତର

ବସ୍ତା,୩୧।୫(ଡି.ଏନ୍‌.ଏ.): ବାଲେଶ୍ୱର ଜିଲା ବସ୍ତା ଥାନା ଅନ୍ତର୍ଗତ ୬୦ ନଂ ଜାତୀୟ ରାଜପଥର ଦଣ୍ଡିକା ଛକ ନିକଟରେ ରବିବାର ବସ୍‌କୁ ଏକ ଟ୍ରଲର ପଛପଟୁ ଧକ୍କା...

ଉତ୍ତର ପ୍ରଦେଶରୁ ଆସି ଓଡ଼ିଶାରେ ଚୋରି, ବିକୁଥିଲେ ଛତିଶଗଡ଼ରେ

ଉମରକୋଟ, ୩୧ା୧୦(ସ୍ବ.ପ୍ର.): ଉତ୍ତର ପ୍ରଦେଶରୁ ଆସି ନବରଙ୍ଗପୁର ଜିଲା ଉମରକୋଟରେ ରହି ମୋବାଇଲ୍‌ ଟାଓ୍ବାରରୁ ବ୍ୟାଟେରି ଚୋରି କରୁଥିବା ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗର ୨ ଜଣଙ୍କୁ...

ଆଜି ରାଜଧାନୀରୁ ୧୧୦ କରୋନା ପଜିଟିଭ୍‌ ଚିହ୍ନଟ, ସୁସ୍ଥ ହେଲେ ୨୧୯

ଭୁବନେଶ୍ୱର,୨୮ା୧୦(ବ୍ୟୁରୋ): ବୁଧବାର ରାଜଧାନୀରୁ ଆଉ ୧୧୦ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ ୩୩ ଜଣ କ୍ୱାରାଣ୍ଟାଇନ୍‌ରୁ ଚିହ୍ନଟ ହୋଇଥିବା ବେଳେ ୭୭ ସ୍ଥାନୀୟ...

Advertisement


Archives

Model This Week