ନୂଆଦିଲ୍ଲୀ,୪।୪: ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍) ୨୦୨୧ ସିଜନ ଏପ୍ରିଲ ୯ରୁ ଆରମ୍ଭ ହେବାକୁ ଯାଉଛି। ଏହାର ଉଦ୍ଘାଟନୀ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଖେଳାଯିବ। ଚଳିତ ସଂସ୍କରଣ ଭାରତରେ ଖେଳାଯାଉଥିବାରୁ ପ୍ରଶଂସକ ଏବଂ ଖେଳାଳିମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି। ଏଭଳିସ୍ଥଳେ ଆସନ୍ତୁ ଜାଣିବା ଆଇପିଏଲ୍ ଇତିହାରେ ସବୁଠାରୁ ଅଧିକ ରନ୍ କରିଥିବା ଶ୍ରେଷ୍ଠ ୫ ବ୍ୟାଟ୍ସମ୍ୟାନଙ୍କ ବିଷୟରେ।
ଏହି ତାଲିକା ଶୀର୍ଷରେ ରହିଛନ୍ତି ଆର୍ସିବି ଅଧିନାୟକ ବିରାଟ କୋହଲି। ଏହାଛଡ଼ା ବିଦେଶୀ ଖେଳାଳି ଭାବେ ଡେଭିଡ ଓ୍ବାର୍ନର ମଧ୍ୟ ଶ୍ରେଷ୍ଠ ୫ରେ ଅଛନ୍ତି।
ଟପ୍-୫:
୧-ବିରାଟ କୋହଲି: ସର୍ବାଧିକ ରନ୍ କରିବାକୁ ନେଇ କୋହଲିଙ୍କୁ ରନ୍ ମେଶିନ ବୋଲି କୁହାଯାଏ। ସେ ୧୮୪ ପାଳିରେ ୫୮୭୮ରନ୍ କରିଛନ୍ତି। ଗତ ୬-୭ ସିଜନ ଧରି ସେ ସବୁଠାରୁ ଅଧିକ ରନ୍ କରିଆସୁଛନ୍ତି।
୨- ସୁରେଶ ରାଇନା: ଚେନ୍ନାଇ ସୁପରକିଙ୍ଗ୍ସର ସୁରେଶ ରାଇନା କୋହଲିଙ୍କ ପରେ ସର୍ବାଧିକ ରନ୍ କରିଛନ୍ତି। ସେ ୫୩୬୮ ରନ୍ କରିଛନ୍ତି।
୩-ଡେଭିଡ ଓ୍ବାର୍ନର- ୨୦୦୯ରୁ ଓ୍ବାର୍ନର ଆଇପିଏଲ୍ରେ ନିଜର ଭିନ୍ନ ପରିଚୟ ସୃଷ୍ଟି କରିଛନ୍ତି। ସେ ୫୩୫୪ରନ୍ କରିଛନ୍ତି।
୪-ରୋହିତ ଶର୍ମା- ହିଟ୍ମ୍ୟାନ୍ ୫୨୩୦ ରନ୍ କରି ଶ୍ରେଷ୍ଠ ୪ ରେ ସ୍ଥାନ କରିଛନ୍ତି
୫-ଶିଖର ଧଓ୍ବନ- ବାମହାତୀ ଧଓ୍ବନ ୫୧୯୭ ରନ୍ କରିଛନ୍ତି।
