ଗାଜିଆବାଦ, ୧୧।୪ : ଉତ୍ତରପ୍ରଦେଶର ଗାଜିଆବାଦ ସ୍ଥିତ ହିଣ୍ଡନ ଅଞ୍ଚଳରେ ୨ ଘରୋଇ ସ୍କୁଲରେ ୫ ଜଣ ଛାତ୍ରୀଛାତ୍ରଙ୍କନମୁନା ରିପୋର୍ଟ କରୋନା ପଜିଟିଭ୍ ଆସିଛି। ଏହାକୁ ନେଇ ରାଜ୍ୟ ସରକାରଙ୍କ ଚିନ୍ତା ବଢ଼ିବାରେ ଲାଗିଛି। ୨ ସ୍କୁଲକୁ ବନ୍ଦ କରାଯାଇଥିବାବେଳେ ଏପ୍ରିଲ୍ ୧୯ ପର୍ଯ୍ୟନ୍ତ ଅନ୍ଲାଇନ୍ ପାଠପଢ଼ା କରିବାକୁ ଘୋଷଣା କରାଯାଇଛି।
ଅଭୟଖଣ୍ଡ-୩ରେ ଥିବା ସ୍କୁଲରେ ୨ ଜଣ ଛାତ୍ରୀଛାତ୍ର କରୋନା ପଜିଟିଭ୍ ହୋଇଥିବା ସ୍ଥାନୀୟ ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଛି। ସ୍କୁଲ ପ୍ରଶାସନ ପକ୍ଷରୁ କୁହାଯାଇଛି ଯେ ଜୁନିଅର ଏବଂ ସିନିୟର ଶ୍ରେଣୀର ଛାତ୍ରୀଛାତ୍ରମାନେ ଅନଲାଇନରେ ଅଧ୍ୟୟନ କରିବେ । ବୈଶାଳିର ଏକ ଘରୋଇ ବିଦ୍ୟାଳୟର ତିନିଜଣ ଛାତ୍ରୀଛାତ୍ର କରୋନାରେ ଆକ୍ରାନ୍ତ ହୋଇଛନ୍ତି।
ତୃତୀୟ ଶ୍ରେଣୀର ଛାତ୍ର, ଇନ୍ଦିରାପୁରମର ଶିପ୍ରା ସନସିଟି ସୋସାଇଟିରେ ବାସ କରୁଥିବାବେଳେ ଏବଂ ନବମ ଶ୍ରେଣୀର ଛାତ୍ର ନୋଏଡାର ଗୌର ସିଟିରେ ରୁହନ୍ତି। ଉଭୟ ଛାତ୍ର ବସ ଯୋଗେ ବିଦ୍ୟାଳୟକୁ ଅସୁଥିଲେ। ବୁଧବାର ପର୍ଯ୍ୟନ୍ତ ଉଭୟ ବିଦ୍ୟାଳୟକୁ ଆସିଥିଲେ। ଏହାପରେ ସେମାନେ ସ୍କୁଲକୁ ଆସିନାହାଁନ୍ତି । ସେମାନଙ୍କର ସୱାସ୍ଥ୍ୟ ଖରାପ ହେବା ନେଇ ଅଭିଭାବକମାନେ ସ୍କୁଲ ପରିଚାଳନାକୁ ସୂଚନା ଦେଇଥିଲେ। ସେମାନଙ୍କ ସହିତ ବସ୍ରେ ଆସୁଥିବା ଅନ୍ୟ ଛାତ୍ରୀଛାତ୍ରଙ୍କର ନମୁନା ପରୀକ୍ଷା କରାଯାଉଛି।
ଏହାସହିତ ସ୍କୁଲ ପରିସର ଏବଂ ବସ ଗୁଡିକୁ ସାନିଟାଇଜ କରାଯାଇଛି। ଜିଲା ପର୍ଯ୍ୟବେକ୍ଷକ ଡାକ୍ତର ଆର.କେ ଗୁପ୍ତା କହିଛନ୍ତି ଯେ ଯଦି ଛାତ୍ରଛାତ୍ରୀମାନେ ସଂକ୍ରମିତ ହୋଇଛନ୍ତି ତେବେ ଭୟଭୀତ ହେବାର ଆବଶ୍ୟକତା ନାହିଁ, କିନ୍ତୁ ସତର୍କ ରହିବା ଜରୁରୀ। ସୋମବାର ଅକ୍ରାନ୍ତ ଛାତ୍ରୀଛାତ୍ରମାନଙ୍କ ଘର ସାନିଟାଇଜେଶନ କରାଯିବ ଏବଂ ଘରର ଅନ୍ୟ ଲୋକଙ୍କର ସ୍କ୍ରିନିଂ ମଧ୍ୟ କରାଯିବ ବୋଲି ସ୍ଥାନୀୟ ସ୍ବାସ୍ଥ୍ୟ ବିଭାଗ କହିଛି।
