ନିରାକାରପୁର, ୨୩।୫(ଡି.ଏନ.ଏ): ବ୍ରାଉନସୁଗାର ବିକ୍ରି ଅଭିଯୋଗରେ ଆଜି ଟାଙ୍ଗୀ ଅବକାରୀ ବିଭାଗ ଚଢ଼ାଉକରି ଜଣେ ଚୋରା ବେପାରୀକୁ ଗିରଫ କରିଛି। ଗିରଫ ଅଭିଯୁକ୍ତ ଜଣକ ହେଲେ ଜଙ୍କିଆଥାନା ଛଣଗିରି ଗ୍ରାମର ସଞ୍ଜୟ ମହାପାତ୍ର (୩୫)। ି ସୂତ୍ରରୁ ଖବରପାଇ ଟାଙ୍ଗୀ ଅବକାରୀ ବିଭାଗ ଚଢ଼ାଉ କରିଥିବାବେଳେ ସ୍ଥାନୀୟ ତାରିଣୀ ମନ୍ଦିର ସନିକଟରୁ ଅଭିଯୁକ୍ତ ସଞ୍ଜୟଙ୍କୁ ଗିରଫ କରିଛି। ଗିରଫବେଳେ ସଞ୍ଜୟ ଠାରୁ ୩0 ଗ୍ରାମର ବ୍ରାଉନ ସୁଗାର ଜବତ ମଧ୍ୟ କରିଛି। ଜବତ ବ୍ରାଉନ ସୁଗାରର ଆନୁମାନିକ ମୂଲ୍ୟ ୩ଲକ୍ଷରୁ ଉର୍ଦ୍ଧ ହେବ ବୋଲି ଟାଙ୍ଗୀ ଅବକାରୀ ବିଭାଗର ଇନ୍ସପେକ୍ଟର ଆଲୋକ ପ୍ରଧାନ ସୂଚନା ଦେଇଛନ୍ତି। ଏନେଇ ୧୫/୨୩ରେ ଏକ ମକଦ୍ଦମା ରୁଜୁ ହୋଇଛି। ଚଢ଼ାଉରେ ଅବକାରୀ ବିଭାଗ କର୍ମଚାରୀ ସୁନିତା ଦଳେଇ, ବିଶ୍ୱମ୍ବର ବିଶ୍ୱାଳ, ତପନ ସ୍ବାଇଁ ପ୍ରମୁଖ କର୍ମକର୍ତ୍ତା ସାମିଲ ଥିଲେ।
