ଦାରିଙ୍ଗବାଡି,୧୫।୮(ଅରୁଣ ସାହୁ): ରାଜ୍ୟ ଓ କେନ୍ଦ୍ର ସରକାର ସମସ୍ତ ଗାଁଠାରୁ ସହରକୁ ଯୋଡିବା ପାଇଁ କଚ୍ଚା ରାସ୍ତାକୁ ପକ୍କା ରାସ୍ତା ନିର୍ମାଣ କରୁଛନ୍ତି। କିନ୍ତୁ ଏଭଳି ୩ଟି ଗ୍ରାମ ରହିଛି, ଯାହା ସ୍ବାଧୀନତାର ୮୦ ବର୍ଷ ବିତିଯାଇଥିଲେ ମଧ୍ୟ ମୌଳିକ ସୁବିଧାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି। ତାହା ପୁଣି ପଞ୍ଚାୟତ କାର୍ଯ୍ୟାଳୟଠାରୁ ମାତ୍ର ୨ ଶହ ମିଟର ଦୂରତା ହୋଇଥିବା ବେଳେ ବ୍ଲକ କାର୍ଯ୍ୟାଳୟ ଠାରୁ ମାତ୍ର ଗୋଟିଏ କିମି ଦୂରତା ମଧ୍ୟରେ ରହିଛି ଗ୍ରାମ।
ପ୍ରକାଶ ଯେ, କନ୍ଧମାଳ ଜିଲା ଦତିଙ୍ଗବାଡି ବ୍ଲକ ଗ୍ରୀନବାଡି ପଞ୍ଚାୟତ ଅଧୀନରେ ରହିଥିବା ସିକପାଟା ଗ୍ରାମ ସମେତ ମେରଙ୍ଗ ସାହି ଓ ଲାଇନପଡ଼ାକୁ ସଂଯୋଗ କରୁଥିବା ମୁଖ୍ୟ ସାହି ରାସ୍ତା ଗୁଡିକ ଏବେ ଖାଲଖମା ଯୋଗୁ ଯାତାୟାତରେ ସମସ୍ୟା ଦେଖାଯାଇଛି। ବୁଡ଼ାଶଙ୍ଖଠାରୁ ଉକ୍ତ ରାସ୍ତା ଆରମ୍ଭ ହୋଇ ସିକପାଟା ଦେଇ ଲାଇନପଡ଼ାକୁ ସଂଯୋଗ କରିଛି। ଉକ୍ତ ରାସ୍ତା ଉପରେ ପ୍ରାୟ ୩ ଟି ଗ୍ରାମର ୩ ଶହରୁ ଉର୍ଦ୍ଧ୍ୱ ପରିବାର ସମେତ ଅନ୍ୟ ପଡୋଶୀ ଗ୍ରାମବାସୀ ଉକ୍ତ ରାସ୍ତା ଉପରେ ନିର୍ଭର କରୁଛନ୍ତି।
ଦୈନିକ ଶତାଧିକ ଲୋକ ଉକ୍ତ ରାସ୍ତା ଦେଇ ଯାତାୟାତ କରୁଥିବାରୁ ଏହି ରାସ୍ତାଟି ଅଞ୍ଚଳ ପାଇଁ ଅତ୍ୟନ୍ତ ଜରୁରୀ ବୋଲି ଗ୍ରାମର ଯୁବ ସମାଜସେବୀ ଅକ୍ଷୟ ପରିଛା ତାଙ୍କ ପ୍ରତିକ୍ରିୟାରେ କହିଛନ୍ତି ଅଞ୍ଚଳବାସୀ ଉକ୍ତ ଗ୍ରାମକୁ ପକ୍କା ରାସ୍ତା ନିର୍ମାଣ ସହ ଷ୍ଟ୍ରିଟ ଆଲୁଅ ବ୍ୟବସ୍ଥା କରିବାକୁ ବାରମ୍ବାର ଅଭିଯୋଗ କରିଆସୁଥିଲେ ମଧ୍ୟ କେହି କର୍ଣ୍ଣପାତ କରୁ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ଉକ୍ତ ରାସ୍ତା ଦେଇ ଛୋଟ ଶିଶୁ ମାନେ ଅଙ୍ଗନବାଡ଼ି, ଛାତ୍ରଛାତ୍ରୀମାନେ ସ୍କୁଲ ଓ କଲେଜ ଯିବାଆସିବା କରୁଛନ୍ତି। ଏହା ବ୍ୟତୀତ ଗ୍ରାମବାସୀ ବଜାର, ବ୍ଲକ କାର୍ଯ୍ୟାଳୟ, ହସ୍ପିଟାଲ ଓ ଅନ୍ୟାନ୍ୟ ଜରୁରୀ କାର୍ଯ୍ୟ ପାଇଁ ମଧ୍ୟ ଉକ୍ତ ରାସ୍ତା ଉପରେ ନିର୍ଭରଶୀଳ। ରାସ୍ତାଟି ପକ୍କା ନିର୍ମାଣ ହୋଇଗଲେ ଛାତ୍ରଛାତ୍ରୀ, ରୋଗୀ, ବୃଦ୍ଧାବୃଦ୍ଧ, ମହିଳା ଓ ସାଧାରଣ ଲୋକଙ୍କ ଯାତାୟାତ ବହୁତ ସହଜ ହୋଇପାରିବ।ବୋଲି ଅଞ୍ଚଳବାସୀ ଆଶା ପ୍ରକଟ କରିଛନ୍ତି। ଏବେ ଲଘୁଚାପ ଜନିତ ବର୍ଷା ଯୋଗୁ ରାସ୍ତାର ଅବସ୍ଥା ଆହୁରି ଶୋଚନୀୟ ହୋଇପଡ଼ିଥିବା ଗ୍ରାମବାସୀ କହିଛନ୍ତି।
ଏମଜିଏନଆରଇଜିଏସ ଯୋଜନାରେ କେଳ ପ୍ରତିବର୍ଷ ମାଟି ପକାଇ ଅସ୍ଥାୟୀ ରାସ୍ତା ନିର୍ମାଣ କରାଯାଇ ଲକ୍ଷ ଲକ୍ଷ ଟଙ୍କା ବ୍ୟୟ କରାଯାଉଛି। ଗ୍ରାମବାସୀଙ୍କ ଦାବି ଉକ୍ତ ରାସ୍ତାକୁ ପେବରବ୍ଲକ ପକାଇ ପକ୍କା ରାସ୍ତା ସହ ରାସ୍ତା କଡ଼ରେ ଷ୍ଟ୍ରିଟ ଆଲୁଅ ବ୍ୟବସ୍ଥା ଲୋକଙ୍କ ବସିବା ପାଇଁ ସିମେଣ୍ଟ ବ୍ୟାଞ୍ଚ ସହ ରାସ୍ତାର ୨ ପାର୍ଶ୍ୱରେ ବୃକ୍ଷ ରୋପଣ କରାଯିବାକୁ ଦାବି ହୋଇଛି ଏହା କରିବା ଦ୍ୱାରା ଦାରିଙ୍ଗବାଡିକୁ ବୁଲିବା ପାଇଁ ଆସୁଥିବା ପର୍ଯ୍ୟଟକ ଗାଁ ଭିତରକୁ ବୁଲିବାକୁ ଯିବା ସମୟରେ ପରିବେଶ କୁ ନେଇ ଦାରିଙ୍ଗବାଡି ଆସିବାକୁ ଆଗ୍ରହ ପ୍ରକାଶ କରିବେ ବୋଲି ଗ୍ରାମବାସୀ କହିଛନ୍ତି।
Dharitri – Odisha’s No.1 Odia Daily
