୩ ମେଗା ପ୍ରକଳ୍ପ ଦିଗହରା: ଅବଧି ସରିଲାଣି, ସରୁନି କାମ

ରାୟଗଡ଼ା,୨।୩(ଭାଗ୍ୟଶ୍ରୀ ମିଶ୍ର): ପ୍ରତ୍ୟେକ ଘରକୁ ଟ୍ୟାପ୍‌ ଯୋଗେ ବିଶୁଦ୍ଧ ଜଳ ଯୋଗାଣ ଲକ୍ଷ୍ୟ ନେଇ କେନ୍ଦ୍ର ଏବଂ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ଜଳ ଜୀବନ ମିଶନ କାର୍ଯ୍ୟକାରୀ ହେଉଛି। ଏହି ମିଶନ ଅଧୀନରେ ଜଳ ଯୋଗାଣର ମେଗା ପ୍ରୋଜେକ୍ଟ ନିର୍ମାଣ କାମ ଚାଲୁଛି l ୨୦୨୪ ସୁଦ୍ଧା ପ୍ରତି ଘରକୁ ପାଣି ପହଞ୍ଚାଇବା ସରକାର ଲକ୍ଷ୍ୟଧାର୍ଯ୍ୟ ରଖିଥିବାବେଳେ ରାୟଗଡ଼ା ଜିଲାରେ ମେଗା ପ୍ରକଳ୍ପ ଦିଗହରା ହୋଇଥିବା ଅଭିଯୋଗ ହୋଇଛି l ଜିଲାରେ ମୋଟ ୩ଟି ମେଗା ପ୍ରକଳ୍ପ କାର୍ଯ୍ୟକାରୀ କରାଯାଉଥିବାବେଳେ ପ୍ରୋଜେକ୍ଟର ଅବଧି ସରିଲାଣି, ହେଲେ କାମ ସମ୍ପୂର୍ଣ୍ଣ ହୋଇପାରୁନାହିଁ। ଫଳରେ ଗ୍ରାମାଞ୍ଚଳ ଲୋକେ ୨୦୨୪ ସୁଦ୍ଧା ବିଶୁଦ୍ଧ ପାନୀୟଜଳ ଟ୍ୟାପ୍‌ ଯୋଗେ ପାଇବା ନେଇ ଆଶଙ୍କା ସୃଷ୍ଟି ହୋଇଛି। ଜିଲାର ଏବେ ବି ଅନେକ ଗ୍ରାମରେ ଲୋକେ ପାନୀୟଜଳ ପାଇଁ ନଦୀ, ନାଳ ଏବଂ ଝରଣା ଉପରେ ନିର୍ଭର କରୁଛନ୍ତି।
ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗ ତଥ୍ୟ ଅନୁଯାୟୀ, ବିଷମକଟକ ଏବଂ ଗୁଣପୁରକୁ ମିଶାଇ ଗୋଟେ ମେଗା ପ୍ରୋଜେକ୍ଟ କରାଯାଇଛି, ଯେଉଁଥିରେ ବଂଶଧାରା ନଦୀରୁ ପାଣି ଉଠାଯାଇ ବିଷମକଟକର ୨୦ ପଞ୍ଚାୟତର ୨୬୪ ଗ୍ରାମ ଏବଂ ଗୁଣପୁରର ୧୪ ପଞ୍ଚାୟତର ୯୫ଟି ଗ୍ରାମକୁ ପାନୀୟଜଳ ଯୋଗାଣ ପାଇଁ ଲକ୍ଷ୍ୟ ରଖାଯାଇଥିଲା। ବିଷମକଟକ ପ୍ରୋଜେକ୍ଟର ମୂଲ୍ୟ ୮୪.୨୩ କୋଟି ରଖାଯାଇଥିବା ବେଳେ ଗୁଣପୁର ପାଇଁ ୭୯.୪୦ କୋଟି ଟଙ୍କା ଧାର୍ଯ୍ୟ କରାଯାଇଛି। ୨ଟି ଏଗ୍ରିମେଣ୍ଟ ତା୧୭।୧୨।୨୦୧୯ରିଖରେ ଏକ ଅଣଓଡ଼ିଆ ସଂସ୍ଥା ରାଜସ୍ଥାନର ଜୁବେରୀ ଇଞ୍ଜିନିୟରିଂ କନ୍‌ଷ୍ଟ୍ରକ୍‌ଶନ ପ୍ରାଇଭେଟ୍‌ ଲିମିଟେଡ୍‌କୁ ଦିଆଯାଇଛି। ଏହି ୨ ପ୍ରୋଜେକ୍ଟ କାମ ୧୬।୧୨।୨୦୨୧ ସୁଦ୍ଧା ସମ୍ପୂର୍ଣ୍ଣ କରାଯିବାକୁ ଧାର୍ଯ୍ୟ ହୋଇଥିଲା। କିନ୍ତୁ ଅବଧି ସମୟ ୨ ବର୍ଷ ପୂରିଥିଲେ ମଧ୍ୟ ଏବେ ନିର୍ମାଣ କାମ ଅଧାପନ୍ତରିଆ ଅବସ୍ଥାରେ ପଡ଼ିଛି। ପ୍ରୋଜେକ୍ଟଗୁଡ଼ିକରେ ୨ଥର ଲେଖାଏଁ ସମୟ ଅବଧି ପରିବର୍ତ୍ତନ କରାଯାଇଥିଲେ ମଧ୍ୟ ସମ୍ପୃକ୍ତ ଠିକାସଂସ୍ଥା କାର୍ଯ୍ୟରେ ବିଳମ୍ବ କରିଚାଲିଛି। ସେହିପରି କାଶୀପୁର ଏବଂ ରାୟଗଡ଼ା ମେଗା ପ୍ରୋଜେକ୍ଟ କାଶୀପୁର ବ୍ଲକର ୨୪ଟି ଗ୍ରାମପଞ୍ଚାୟତର ୪୧୮ ଗ୍ରାମ ଏବଂ ରାୟଗଡ଼ାର ୪ଟି ପଞ୍ଚାୟତର ୪୯ ଗ୍ରାମର ଶତାଧିକ ଲୋକଙ୍କୁ ଜଳ ଯୋଗାଣ ଲକ୍ଷ୍ୟ ରଖି ଆରମ୍ଭ କରାଯାଇଥିଲା, ଯାହାର ଏଗ୍ରିମେଣ୍ଟ ମୂଲ୍ୟ ୨୯୮.୭ କୋଟି ଟଙ୍କା ବୋଲି ଜଣାପଡ଼ିଛି। ମୁମ୍ବାଇର କେଇସି ଇଣ୍ଟରନ୍ୟାଶନାଲ ଏଜେନ୍ସିକୁ ଏହି ପ୍ରୋଜେକ୍ଟ ଦାୟିତ୍ୱ ଦିଆଯାଇଛି l କଳାହାଣ୍ଡି ଜିଲାର ଇନ୍ଦ୍ରାବତୀ ରିଜର୍ଭରୁ ପାଣି ଉଠାଇ ୨୮.୫ ଏମ୍‌ଏଲ୍‌ଡିର ଏକ ପାଣି ବିଶୋଧନାଗାର କରାଯାଇ ପ୍ରତି ଘରକୁ ପାଣି ଦେବା ଲକ୍ଷ୍ୟରେ ୩।୧୧।୨୦୨୧ରେ ଏହି ପ୍ରୋଜେକ୍ଟ ଆରମ୍ଭ କରାଯାଇଥିଲା। ୨।୧୧।୨୦୨୩ରେ ପ୍ରକଳ୍ପ କାମ ଶେଷହେବାର ଅବଧି ଥିଲେ ମଧ୍ୟ ଆଜିଯାଏଁ କାମ ସମ୍ପୂର୍ଣ୍ଣ ହୋଇନାହିଁ l କାଶୀପୁରରେ ସ୍ଥାନୀୟ ଲୋକଙ୍କ କିଛି ସମସ୍ୟା ଏବଂ ଜମି ସମସ୍ୟାକୁ ନେଇ କାର୍ଯ୍ୟରେ ବିଳମ୍ବ ହେଉଥିବା ବିଭାଗ ପକ୍ଷରୁ ଦର୍ଶାଯାଉଛି l ସେହିପରି ରାମନାଗୁଡ଼ା ଏବଂ କୋଲନରାରେ ୧୧୪.୬୮ କୋଟି ଟଙ୍କା ବ୍ୟୟରେ ମେଗା ପ୍ରୋଜେକ୍ଟ କାମ ଗତ ୬।୮।୨୨ରେ ସୂର୍ଯ୍ୟା ଇଣ୍ଟରନ୍ୟାଶନାଲକ ଦିଆଯାଇଛି। ୫।୮।୨୪ରେ କାମ ସରିବାକୁ ଲକ୍ଷ୍ୟ ରଖାଯାଇଛି। ଗ୍ରୀଷ୍ମ ପୂର୍ବରୁ ଏହି କାର୍ଯ୍ୟ ସରିବା ନେଇ ଆଶଙ୍କା ସୃଷ୍ଟି ହୋଇଛି l
ସରକାରଙ୍କ ଦ୍ୱାରା କରାଯାଇଥିବା ପୁରୁଣା ଯୋଜନାରେ ରାୟଗଡ଼ା ଜିଲାରେ ୬୮୨ ଗ୍ରାମର ଲୋକେ ପାଣି ପାଉଛନ୍ତି। ଗ୍ରାମ୍ୟ ଜଳ ଯୋଗାଣ ପକ୍ଷରୁ ଆହୁରି ୨୩୪୦ ଗ୍ରାମର ଶତାଧିକ ଲୋକଙ୍କୁ ପାଣି ପହଞ୍ଚାଇବା ଲକ୍ଷ୍ୟ ରଖାଯାଇଛି। ଏ ନେଇ ଗ୍ରାମ୍ୟ ଜଳ ଯୋଗାଣ ଏବଂ ପରିମଳ ବିଭାଗ ନିର୍ବାହୀ ଯନ୍ତ୍ରୀ ଗୋପାଳ ଚନ୍ଦ୍ର ନାୟକଙ୍କୁ ପଚାରିବାରୁ ମେଗା ପ୍ରକଳ୍ପ କାମ ଅନେକ କାରଣରୁ ବିଳମ୍ବ ହେଉଛି। କିଛି ସ୍ଥାନରେ ସ୍ଥାନୀୟ ବାସିନ୍ଦାଙ୍କ ସମସ୍ୟା ଏବଂ ଜମି ସମସ୍ୟା ରହୁଛି। ଅନ୍ୟପକ୍ଷରେ କାମ ନେଇଥିବା ସଂସ୍ଥାଗୁଡ଼ିକ ମଧ୍ୟ ବିଳମ୍ବ କରୁଛନ୍ତି l ବାରମ୍ବାର ତାଗିଦ ସହ ସେମାନଙ୍କୁ ପେନାଲ୍ଟି ମଧ୍ୟ ଚାର୍ଜ କରାଯାଉଛି ବୋଲି କହିଛନ୍ତି। ସରକାର ଏଥିପ୍ରତି ଦୃଷ୍ଟିଦେଇ ତୁରନ୍ତ ମେଗା ପ୍ରକଳ୍ପ କାର୍ଯ୍ୟ ସମ୍ପୂର୍ଣ୍ଣ କରି ଲୋକଙ୍କୁ ବିଶୁଦ୍ଧ ପାନୀୟଜଳ ଯୋଗାଇଦେବାକୁ ଦାବି ହୋଇଛି।


Enter your email to get our daily news in your inbox.

All Right Reserved By Dharitri.Com

ଭିଜିଲାନ୍ସ ଜାଲରେ କିରାଣି

ବୌଦ୍ଧ,୧୯ା୪(ଅଜିତ ବାରିକ): ବୌଦ୍ଧ ଜିଲା ହରଭଙ୍ଗା ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟର ବରିଷ୍ଠ କିରାଣି ରବୀନ୍ଦ୍ର ନାଥ ପାଢ଼ୀ ୨୦ ହଜାର ଟଙ୍କା ଲାଞ୍ଚ ନେଉଥିବାବେଳେ ବୌଦ୍ଧ...

ପୋଲିସ ଅଧିକାରୀଙ୍କୁ ଭର୍ତ୍ତୃହରିଙ୍କ ଦୁର୍ବ୍ୟବହାର ମାମଲା: କୋର୍ଟରେ ହାଜର ହେଲେ ଅମିତାଭ

କଟକ,୧୯।୪(କାର୍ତ୍ତିକ ସାହୁ): କଟକ ଏମ୍‌ପି ଭର୍ତ୍ତୃହରି ମହତାବ ପୋଲିସ ଅଧିକାରୀଙ୍କୁ ଦୁର୍ବ୍ୟବହାର କରିବା ମାମଲା ପୁଣି ଉଠିଛି। କଟକ ଜେଏମ୍‌ଏଫ୍‌ସି ଅଦାଲତରେ ଶୁକ୍ରବାର ସାକ୍ଷ୍ୟ ଗ୍ରହଣ...

ନାମାଙ୍କନପତ୍ର ଦାଖଲ କଲେ କୋରାପୁଟ କଂଗ୍ରେସ ଏମ୍‌ପି ପ୍ରାର୍ଥୀ

କୋରାପୁଟ,୧୯ା୪(ଅମିତାଭ ବେହେରା): ଶୁକ୍ରବାର ମଧ୍ୟାହ୍ନରେ କୋରାପୁଟ ଜିଲାପାଳ ଭି. କୀର୍ତ୍ତି ଭାସନଙ୍କ ନିକଟରେ କଂଗ୍ରେସର କୋରାପୁଟ ଏମ୍‌ପି ପ୍ରାର୍ଥୀ ସପ୍ତଗିରି ଶଙ୍କର ଉଲାକା ନାମାଙ୍କନପତ୍ର ଦାଖଲ...

ବାଇକ୍‌ଆରୋହୀଙ୍କଠାରୁ ଲକ୍ଷାଧିକ ଟଙ୍କା ଜବତ, ନିର୍ବାଚନ ସମୟରେ ଏତେ ଟଙ୍କା କେଉଁଠୁ ଆସିଲା ଚାଲିଛି ତନାଘନା

ଝାରବନ୍ଧ,୧୯ା୪(ଦେବେନ୍ଦ୍ର ସାହୁ): ବରଗଡ଼ ଜିଲା ଝାରବନ୍ଧ ଥାନା ପୋଲିସ ଗୁରୁବାର ରାତିରେ ଡଭାଛକଠାରେ ଚେକିଂ କରୁଥିବା ସମୟରେ ୨ ବାଇକ୍‌ଆରୋହୀଙ୍କଠାରୁ ୬ଲକ୍ଷ ୫୨ହଜାର ୮୦୦ ଟଙ୍କା...

ବିଜେଡି ଛାଡ଼ି ପାରନ୍ତି ପୂର୍ବତନ ଏମପି ପ୍ରସନ୍ନ ପାଟ୍ଟଶାଣୀ!

ଭୁବନେଶ୍ୱର,୧୯।୪: ଓଡ଼ିଶା ରାଜନୀତିରେ ଏବେ କେବଳ ଦଳ ବଦଳ ଚାଲିଛି। ଦଳରେ ଅନେକ ଦିନରୁ ଥିବା ବରିଷ୍ଠ ନେତାମାନେ ମଧ୍ୟ ଟିକେଟ ନ ମିଳିବାରୁ ଓ...

‘କ୍ରୁଜ୍‌’ କ୍ଷେପଣାସ୍ତ୍ରର ସଫଳ ପରୀକ୍ଷଣ

ବାଲେଶ୍ୱର, ୧୯।୪(ମାନସ ବିଶ୍ୱାଳ):ବାଲେଶ୍ୱର ଚାନ୍ଦିପୁରସ୍ଥିତ ପ୍ରତିରକ୍ଷା ଗବେଷଣା ଓ ବିକାଶ ସଙ୍ଗଠନ (ଡିଆରଡିଓ) ପକ୍ଷରୁ ଇଣ୍ଟିଗ୍ରେଟେଡ୍‌ ଟେଷ୍ଟ ରେଞ୍ଜ (ଆଇଟିଆର୍‌)ରୁ ସ୍ବଦେଶୀ ଜ୍ଞାନକୌଶଳରେ ନିର୍ମିତ ‘କ୍ରୁଜ୍‌’...

ବହୁ ପୁରାତନ ବଗିବନ୍ଧ କାର୍ଯ୍ୟାରମ୍ଭ

ରାଜକନିକା,୧୯।୪(ସଞ୍ଜୟ କୁମାର ଦାଶ): ରାଜକନିକା ବ୍ଲକର ମରହଟ୍ଟା ବନ୍ଧ ବା ବଗିବନ୍ଧ ଭାବେ ଜଣାଶୁଣା କନିକା ଉପଖଣ୍ଡ ସାଲାଇନ୍‌ ଏମବାଗମେଣ୍ଟର କାର୍ଯ୍ୟ ଆରମ୍ଭ ହୋଇଛି। ୨୫ ଲକ୍ଷ...

ମାଲକାନଗିରି ଜିଲା ସୀମାରେ ହାଇ ଆଲର୍ଟ

ମାଲକାନଗିରି,୧୯ା୪(ଦୁର୍ଯ୍ୟୋଧନ ପାତ୍ର):ମାଲକାନଗିରି ଜିଲା ସୀମାନ୍ତ ଛତିଶଗଡ଼ରେ ଶୁକ୍ରବାର ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବ। ମାଓବାଦୀମାନେ ସୀମାନ୍ତ ଛତିଶଗଡ଼ରେ ସେମାନଙ୍କର କାୟା ବିସ୍ତାରକରି ନିର୍ବାଚନକୁ ଭଣ୍ଡୁର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri