Posted inଖେଳ

ମିଡିଲ ଅର୍ଡର, ଷଷ୍ଠ ବୋଲର ଉପରେ ନଜର

ମୋହାଲି, ୨୦।୯: ଭାରତ ଓ ଅଷ୍ଟ୍ରେଲିଆ ମଧ୍ୟରେ ୩ ମ୍ୟାଚ୍‌ବିଶିଷ୍ଟ ଟି୨୦ ସିରିଜ୍‌ ମଙ୍ଗଳବାରଠାରୁ ଏଠାରେ ଆରମ୍ଭ ହେବାକୁ ଯାଉଛି। ଆଗକୁ ଟି୨୦ ବିଶ୍ୱକପ୍‌ ଆସୁଥିବାରୁ ଭାରତ ପାଇଁ ଏହି ଘରୋଇ ସିରିଜ୍‌ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦିଓ କେତେକ ଫାଷ୍ଟ ବୋଲର ବିଶ୍ରାମ ନେଇଛନ୍ତି ତଥାପି ଦଳରେ ଷଷ୍ଠ ବୋଲର ଏବଂ ମିଡିଲ ଅର୍ଡର ବ୍ୟାଟିଂ ସମସ୍ୟା ସୁଧାରିବା ଉପରେ ମୁଖ୍ୟତଃ ନଜର ରହିବ। ଏହାପରେ ଦକ୍ଷିଣ ଆଫ୍ରିକା ବିପକ୍ଷରେ ମଧ୍ୟ ୩ ମ୍ୟାଚ୍‌ବିଶିଷ୍ଟ ସିରିଜ୍‌ ଖେଳିବ ଭାରତ। ତେଣୁ ବିଶ୍ୱକପ୍‌ ପାଇଁ କମ୍ବିନେଶନ ଶର୍ଟଆଉଟ କରିବାକୁ ଏହା ଶେଷ ସୁଯୋଗ।
ଏସିଆ କପ୍‌ରେ ଭାରତ ଯଦିଓ ଭଲ ବ୍ୟାଟିଂ କରିଥିଲା ତେବେ ବୋଲିଂ ବିଭାଗର ଦୁର୍ବଳତା ପଦାରେ ପଡ଼ିଥିଲା। ତେବେ ବିଶ୍ୱକପର ପିଚ୍‌ ଓ ପରିବେଶ ଭିନ୍ନ ରହିବ। ଯଶ୍‌ପ୍ରୀତ୍‌ ବୁମ୍‌ରା ଓ ହର୍ଷଲ ପଟେଲଙ୍କ ପ୍ରତ୍ୟାବର୍ତ୍ତନ ଫଳରେ ଦଳର ବୋଲିଂ ଆକ୍ରମଣ ମଜଭୁତ ହୋଇଛି। ଲୋକେଶ ରାହୁଲ ତାଙ୍କ ଓପ୍‌ନିଂ ପାର୍ଟନର ରହିବେ ବୋଲି ରୋହିତ୍‌ ଶର୍ମା ଯଦିଓ ସ୍ପଷ୍ଟ କରିଛନ୍ତି ତେବେ ବିରାଟ କୋହଲି ଇନିଂସ୍‌ ଓପନ୍‌ କରିବା ସମ୍ଭାବନା ମଧ୍ୟ ରହିଛି। ଏସିଆ କପ୍‌ରେ କୋହଲି କ୍ୟାରିୟରର ପ୍ରଥମ ଅନ୍ତର୍ଜାତୀୟ ଟି୨୦ ଶତକ ହାସଲ କରିଥିବାରୁ ତାଙ୍କ ପାଇଁ ଟପ୍‌ ଅର୍ଡର ସ୍ଥାନ ଉନ୍ମୁକ୍ତ ରହିବ। ବ୍ୟାଟିଂରେ ଟପ୍‌-୪ ସ୍ଥାନ ଯଦିଓ ସ୍ଥିର ହୋଇସାରିଛି ତେବେ ପ୍ଲେଇଂ ଇଲେଭେନରେ ଉଇକେଟ କିପର ଭାବେ ରିଷଭ ପନ୍ତ ରହିବେ ନା ଦୀନେଶ କାର୍ତ୍ତିକ ଖେଳିବେ ତାହା ଏବେ ମଧ୍ୟ ଅସମାହିତ ରହିଛି। ରବୀନ୍ଦ୍ର ଜାଡେଜା ଆହତ ଥିବାରୁ ବାମହାତୀ ବ୍ୟାଟର ଭାବେ ପନ୍ତଙ୍କ ପଲା ଭାରି ରହିବ କି ନାହିଁ ତାହା ଉପରେ ଏବେ ନଜର। ଏସିଆ କପ୍‌ରେ କାର୍ତ୍ତିକ ଖୁବ୍‌ କମ୍‌ ବ୍ୟାଟିଂ ସୁଯୋଗ ପାଇଥିଲେ। ତେଣୁ ଆଗାମୀ ୨ ସପ୍ତାହ ତାଙ୍କ ପାଇଁ ଭଲ ରହିବ ବୋଲି ସେ ନିଶ୍ଚିତ ଆଶା କରିବେ। ଦୀପକ ହୁଦା ଯଦିଓ ୟୁଏଇରେ ସୁପର ୪ ପର୍ଯ୍ୟାୟର ସମସ୍ତ ମ୍ୟାଚ୍‌ ଖେଳିଥିଲେ ତଥାପି ତାଙ୍କ ଭୂମିକାକୁ ନେଇ ସ୍ପଷ୍ଟ ଚିତ୍ର ଏପର୍ଯ୍ୟନ୍ତ ମିଳିନାହିଁ।
ଜାଡେଜା ଆହତ ଥିବାରୁ ଏସିଆ କପ୍‌ରେ ଭାରତର ବୋଲିଂ ସନ୍ତୁଳନ ବିଗିଡ଼ି ଯାଇଥିଲା। ଭାରତ ବାଧ୍ୟହୋଇ ୫ ବୋଲରଙ୍କୁ ନେଇ ଖେଳିଥିଲା। ଭାରତ ଯଦି ହାର୍ଦ୍ଦିକ ପାଣ୍ଡ୍ୟାଙ୍କ ସହିତ ଜାଡେଜାଙ୍କ ବଦଳ ଖେଳାଳି ଅକ୍ଷର ପଟେଲଙ୍କୁ ନେବ ତେବେ ଦଳରେ ଅତିରିକ୍ତ ବୋଲିଂ ବିକଳ୍ପ ଉନ୍ମୁକ୍ତ ରହିବ। ଏ କ୍ଷେତ୍ରରେ ବୁମ୍‌ରା, ଭୁବନେଶ୍ୱର କୁମାର, ହର୍ଷଲ ଓ ହାର୍ଦ୍ଦିକ ପେସ୍‌ ଆକ୍ରମଣ ଏବଂ ୟୁଜ୍‌ବେନ୍ଦ୍ର ଚହଲ ଓ ଅକ୍ଷର ସ୍ପିନ୍‌ ବିଭାଗ ଦାୟିତ୍ୱ ସମ୍ଭାଳିବେ। ଅଷ୍ଟ୍ରେଲିଆର ପରିବେଶ ଏହାଠାରୁ ସମ୍ପୂର୍ଣ୍ଣ ଭିନ୍ନ ରହିବ। ତେଣୁ ଏହାକୁ ଦୃଷ୍ଟିରେ ରଖି ଟିମ୍‌ ମ୍ୟାନେଜ୍‌ମେଣ୍ଟ ଯାହାକିଛି ନିଷ୍ପତ୍ତି ନେବ।
ଅନ୍ୟପକ୍ଷରେ ଡେଭିଡ ଓ୍ବାର୍ନରଙ୍କ ସମେତ କେତେକ ସିନିୟର ଖେଳାଳିଙ୍କୁ ବିଶ୍ରାମ ଦେଇ ଅଷ୍ଟ୍ରେଲିଆ ଏଠାକୁ ଆସିଛି। ମିଚେଲ ଷ୍ଟାର୍କ, ମାର୍କସ ଷ୍ଟୋଇନିସ ଓ ମିଚେଲ ମାର୍ଶ ଆହତ ଥିବାରୁ ଭାରତ ଆସିନାହାନ୍ତି। ତେବେ ଅନ୍ତର୍ଜାତୀୟ ଦିନିକିଆରୁ ନିକଟରେ ଅବସର ନେଇଥିବା ଅଧିନାୟକ ଆରୋନ ଫିଞ୍ଚ୍‌ ବ୍ୟକ୍ତିଗତ ଭାବେ ଅଧିକରୁ ଅଧିକ ରନ୍‌ କରିବା ଉପରେ ଲକ୍ଷ୍ୟ ରଖିବେ ନିଶ୍ଚିତ। ଆଉ ଜଣେ ଖେଳାଳି ଆକର୍ଷଣର କେନ୍ଦ୍ରରେ ରହିବେ। ସେ ହେଲେ ଟିମ୍‌ ଡାଭିଡ। ସିଙ୍ଗାପୁର ପକ୍ଷରୁ ଅନ୍ତର୍ଜାତୀୟ କ୍ରିକେଟ ଖେଳିବା ପରେ ସେ ଏବେ ଅଷ୍ଟ୍ରେଲିଆରୁ କ୍ୟାରିୟର ଆରମ୍ଭ କରିବାକୁ ଯାଉଛନ୍ତି।
ଭାରତୀୟ ଦଳ: ରୋହିତ୍‌ ଶର୍ମା (ଅଧିନାୟକ), ଲୋକେଶ ରାହୁଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ଦୀପକ ହୁଦା, ରିଷଭ ପନ୍ତ, ଦୀନେଶ କାର୍ତ୍ତିକ, ହାର୍ଦ୍ଦିକ ପାଣ୍ଡ୍ୟା, ରବିଚନ୍ଦ୍ରନ ଅଶ୍ୱିନ, ୟୁଜ୍‌ବେନ୍ଦ୍ର ଚହଲ, ଅକ୍ଷର ପଟେଲ, ଭୁବନେଶ୍ୱର କୁମାର, ହର୍ଷଲ ପଟେଲ, ଦୀପକ ଚହର, ଯଶ୍‌ପ୍ରୀତ୍‌ ବୁମ୍‌ରା, ଉମେଶ ଯାଦବ।
ଅଷ୍ଟ୍ରେଲିଆ ଦଳ: ଆରୋନ ଫିଞ୍ଚ୍‌ (ଅଧିନାୟକ), ସିଅନ ଆବୋଟ, ଅଷ୍ଟନ ଅଗର, ପ୍ୟାଟ୍‌ କୁମିନ୍ସ, ଟିମ୍‌ ଡାଭିଡ, ନାଥାନ ଏଲିସ, କାମେରନ ଗ୍ରୀନ୍‌, ଜୋଶ୍‌ ହାଜେଲଉଡ୍‌, ଜୋଶ୍‌ ଇଂଲିଶ୍‌, ଗ୍ଲେନ ମ୍ୟାକ୍ସଓ୍ବେଲ, କେନ୍‌ ରିଚାର୍ଡଶନ, ଡାନିଏଲ ସାମ୍ସ, ଷ୍ଟିଭ୍‌ ସ୍ମିଥ, ମାଥ୍ୟୁ ଓ୍ବାଡେ, ଆଡାମ ଜାମ୍ପା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ମୁଖ୍ୟମନ୍ତ୍ରୀଙ୍କୁ ଏଫ୍‌ଆଇଏଚ୍‌ ପ୍ରେସିଡେଣ୍ଟ୍ସ ଆୱାର୍ଡ

ଭୁବନେଶ୍ୱର, ୩।୧୧(କ୍ରୀଡ଼ା ପ୍ରତିନିଧି)-ଓଡ଼ିଶାରେ କ୍ରୀଡ଼ା ଭିତ୍ତିଭୂମୀର ଦ୍ରୁତ ବିକାଶ ଘଟିଛି। ବିଶ୍ୱସ୍ତରୀୟ ଭିତ୍ତିଭୂମି ଉପଲବ୍ଧ ଯୋଗୁ ଏଠାରେ ଗତ କିଛିବର୍ଷ ଧରି ଅନ୍ତର୍ଜାତୀୟ ସ୍ତରରେ ବହୁ...

ଧୋନୀଙ୍କ ଟ୍ରେନିଂ ଆରମ୍ଭ

ନୂଆଦିଲ୍ଲୀ,୧୫।୧୧(ପି.ଟି.)- ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ରାଞ୍ଚିଠାରେ ଅଭ୍ୟାସ ଆରମ୍ଭ କରିଛନ୍ତି। ଚଳିତବର୍ଷ ଇଂଲଣ୍ଡରେ ଅନୁଷ୍ଠିତ ଆଇସିସି ବିଶ୍ୱକପ୍‌ରୁ ଭାରତୀୟ ଦଳ ଫେରିବା...

ମହାମୁକାବିଲା ପୂର୍ବରୁ ଭାରତ-ପାକିସ୍ତାନ ଭିତରେ ବିଜ୍ଞାପନ ଯୁଦ୍ଧ: ଭାରତ ନେଲା ଅଭିନନ୍ଦନଙ୍କ ପ୍ରତିଶୋଧ

ନୂଆଦିଲ୍ଲୀ,୧୫।୬: ଭାରତ-ପାକିସ୍ତାନ ମଧ୍ୟରେ ବହୁ ପ୍ରତିକ୍ଷୀତ ଆଇସିସି ଓ୍ବାଲ୍ଡ କପ୍‌ ମ୍ୟାଚ ରବିବାର ମେଞ୍ଚଷ୍ଟାରରେ ଅନୁଷ୍ଠିତ ହେବାକୁ ଯାଉଛି। ହେଲେ ଗ୍ରାଉଣ୍ଡ ଫ୍ଲୋରରେ ମୁହାଁମୁହିଁ ହେବା...

କ୍ରିକେଟ କମିଟି ପଦତ୍ୟାଗ କଲେ ମିସବା

କରାଚୀ,୨୬।୮: ପୂର୍ବତନ ପାକିସ୍ତାନ କ୍ରିକେଟ ଦଳର ଅଧିନାୟକ ମିସବା ଉଲ ହକ୍‌ ପିସିବି କ୍ରିକେଟ କମିଟି ପଦରୁ ଇସ୍ତଫା ଦେଇଛନ୍ତି। ଜାତୀୟ ଦଳର ମୁଖ୍ୟ କୋଚ୍‌...

ଉପଅଧିନାୟକ ରାହାନେଙ୍କ ସହ ସମ୍ପର୍କକୁ ନେଇ ସ୍ପଷ୍ଟ କଲେ କୋହଲି, କହିଲେ…

ନୂଆଦିଲ୍ଲୀ,୪।୨: ଅଷ୍ଟ୍ରେଲିଆ ବିପକ୍ଷ ସିରିଜରେ ଭାରତର କାମଚଳା ଅଧିନାୟକ ଦାୟିତ୍ୱ ସମ୍ଭାଳିଥିବା ଅଜିଙ୍କ୍ୟ ରାହାନେ ବେଶ୍‌ ପ୍ରଶଂସିତ ହୋଇଥିଲେ। ନିଜର ଶାନ୍ତ ସ୍ବଭାବ ସାଙ୍ଗକୁ ଖେଳାଳି...

ଇତିହାସ ରଚିଲେ ଆମି: ମାତ୍ର ୧୬ ବର୍ଷ ବୟସରେ କଲେ ଏମିତି କାରନାମା

ହରାରେ,୧୨।୧୦: ଜିମ୍ବାୱେ ବିପକ୍ଷରେ ଆୟାରଲାଣ୍ଡ ମହିଳା ବ୍ୟାଟ୍ସମ୍ୟାନ ଆମି ହଣ୍ଟର୍‌ ନିଜର ପ୍ରଥମ ଦିନିକିଆ ଶତକ ହାସଲ କରିଛନ୍ତି। ସେ ଦିନିକିଆରେ ଏକ ଶତକ ହାସଲ...

ଭାରତୀୟ ଅଭିନେତ୍ରୀଙ୍କୁ ଅପହରଣ କରିନେଇ ବିବାହ କରିବାକୁ ଚାହୁଁଥିଲେ ଏହି କ୍ରିକେଟର୍‌

ବଲିଉଡ ଏବଂ କ୍ରିକେଟରଙ୍କ ପ୍ରେମ ସମ୍ପର୍କ ବହୁ ପୁରୁଣା। ବହୁ ପୁରୁଖା କ୍ରିକେଟର ବଲିଉଡ ଅଭିନେତ୍ରୀଙ୍କୁ ପ୍ରେମ ଓ ବିବାହ କରିବା ଖବର ସର୍ବଦା ଚର୍ଚ୍ଚାରେ...

ମ୍ୟାଚ୍‌ ମଝିରେ ଟଳିପଡ଼ିଲେ ଖେଳାଳି

ଅକ୍‌ଲ୍ୟାଣ୍ଡ,୧୮।୩: ଦିନିକିଆ ମହିଳା ବିଶ୍ୱକପ୍‌ରେ ବାଲାଂଦେଶ ବିପକ୍ଷ ଓ୍ବେଷ୍ଟଇଣ୍ଡିଜ୍‌ ମ୍ୟାଚ୍‌ ବେଳେ ଘଟିଛି ଅଘଟଣ। ଶୁକ୍ରବାର ମ୍ୟାଚ୍‌ ଚାଲିଥିବା ବେଳେ ଓ୍ବେଷ୍ଟଇଣ୍ଡିଜର ଦ୍ରୁତ ବୋଲର ଶାମିଲିଆ...

Advertisement
Archives

Model This Week