ଲଣ୍ଡନ: ମୋଟାପା ହେଉଛି ଅନେକ ରୋଗର ଗନ୍ତାଘର। ସେଥିପାଇଁ ଲୋକେ ଏବେ ଫିଟ୍ନେସ ପ୍ରତି ଅଧିକ ଧ୍ୟାନ ଦେଉଛନ୍ତି। ନିକଟରେ ବ୍ରିଟେନର ଜଣେ ବ୍ୟକ୍ତି ତାଙ୍କ ମୋଟାପା କାରଣରୁ ଚର୍ଚ୍ଚାରେ ଅଛନ୍ତି। ୩୩ ବର୍ଷୀୟ ଜଶନ ହଲଟନଙ୍କ ଓଜନ ୨୯୮ କିଲୋ। ଅଧିକ ମୋଟା କାରଣରୁ ତାଙ୍କ ଦେହରେ ରକ୍ତ ଜମାଟ ବାନ୍ଧି ଦେଇଛି। ଫଳରେ ତାଙ୍କର ଜୀବନ ଯିବା ଭଳି ସମ୍ଭାବନା ରହିଛି। ତେବେ ଡାକ୍ତର ତାଙ୍କ ଶରୀର ଏକ୍ସ-ରେ କରିବାକୁ ପରାମର୍ଶ ଦେଇଥିଲେ। ହେଲେ ସେ ଯେତେବେଳେ ଏକ୍ସ-ରେ ପାଇଁ ଗଲେ, ସେତେବେଳେ ଏକ୍ସ-ରେ ମେଶିନ ତାଙ୍କ ଓଜନ ସମ୍ଭାଳି ନ ପାରି ଭାଙ୍ଗି ଯାଇଥିଲା। ପରେ ତାଙ୍କୁ ଚିଡିଆଖାନାକୁ ପଠାଇ ଦିଆଗଲା। ସେଠାରେ ପ୍ରାଣୀଙ୍କ ପାଇଁ ଥିବା ମେଶିନରେ ତାଙ୍କର ଏକ୍ସ-ରେ କରାଗଲା। ଜଶନ ସେତେବେଳେ ଚର୍ଚ୍ଚାକୁ ଆସିଲେ, ଯେତେବେଳେ ତାଙ୍କୁ ଘରୁ ଏକ କ୍ରେନ୍ ସାହାଯ୍ୟରେ ବାହାରକୁ କଢାଗଲା। ତାଙ୍କୁ ବାହାର କରିବାକୁ ମୋଟ ୩୦ ଦମକଳ ବାହିନୀ ନିଯୁକ୍ତ ହୋଇଥିଲେ। ଗତ କିଛିଦିନ ହେବ ଜଶନଙ୍କ ସ୍ବାସ୍ଥ୍ୟାବସ୍ଥା ଠିକ୍ ନାହିଁ। ପୂର୍ବରୁ ଜଶନ କେବଳ ଖାଇବାକୁ ପସନ୍ଦ କରୁଥିଲେ। ଘରୁ କୁଆଡ଼େ ବାହାରକୁ ଯିବାକୁ ଇଚ୍ଛା କରୁ ନ ଥିଲେ। ଜଶନଙ୍କ ମା’ ତାଙ୍କର ସମସ୍ତ ଧ୍ୟାନ ରଖନ୍ତି। ଡାକ୍ତରଙ୍କ କହିବା କଥା ଯେ ଏପରି ମୋଟାପଣରେ ୪୦ରୁ ଅଧିକ ବୟସ ବଞ୍ଚିବା କଷ୍ଟକର।
