Posted inଜାତୀୟ

ଭାଜପା ସହ ମେଣ୍ଟ କରି ନଷ୍ଟ ହୋଇଛି ୨୫ ବର୍ଷ: ଉଦ୍ଧବ

ମୁମ୍ବାଇ,୨୫।୧: ଭାଜପା ସହ ମେଣ୍ଟ କରି ତାଙ୍କ ଦଳ ଶିବସେନା ୨୫ ବର୍ଷ ନଷ୍ଟ କରିଥିବା ସେ ବିଶ୍ୱାସ କରନ୍ତି ବୋଲି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେ କହିଛନ୍ତି। ଶିବସେନା ଭାଜପାକୁ ପରିତ୍ୟାଗ କରିବାକୁ ନିଷ୍ପତ୍ତି ନେଇଥିଲେ ମଧ୍ୟ ହିନ୍ଦୁତ୍ୱକୁ କଦାପି ଛାଡ଼ିବ ନାହିଁ। ଭାଜପା ହିନ୍ଦୁତ୍ୱର ପ୍ରତିଶବ୍ଦ ନୁହେଁ ବୋଲି ଶିବସେନା ଅଧ୍ୟକ୍ଷ କହିଛନ୍ତି। ଶିବସେନାର ପ୍ରତିଷ୍ଠାତା ବାଲ୍‌ ଠାକ୍‌ରେଙ୍କ ଜନ୍ମବାର୍ଷିକୀ ଅବସରରେ ରବିବାର ଦଳୀୟ ନେତା ଓ କର୍ମୀମାନଙ୍କୁ ଉଦ୍‌ବୋଧନ ଦେଇ ଉଦ୍ଧବ କହିଥିଲେ, ଭାଜପା ସହ ମେଣ୍ଟ କରି ଆମେ ୨୫ ବର୍ଷ ବରବାଦ କରିଛୁ। ହିନ୍ଦୁତ୍ୱ ଛାଡ଼ିଥିବାରୁ ଆମକୁ ସମାଲୋଚନା କରାଯାଉଛି। ଆମେ ଭାଜପାକୁ ଛାଡ଼ିଥିଲେ ହେଁ ହିନ୍ଦୁତ୍ୱ ବର୍ଜନ କରିନାହୁଁ ବୋଲି ଉଦ୍ଧବ ଦୋହରାଇଛନ୍ତି। ଭାଜପାର ହିନ୍ଦୁତ୍ୱ ରାଜନୀତି ସଂସ୍କରଣକୁ ଶିବସେନା ନେତା ସୁବିଧାବାଦୀ କହି ସମାଲୋଚନା କରିଛନ୍ତି। କ୍ଷମତା ପାଇଁ ଭାଜପା ହିନ୍ଦୁତ୍ୱକୁ ବ୍ୟବହାର କରୁଛି। ଯେଉଁମାନେ ଜରୁରୀ ପରିସ୍ଥିତି ସମୟକୁ ସମାଲୋଚନା କରିଥିଲେ, ସେମାନେ ଏବେ ଦେଶରେ ଅଦୃଶ୍ୟ ଇମର୍ଜେନ୍ସିକୁ ସମର୍ଥନ କରୁଥିତ୍ବା ସେ କହିଛନ୍ତି।
ଉଦ୍ଧବଙ୍କ ୨୫ ବର୍ଷ ନଷ୍ଟ ମନ୍ତବ୍ୟକୁ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ଭାଜପା ନେତା ଦେବେନ୍ଦ୍ର ଫଡ୍‌ନବିସ୍‌ ଏବଂ ରାମ କାଡାମ ସମାଲୋଚନା କରିଛନ୍ତି। ଶିବସେନା ମୁଖ୍ୟ ଉଦ୍ଧବ ଠାକ୍‌ରେ ଇତିହାସକୁ ଭୁଲିଯାଇଛନ୍ତି। ୨୦୧୨ ପର୍ଯ୍ୟନ୍ତ ବାଲାସାହେବ ମେଣ୍ଟ ନେତା ଥିଲେ। ତେଣୁ ଉଦ୍ଧବଙ୍କ ମନ୍ତବ୍ୟ ବାଲାସାହେବଙ୍କ ମେଣ୍ଟ ନିଷ୍ପତ୍ତି ଉପରେ ପ୍ରଶ୍ନ ଉଠାଉଛି ବୋଲି ଫଡ୍‌ନବିସ କହିଛନ୍ତି। ଶିବସେନାର ନୀତି ଆଦର୍ଶ ଉପରେ ପ୍ରଶ୍ନ ଉଠାଇଛନ୍ତି ରାମ କାଡ଼ାମ। ଶିବସେନା ସୃଷ୍ଟି ହେବା ପୂର୍ବରୁ ଭାଜପାର କର୍ପୋରେଟର ଓ ବିଧାୟକ ଥିଲେ। ଶିବସେନା ଭାଜପା ଚିହ୍ନରେ ଗୋଟିଏ ଆସନରେ ଲୋକ ସଭା ନିର୍ବାଚନ ଲଢ଼ିଥିଲା ବୋଲି ଫଡ୍‌ନବିସ କହିଛନ୍ତି। ଭାଜପା ସହ ରହି ସେମାନେ ରାଜ୍ୟରେ ନମ୍ବର ଓ୍ବାନ୍‌ର ପରିଚୟ ପାଇଥିଲେ। ଏବେ ସେମାନେ ୪ ନମ୍ବରରେ। ହିନ୍ଦୁତ୍ୱ ପ୍ରତି ଶିବସେନାର କୌଣସି ଅବଦାନ ନାହିଁ। ଏହାର ହିନ୍ଦୁତ୍ୱ କେବଳ କାଗଜ କଲମରେ। ଉଦ୍ଧବଜୀ ହିନ୍ଦୁତ୍ୱ ଉପରେ କହିବା ବନ୍ଦ କରନ୍ତୁ ବୋଲି ଫଡ୍‌ନବିସ କହିଛନ୍ତି। ହିନ୍ଦୁତ୍ୱ ଉପରେ ଭାଷଣ ଦେବା ପୂର୍ବରୁ ଦଳରେ ବାଲ୍‌ ଠାକ୍‌ରେଙ୍କ ନୀତି ଆଦର୍ଶକୁ ଅନୁପାଳନ କରାଯାଉଛି କି ନାହିଁ, ଉଦ୍ଧବ ଆତ୍ମସମୀକ୍ଷା କରନ୍ତୁ ବୋଲି ରାମ କାଡାମ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଳମ୍ବିତ ରାତିରେ ପାର୍ଟି କରୁଥିଲେ କିଛି ଯୁବତୀ, ଆଉ ତା’ ପରେ…

ଲକ୍ଷ୍ନୌ,୩୦ା୮: ଉତ୍ତରପ୍ରଦେଶର ଗ୍ରେଟର ନୋଏଡାଠାରେ ବିନା ଅନୁମତିରେ ପାର୍ଟି କରୁଥିବା ୭ ବିଦେଶୀ ପୁରୁଷ ଏବଂ ୪ ବିଦେଶୀ ଯୁବତୀଙ୍କ ସମେତ ୧୧ ଜଣଙ୍କୁ ଗିରଫ...

ଆଶିଷଙ୍କ ଜାମିନ ମାମଲା, ରାୟ ସଂରକ୍ଷିତ ରଖିଲେ ସୁପ୍ରିମ୍‌କୋର୍ଟ…

ନୂଆଦିଲ୍ଲୀ, ୫।୪ : ଲଖୀମପୁର ଖେରୀ ମାମଲାରେ ଆଶିଷ ମିଶ୍ରଙ୍କ ଜାମିନ ନେଇ ସୁପ୍ରିମ୍‌କୋର୍ଟ ରାୟ ସଂରକ୍ଷିତ ରଖିଛନ୍ତି। ତାଙ୍କ ଜାମିନ ଖାରଜ ପାଇଁ କରାଯାଇଥିବା...

ବିବାହ ପରେ ବି ପ୍ରେମରେ ପଡିଥିଲେ ମୁଖ୍ୟମନ୍ତ୍ରୀ ଅମରିନ୍ଦର ସିଂ

ବଲିଉଡ୍‌ ପ୍ରେମ କାହାଣୀ ଯେତିକି ରୋଚକପୂର୍ଣ୍ଣ ଭାରତୀୟ ରାଜନେତାଙ୍କ ପ୍ରେମ କାହାଣୀ ମଧ୍ୟ ସେତିକି ରୋମାଞ୍ଚକର। ଏଠି ଅଧିକାଂଶ ନେତା ପ୍ରେମରେ ପଡି ଆସିଛନ୍ତି ଚର୍ଚ୍ଚାକୁ।...

ବିହାର ବିଧାନସଭା ନିର୍ବାଚନ: ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ଆରମ୍ଭ

ପାଟନା,୨୮ ।୧୦: ବିହାର ବିଧାନସଭା ନିର୍ବାଚନ ୨୦୨୦ ପାଇଁ ବୁଧବାର ସକାଳୁ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ଆରମ୍ଭ ହୋଇଛି । ପ୍ରଥମ ପର୍ଯ୍ୟାୟରେ ୧୬...

ସୂର୍ଯ୍ୟୋପରାଗର ବିରଳ ଦୃଶ୍ୟ ଦେଖିଲେ ମୋଦି

ନୂଆଦିଲ୍ଲୀ,୨୬।୧୨: ଚଳିତ ବର୍ଷର ଶେଷ ସୂର୍ଯ୍ୟୋପରାଗ ଗୁରୁବାର ଦୃଶ୍ୟମାନ ହୋଇଛି। ଏହି ବିରଳ ଦୃଶ୍ୟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଖିଥିବା ବେଳେ ଏହାର ଏକ ଫଟୋ...

ଗିରଫ ହେଲେ ଶରଜିଲ

ଜହାନାବାଦ,୨୮।୧: ଜବାହରଲାଲ ନେହେରୁ ୟୁନିଭର୍ସିଟି (ଜେଏନ୍‌ୟୁ)ର ଛାତ୍ର ଶରଜିଲ ଇମାମଙ୍କୁ ଦେଶଦ୍ରୋହ ମାମଲାରେ ଗିରଫ କରାଯାଇଛି। ଦିଲ୍ଲୀ ପୋଲିସର କ୍ରାଇମ୍‌ବ୍ରାଞ୍ଚ ଟିମ୍‌ ଓ ବିହାର ପୋଲିସର...

୧୯ % ଘରେ ବ୍ୟବହାର ହେଉନି ଶୌଚାଳୟ

ନୂଆଦିଲ୍ଲୀ,୧୨।୫: ନ୍ୟାଶନାଲ୍‌ ଫ୍ୟାମିଲି ହେଲ୍‌ଥ ସର୍ଭେ (ଏନ୍‌ଏଫ୍‌ଏଚ୍‌ଏସ୍‌) ରିପୋର୍ଟ ଅନୁସାରେ ଦେଶରେ ୧୯ ପ୍ରତିଶତ ଲୋକ ଘରେ ଶୌଚାଳୟ ବ୍ୟବହାର କରୁନାହାନ୍ତି। ଅର୍ଥାତ୍‌ ସେମାନେ ବର୍ତ୍ତମାନ...

ଭାରତରେ ବଢ଼ିବ ଗ୍ରୀଷ୍ମ ପ୍ରବାହ

ନୂଆଦିଲ୍ଲୀ, ୧୦।୮: ଆଗାମୀ ଦଶନ୍ଧିଗୁଡ଼ିକରେ ଭାରତରେ ଗ୍ରୀଷ୍ମ ପ୍ରବାହ ବଢ଼ିବା ସହ ଅନାବୃଷ୍ଟି, ଅତିବୃଷ୍ଟି ଦେଖାଦେବ। ଏଥିସହିତ ଦେଶ ଅଧିକ ବାତ୍ୟାର ସମ୍ମୁଖୀନ ହେବ ବୋଲି...

Advertisement
Archives

Model This Week