କେନ୍ଦୁଝର,୩୧।୧୦(ସ୍ବ.ପ୍ର.): ଅତିରିକ୍ତ ଜିଲା ଓ ସ୍ବତନ୍ତ୍ର ଜଜ୍ ଅନୀଲ କୁମାର ଦତ୍ତ ସୋମବାର ଏକ ନାବାଳିକା ବଳାତ୍କାର ମାମଲାର ବିଚାର କରି ଜଣେ ୩୧ ବର୍ଷୀୟ ଯୁବକଙ୍କୁ ୨୦ବର୍ଷ ଜେଲ୍ ଦଣ୍ଡାଦେଶ ଶୁଣାଇଛନ୍ତି। ଏଥିସହ ୨୦ ହଜାର ଟଙ୍କା ଜରିମାନା କରିଛନ୍ତି। ଅଭିଯୁକ୍ତ ଜଣଙ୍କ ହେଲେ ଯୋଡା ଥାନା ଅଞ୍ଚଳର କିଶୋର ପିଙ୍ଗୁଆ। ଜରିମାନା ଅନାଦେୟ ଅଧିକ ୬ ମାସ ଜେଲଦଣ୍ଡ ଭୋଗିବାକୁ ଆଦେଶ ଦେଇଛନ୍ତି କୋର୍ଟ।
ପ୍ରକାଶ ଯେ, ୨୦୧୮ ଅଗଷ୍ଟ ୨୫ ତାରିଖରେ ଏହି ଘଟଣା ଘଟିଥିଲା। ଅଭିଯୁକ୍ତ ଜଣଙ୍କ ପ୍ରୋଲୋଭନ ଦେଖାଇ ନାବାଳିକାଙ୍କୁ ଜଙ୍ଗଲକୁ ନେଇ ବଳାତ୍କାର କରିଥିଲେ। ଏ ନେଇ ୨୭ ତାରିଖରେ ପୀଡିତାଙ୍କ ପରିବାର ଲୋକ ଥାନାରେ ଲିଖିତ ଏତଲା ଦେବା ପରେ ପୋଲିସ କେସ ନମ୍ବର ୧୪୪/୨୦୧୮ରେ କେସ ରୁଜୁ କରି କିଶୋରଙ୍କୁ ଗିରଫ କରାଯାଇଥିଲା।
ପୋଲିସ ଆଇପିସିର ଦଫା ୩୭୬(ଏ ଓ ବି) ତଥା ପୋକ୍ସୋ ଆଇନର ୬ ଧାରାରେ ମାମଲା ରୁଜୁ କରିଥିଲା ା ୧୬ ଜଣ ସାକ୍ଷୀ ଓ ପୋଲିସ ତଦନ୍ତ ରିପୋର୍ଟକୁ ଭିତ୍ତି କରି କୋର୍ଟ ଏହି ଆଦେଶ ଦେଇଥିବା ସ୍ବତନ୍ତ୍ର ପବ୍ଲିକ୍ ପ୍ରସିକ୍ୟୁଟର ଗଣେଶ ପ୍ରସାଦ ମହାପାତ୍ର କହିଛନ୍ତି। ସେହିପରି କ୍ଷତିପୂରଣ ଆଇନ ଅନୁଯାୟୀ ପୀଡିତାଙ୍କୁ ୪ ଲକ୍ଷ ଟଙ୍କା ଦେବାକୁ ଆଦେଶ ହୋଇଛି।
