ବଡ଼ସାହି,୧୧ା୮: ମୟୂରଭଞ୍ଜ ଜିଲା ବଡ଼ସାହି ବ୍ଲକ ଅଧୀନ ଛେଳିଆ(କ) ପଞ୍ଚାୟତ ନିକଟସ୍ଥ ଖଡ଼ିକାପଦା ପୋଲ ଉପରେ ୨ ଫୁଟରୁ ଊର୍ଦ୍ଧ୍ୱ ଜଳ ପ୍ରବାହିତ ହେଉଛି। ଫଳରେ ଆଖପାଖ ଗଁାକୁ ଯୋଗାଯୋଗ ବିଚ୍ଛିନ୍ନ ହୋଇପଡ଼ିଛି। ଲଗାଣ ବର୍ଷା ଯୋଗୁ ଅଞ୍ଚଳରେ ବନ୍ୟା ସ୍ଥିତି ସୃଷ୍ଟି ହୋଇଛି। ଏହି ପୋଲଟି ଚାନ୍ଦଡ଼ିହା ମା’ ହିଙ୍ଗୁଳା ପୀଠ ଦେଇ କୁଆମରାକୁ ସଂଯୋଗ କରୁଥିବା ବେଳେ ପ୍ରାୟ ୩୦ଟି ଗ୍ରାମର ଲୋକେ ଏହା ଉପରେ ନିର୍ଭର କରିଥାନ୍ତି। ପୋଲର ଉଚ୍ଚତା କମ୍ ଥିବାରୁ ସାମାନ୍ୟ ବର୍ଷା ହେଲେ ତାହା ବୁଡ଼ିଯାଏ। ଦୀର୍ଘ ଦିନ ତଳେ ପୋଲଟି ନିର୍ମାଣ ହୋଇଥିବାରୁ ଏବେ ଏହା ଦୁର୍ବଳ ଅବସ୍ଥାରେ ରହିଛି। ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଅଞ୍ଚଳବାସୀ ଦାବି କରିଛନ୍ତି।