୧୭୪ ସ୍କୁଲରେ ଝୁଲିବ ତାଲା

ଅନୁଗୋଳ ଅଫିସ, ୧୯ା୧୦:  ଅନୁଗୋଳ ଜିଲାର ଆଉ ୧୭୪ ବିଦ୍ୟାଳୟରେ ତାଲା ଝୁଲାଇବେ ସରକାର। ବନ୍ଦ ହେବାକୁ ଥିବା ଏହି ପ୍ରାଥମିକ ଓ ଉଚ୍ଚ ପ୍ରାଥମିକ ସ୍କୁଲଗୁଡ଼ିକୁ ଚିହ୍ନଟ କରାଯାଇସାରିଛି। ବିଶେଷକରି ୨୦ରୁ କମ୍‌ ଛାତ୍ରୀଛାତ୍ର ଥିବା ଶିକ୍ଷାନୁଷ୍ଠାନରେ ତାଲା ପକାଇ ଏହାକୁ ନିକଟସ୍ଥ ବିଦ୍ୟାଳୟରେ ମିଶାଇ ଦିଆଯିବ। ଗଣଶିକ୍ଷା ବିଭାଗର ନିର୍ଦ୍ଦେଶ ପରେ ସର୍ବଶିକ୍ଷା ଅଭିଯାନ ପକ୍ଷରୁ ଏ ନେଇ ରିପୋର୍ଟ ପ୍ରଦାନ କରାଯାଇ ସାରିଥିବା ଜିଲା ଶିକ୍ଷାଧିକାରୀଙ୍କ କାର୍ଯ୍ୟାଳୟରୁ ସୂଚନା ମିଳିଛି। ବନ୍ଦ ହେବାକୁ ଯାଉଥିବା ଏହି ଶିକ୍ଷାନୁଷ୍ଠାନଗୁଡ଼ିକ ମଧ୍ୟରୁ କେତୋଟି ଉପାନ୍ତ ଆଦିବାସୀ ଅଞ୍ଚଳରେ ଥିବାରୁ ଏହାକୁ ନେଇ ଅସନ୍ତୋଷ ପ୍ରକାଶ ପାଇଛି।
୨୦୧୫ରୁ ୨୦୨୦ ମଧ୍ୟରେ ବିଭିନ୍ନ ପର୍ଯ୍ୟାୟରେ ଅନୁଗୋଳ ଜିଲାର ୧୧୦ ବିଦ୍ୟାଳୟରେ ରାଜ୍ୟ ସରକାର ତାଲା ଝୁଲାଇ ସାରିଛନ୍ତି। ପ୍ରଥମେ ୫ରୁ କମ୍‌ ଛାତ୍ରୀଛାତ୍ର ଥିବା ସ୍କୁଲକୁ ବନ୍ଦ କରାଯାଇଥିଲା। ଏହାପରେ ୧୦ରୁ କମ୍‌ ଉପସ୍ଥାନ ଥିବା ସ୍କୁଲକୁ ଟାର୍ଗେଟ୍‌ କରାଗଲା। ଆଉ ଏବେ ଯେଉଁ ସ୍କୁଲରେ ଛାତ୍ରୀଛାତ୍ରଙ୍କ ସଂଖ୍ୟା ୨୦ରୁ କମ୍‌ ତାହାକୁ ବନ୍ଦ କରାଯିବାକୁ ନିଷ୍ପତ୍ତି ନିଆଯାଇଛି। ଜିଲାରେ ମୋଟ୍‌ ୮୪୯ଟି ପ୍ରାଥମିକ ଓ ୫୩୦ଟି ଉଚ୍ଚ ପ୍ରାଥମିକ ବିଦ୍ୟାଳୟ ରହିଛି। ସେଥିରୁ ୧୨୫ଟିରେ ଛାତ୍ରୀଛାତ୍ରଙ୍କ ସଂଖ୍ୟା ୨୦ ଛୁଇଁନାହିଁ। ସେହିପରି ଗୋଟିଏ କିଲୋମିଟର ପରିଧିରେ ଏକରୁ ଅଧିକ ରହିଥିବା ବିଦ୍ୟାଳୟ ଓ ୪୦ରୁ କମ୍‌ ଛାତ୍ରୀଛାତ୍ର ଥିବା ୩୨ଟି ଶିକ୍ଷାନୁଷ୍ଠାନକୁ ମଧ୍ୟ ସର୍ବଶିକ୍ଷା ଅଭିଯାନ ପକ୍ଷରୁ ଚିହ୍ନଟ କରାଯାଇ ବନ୍ଦ ପାଇଁ ରିପୋର୍ଟ ଦିଆଯାଇଛି। ଉକ୍ତ ରିପୋର୍ଟ ଯାଞ୍ଚ କରିବା ପରେ ସରକାର ମୋଟ୍‌ ୧୭୪ଟି ବିଦ୍ୟାଳୟ ବନ୍ଦ ନେଇ ନିଷ୍ପତ୍ତି ନେବେ। ଏସବୁ ଶିକ୍ଷାନୁଷ୍ଠାନ ତାଲିକାରେ ଅନୁଗୋଳ ପୌରପାଳିକାର ୫ଟି ସ୍କୁଲ ଥିବାବେଳେ ଅନୁଗୋଳ ବ୍ଲକର ୧୪, ବଅଁରପାଳ ବ୍ଲକର ୧୧, ଛେଣ୍ଡିପଦା ବ୍ଲକର ୩୦, କଣିହଁା ବ୍ଲକର ୨୬, ପାଲଲହଡ଼ା ବ୍ଲକର ୨୭, ତାଳଚେର ବ୍ଲକର ୧୦, ତାଳଚେର ପୌରାଞ୍ଚଳର ଗୋଟିଏ, କିଶୋରନଗର ବ୍ଲକର ୨୬ ଓ ଆଠମଲ୍ଲିକ ବ୍ଲକର ୨୩ ଏବଂ ଏନ୍‌ଏସିର ୧ଟି ବିଦ୍ୟାଳୟ ରହିଛି। ତେବେ ପ୍ରସ୍ତୁତ ହୋଇଥିବା ଏହି ତାଲିକାକୁ ନେଇ ଅଭିଭାବକ ମହଲରେ ଅସନ୍ତୋଷ ଦେଖାଦେଇଛି। ଜିଲାର ବିଭିନ୍ନ ବ୍ଲକର ଆଦିବାସୀ ଅଧ୍ୟୁଷିତ ଅଞ୍ଚଳକୁ ଗମନାଗମନ ସୁବିଧା ନ ଥିବାବେଳେ ଏଠାରେ ଥିବା ସ୍କୁଲଗୁଡ଼ିକ ବନ୍ଦ କରାଗଲେ ବହୁ ଛାତ୍ରୀଛାତ୍ର ଶିକ୍ଷା ଭଳି ମୌଳିକ ସୁବିଧାରୁ ବଞ୍ଚତ୍ତ ହେବେ ବୋଲି ଅଭିଭାବକମାନେ କହିଛନ୍ତି।

ସରକାରଙ୍କ ନିଷ୍ପତ୍ତି ପାଳନ କରୁଛୁ
ଜିଲାର ୧୭୪ଟି ସ୍କୁଲକୁ ନିକଟସ୍ଥ ଶିକ୍ଷାନୁଷ୍ଠାନ ସହ ମିଶ୍ରଣ କରାଯିବ। ଏ ନେଇ ସର୍ଭେ ପରେ ଜିଲାପାଳଙ୍କ ଅନୁମତି ନିଆଯାଇଛି। ଗଣଶିକ୍ଷା ବିଭାଗକୁ ରିପୋର୍ଟ ପଠାଯାଇଛି। ସରକାରଙ୍କ ନିର୍ଦ୍ଦେଶ ଅନୁଯାୟୀ କାର୍ଯ୍ୟ କରାଯାଉଛି। ଉଦ୍ଦେଶ୍ୟମୂଳକ ଭାବେ କୌଣସି ବିଦ୍ୟାଳୟକୁ ବନ୍ଦ କରାଯାଇ ନାହିଁ। ଛାତ୍ରୀଛାତ୍ରଙ୍କର ମଧ୍ୟ କୌଣସି ସମସ୍ୟା ହେବ ନାହିଁ।
-କଳ୍ପନା ବେହେରା, ଜିଲା ଶିକ୍ଷା ଅଧିକାରୀ

ବହୁ ପିଲା ଶିକ୍ଷାରୁ ବଞ୍ଚତ୍ତ ହେବେ
ବିଦ୍ୟାଳୟ ବନ୍ଦ ହେବା କଥା ଶୁଣି ଛାନିଆ ଲାଗୁଛି। ଘର ପାଖରେ ସ୍କୁଲ ଥିବାରୁ ପିଲାମାନେ ନଜରରେ ରହୁଥିଲେ। ସ୍କୁଲ ଦୂର ହେଲେ ନାନା ଅସୁବିଧା ଉପୁଜିବ। ଅନେକ ପିଲା ସେଠାକୁ ଯିବାକୁ ଅମଙ୍ଗ ହେବେ। ତେଣୁ ବିଦ୍ୟାଳୟ ଗୁଡ଼ିକରେ ତାଲା ନ ପକାଯିବା ଉଚିତ।
-କୃଷ୍ଣଚନ୍ଦ୍ର ସାହୁ, ଖମାର, ପାଲଲହଡ଼ା

ବ୍ୟବସ୍ଥାରେ ସୁଧାର ଅଣାଯାଉ
କମ୍‌ ଉପସ୍ଥାନ କାରଣରୁ ସ୍କୁଲଗୁଡ଼ିକୁ ବନ୍ଦ ନ କରି କିପରି ଅଧିକ ଛାତ୍ରୀଛାତ୍ର ବିଦ୍ୟାଳୟକୁ ଆସିପାରିବେ ସେ ଦିଗରେ ଶିକ୍ଷା ବିଭାଗ ଧ୍ୟାନ ଦେବା ଉଚିତ। ଯଦି ମିଶ୍ରଣ ପରେ ବିଦ୍ୟାଳୟକୁ ପିଲାମାନେ ନ ଯିବେ ତା’ହେଲେ ଏଥିପାଇଁ କିଏ ଦାୟୀ ରହିବେ।
-ସରୋଜ କୁମାର ପାଣିଗ୍ରାହୀ, ରାଜ୍ୟ ଉପସଭାପତି, ଓଷ୍ଟା

ଉତ୍ତମ ଶିକ୍ଷା ପରିବର୍ତ୍ତନ ଆଣିପାରନ୍ତା
ପାଖ ବିଦ୍ୟାଳୟ ବନ୍ଦ ହୋଇଗଲେ ପିଲାମାନେ ଦୂରକୁ ପଢ଼ିବାକୁ ଯିବେ। କିନ୍ତୁ ଉତ୍ତମ ଶିକ୍ଷା ପ୍ରଦାନ କରାଯାଉ ନ ଥିବା କାରଣରୁ ହିଁ ସରକାରୀ ବିଦ୍ୟାଳୟରୁ ଅଭିଭାବକମାନେ ମୁହଁ ଫେରାଉଛନ୍ତି। ଏଥିପ୍ରତି ପ୍ରଶାସନ ଓ ସରକାର ଧ୍ୟାନ ନ ଦେଇ ସ୍କୁଲରେ ତାଲା ପକାଇଲେ କି ମିଶ୍ରଣ କରିଦେଲେ ସମସ୍ୟାର ସମାଧାନ ହେବ ନାହିଁ।
-ବିଜୟ ଅମାନ୍ତ, ବଅଁରପାଳ


Enter your email to get our daily news in your inbox.

All Right Reserved By Dharitri.Com

ଧରାହେଲେ ଆଉ ୨ ବ୍ରାଉନସୁଗାର ବେପାରୀ

ଭୁବନେଶ୍ୱର,୭।୨(ବ୍ୟୁରେ): ରାଜଧାନୀ ପାଲଟିଛି ବ୍ରାଉନସୁଗାର କାରବାରର ପେଣ୍ଠସ୍ଥଳ। ବିଗତ କିଛି ମାସ ହେବ କ୍ରାଇମବ୍ରାଞ୍ଚ ଏସ୍‌ଟିଏଫ୍‌ ଓ କମିଶନରେଟ ପୋଲିସ ସ୍ପେଶାଲ ଡ୍ରାଇଭ୍‌ ଚଳାଇଛି। ଇତିମଧ୍ୟରେ...

ମାଓବାଦୀଙ୍କ ବର୍ବର କାଣ୍ଡ: ପୋଲିସ ଇନ୍‌ଫର୍ମର ସନ୍ଦେହରେ ଦୁଇ ଛାତ୍ରଙ୍କୁ ହତ୍ୟା

ମାଲକାନଗିରି,୧୯।୪(ଡି.ଏନ୍‌.ଏ.):ମାଲକାନଗିରି ଜିଲା ସୀମାନ୍ତ ଛତିଶଗଡ଼ର ସୁକୁମା ଜିଲାରେ ସୋମବାର ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି । ମାନବିକତାକୁ ଳାଳି ଦେଇ ଦୁଇ ଛାତ୍ରଙ୍କୁ...

ପୁରୀରୁ ୧୫ କରୋନା ପଜିଟିଭ ଚିହ୍ନଟ: ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ଛୁଇଁଲା ୧୭୦

ପୁରୀ ଅଫିସ, ୧୬।୬: ପୁରୀ ଜିଲାରୁ ମଙ୍ଗଳବାର ପୁଣି ୧୫ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଜିଲାରେ ମୋଟ ପଜିଟିଭ ସଂଖ୍ୟା ୧୭୦ରେ...

ମହାନଦୀ କୂଳର ମୃତ୍ତିକା କ୍ଷୟ ରୋକିବା ଚିନ୍ତା: ମଣିଭଦ୍ରାଠାରେ ପଥର ବୁରୁଜ କାର୍ଯ୍ୟ ନିମ୍ନମାନର, ମାଟି ଗଦା ଉପରେ ହେଉଛି ନିର୍ମାଣ

ଗଣିଆ,୨୧ା୭ (ଡି.ଏନ.ଏ.): ମହାନଦୀ ପ୍ରଖର ଜଳସ୍ରୋତକୁ ମନ୍ଥର କରିବା ଓ କୂଳର ମୃତ୍ତିକା ଅବକ୍ଷୟ ରୋକିବା ପାଇଁ ରାଜ୍ୟ ସରକାରଙ୍କ ଜଳ ସମ୍ପଦ ବିଭାଗ ତରଫରୁ...

ଶୌଚାଳୟ ଯାଇଥିବା ବେଳେ ତାଲା ପକାଇ କର୍ତ୍ତୃପକ୍ଷ ଛୁ’, ଘଣ୍ଟାଏ ପରେ ଛାତ୍ର ଉଦ୍ଧାର

ବାଲେଶ୍ୱର ଅଫିସ,୧୨।୯: ବାଲେଶ୍ୱର ସହରର ମଠସାହି ମହାବୀର ନୋଡାଲ ସ୍କୁଲରେ ବୁଧବାର ଏକ ଅଭାବନୀୟ ଘଟଣା ଘଟିଛି। ସ୍କୁଲ ଶୌଚାଳୟରେ ଜଣେ ପ୍ରଥମ ଶ୍ରେଣୀ ଛାତ୍ର...

ମାସ୍କ, ପିପିଇ କିଟ୍‌ ଦୁର୍ନୀତିକୁ ନେଇ ହଟ୍ଟଗୋଳ

ଭୁବନେଶ୍ୱର,୩୦ା୯(ବ୍ୟୁରୋ):ସରକାରଙ୍କ କୋଭିଡ୍‌-୧୯ ପରିଚାଳନାକୁ ମଙ୍ଗଳବାର ବିଧାନସଭାରେ ଝଡ଼ ସୃଷ୍ଟି ହୋଇଛି। ଭାଜପା ଓ କଂଗ୍ରେସ ଏହି ପ୍ରସଙ୍ଗରେ ସରକାରଙ୍କୁ ଘେରିଥିଲେ। କରୋନା ପାଇଁ ମାସ୍କ ଓ...

କିଡ୍‌ନୀ ରୋଗ୍‌ରେ ପୀଡ଼ିତ ଧୁବଲ: ଟଁକା ଅଭାବୁ ଅଟ୍‌କିଛେ ଚିକିଛା

ଲୋଇସିଂହା, ୨୫।୧୨ (ଡି.ଏନ୍‌.ଏ.)-  ବଲାଙ୍ଗୀର ଜିଲା ଆଗଲପୁର ବ୍ଲକ ନଅଗଁା(ଖ) ପଁଚେତ୍‌ ସାନଟିକା ଗଁାର ଧୁବଲ ପଧାନ(୪୫)। ଦୁଇ ବଛର ହେଲା କିଡ୍‌ନୀ ରୋଗ୍‌ରେ ପୀଡ଼ିତ...

ସିବିଏସ୍‌ଇ ଦଶମ, ଦ୍ୱାଦଶ ପରୀକ୍ଷା କାର୍ଯ୍ୟସୂଚୀ ଘୋଷିତ

ଭୁବନେଶ୍ୱର, ୩।୨(ବ୍ୟୁରୋ): କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍‌ଇ) ଦଶମ ଓ ଦ୍ୱାଦଶ ପରୀକ୍ଷା ମେ’ ୪ତାରିଖରୁ ଆରମ୍ଭ ହେବ। ପରୀକ୍ଷା ପାଇଁ ମଙ୍ଗଳବାର କାର୍ଯ୍ୟସୂଚୀ...

Advertisement


Archives

Model This Week

Why Dharitri