କୋଲକାତା,୧୧।୨ : ପଶ୍ଚିମବଙ୍ଗରେ ପ୍ରତି ୬ ଜଣ ଗର୍ଭବତୀ ମହିଳାଙ୍କ ମଧ୍ୟରୁ ଜଣେ (୧୭ ପ୍ରତିଶତ) ସ୍ବଳ୍ପବୟସ୍କା ବୋଲି ଏକ ସର୍ଭେରୁ ଜଣାପଡ଼ିଛି। ବିବାହିତ ମହିଳାଙ୍କ ମଧ୍ୟରେ ସେମାନଙ୍କ ଅନୁପାତ ୪ ପ୍ରତିଶତ ବୋଲି ସରକାରଙ୍କ ମାଟ୍ରିମା ପ୍ରୋଗ୍ରାମ୍ରେ ସଂଗୃହୀତ ତଥ୍ୟରୁ ଜଣାପଡ଼ିଛି। ଝିଅଙ୍କ ବିବାହ ପାଇଁ ୧୮ କିମ୍ବା ୧୯ ବର୍ଷ ବୈଧ ବୟସ ହୋଇଥିବାବେଳେ ଉଭୟ ମାଆ ଓ ଶିଶୁଙ୍କ ସ୍ବାସ୍ଥ୍ୟଗତ ସୁରକ୍ଷା କାରଣରୁ ଗର୍ଭଧାରଣର ସର୍ବନିମ୍ନ ବୟସ ୨୧ ବର୍ଷ ହେବା ଆବଶ୍ୟକ ବୋଲି ସ୍ବାସ୍ଥ୍ୟ ବିଭାଗ କହିଛି। ସ୍ବଳ୍ପବୟସ୍କା ଗର୍ଭବତୀ ମାଆଙ୍କ ସ୍ବାସ୍ଥ୍ୟ ପ୍ରତି ଅଧିକ ବିପଦ ରହିଛି। ଏପରିକି ପ୍ରସବ ସମୟରେ ସେମାନଙ୍କ ଜୀବନ ପ୍ରତି ବିପଦ ରହିଥାଏ ବୋଲି ବିଶେଷଜ୍ଞମାନେ କହିଛନ୍ତି। ମାଟ୍ରିମା ପୋର୍ଟାଲ ତଥ୍ୟ ଅନୁଯାୟୀ ଗତବର୍ଷ ସେପ୍ଟେମ୍ବର ସୁଦ୍ଧା ପଶ୍ଚିମବଙ୍ଗରେ ୪ ଲକ୍ଷ ସ୍ବଳ୍ପବୟସ୍କ ଦମ୍ପତି ରହିଛନ୍ତି। ସେଠାରେ ବର୍ଷକ ମଧ୍ୟରେ ସ୍ବଳ୍ପବୟସ୍କାଙ୍କ ଗର୍ଭନିରୋଧକ ବ୍ୟବହାର ୫ ପ୍ରତିଶତ ବଢ଼ି ୫୫ ପ୍ରତିଶତରେ ପହଞ୍ଚତ୍ଥିବା ସର୍ଭେରୁ ଜଣାପଡ଼ିଛି।
